Falling hearts Here
وكأني اراه لاول وهله
صغيرا مازال في المهد
ترعاه عيون السماء
وينام علي صدر النجوم
يهدهده صمت الفضاء
ويؤنس وحدته عيون العشاق
رايته اليوم بلون مختلف
تخطلط فيه الوان الفرح الممزوج بحمره الشباب
والوان الحزن الممزوج بكـأبة الاحزان
يتفنن في عكس ضوئه البراق علي جنبات الارض
فيجبرها علي استقبال وفود ه الامعه
وكأي منتصر يملي شروطه علي المهزوم
فمن يبارع ضوء القمر؟
اشعه من النور استمدت حياتها من شمس غربت وطوتها صفحات السماء
واصبحت ذكري تتجدد كل صباح
يتفنن كل ليله في الاختفاء
وترك عيون العشاق الحياري تنهش السماء بحثا عنه
وتختفي وتتركني
ظمأنه لضوئك
واسيره الظلام
وتجرحني
وانا اعشقك ولا اقدر علي تحريرعيناي من اسرك
وتخدعني
وتظهر لغيري
وتترك عيون اخري تداعبك سواي
وتنام في احضان السماء..... تقبل النجوم
ولكنك يا قمري
لي وحدي
حتي لو داعبتك عيون العالم
واقلقت خلواتك امنيات الاحباب
وطاردتك همسات العشاق
ستظل لي وحدي
داخل حنايا قلبي
مهدك الاول
والاخير
.......
106 comments:
الحب الصادق يبقى داخل القلوب لافراق الا بالموت
كتبتى فابدعتى
تحياتى
السلام عليكم
مش هتكلم عن الابداع
لكن هقول حاجه
اللي بيحب انسان بيشوفه اجمل ما في الكون
لانه بيشوف الجمال الداخلي وليس الخارجي
تحياتي
أتسائل دوما ما العلاقة بين الحب و القمر؟
ابداعك جميل جدا ما شاء الله
تحياتي لك من ماناساس البلد
gamela ya go7ina
ma3lish el 7rof 3ndy batza el na7rda
bas begad kalamek 7sa eno sa7 awy
ana 3n nafsy lama ba7eb 7ad bashofo malak
ba7iky awy elmarady
we matbkish teghiby
3ashan betw7ashny a3malek
أنا أكتر حتة عجبتني دي
--------------------------
رايته اليوم بلون مختلف
تخطلط فيه الوان الفرح الممزوج بحمره الشباب
والوان الحزن الممزوج بكـأبة الاحزان
--------------------------
كلامك صح فعلا لأنو الواحد مرات لما يكون فرحان بيحس إن الدنيا كلها فرحانة معاه
و لما بيكون مهموم ما بيشوفش ف القمر غير وجهه المظلم
تعبير موفق
تحياتي
فى معسكر باجوش التابع لجامعة الاسكندرية
وما ادراك ما معسكر باجوش
كل جامعة الاسكندرية كوم ومعسكر باجوش كوم
حلم لا مثيل له فى جنة تشهد بعظمة خالق الجمال
كل ليله فى معسكر باجوش كنت اتسلل من خيمتى الى الرمال واستلقى على ظهرى اراقب السماء
ان النظر الى السماء وانت راقد موضوع مختلف تماما
سحر
جنون
خيال
القمر يلاعبك
النجوم تعاكسك
الخيال يخدرك
يغلبك النوم احيانا
ثم تفتح عينك فترى القمر يضحك منك
ونجوم فى كل اتجاه باحجام مختلفه ولمعان مختلف
وتحس كان السماء قريبه منك وبعيده عنك فى نفس الوقت
وتسال كيف ألفنا هذا المنظر فلم نعد نستعجبه
ثم ترى وجه مخلوق عملاق على سطح القمر يضحك تارة ويقطب تارة
وترى نجمة بذيل تجرى ثم تختفى
ثم تقضى بعض الوقت فى رص النجوم على اشكال مخلوقات مثلما يفعل اصحاب الابراج
متعة النظر للسماء ليلا لا يتخيلها احد
والغريب اننا اصلا لا ننظر للسماء كثيرا
كنت دائما اتخيل الدواب
الكلاب والقطط والحصنه والحمير والقرود الخ
كلها مخلوقات تسعى على اربع ولا تنتصب على قدمين
تخيل مخلوق منهم عاش خمسون عام
وتخيل ما هى نسبه ما راى من الكون
مؤكد ان 99% مما رآه هو الارض اسفل قدميه
ومؤكد انه لم يرى السماء الا لمحات عندما يشيح براسه او عندما يتمرغ على الارض
حتى الطيور دائما تنظر للاسفل
لم نرى طائرا يطير ووجه للاعلى
ايكون ربنا خلقنا منتصبين حتى ننظر الى السماء؟
حتى نتمتع ونتأمل ونرتاح ونؤمن ونثق ونتيقن؟
وكعاده ملاك النت جهينة تلفت نظرنا لكل ما هو رومانسى وشاعرى وراقى وانسانى وسماوى
كلما زاد الاعجاب بكى اسال
معقول فيه جمال اكثر من هذا؟
ولكن كل مره اكثر واكثر
اليس يا جهينة لجمالك نهاية؟
لسه كنت باسال نفس السؤال
صدفه ولا توارد خواطر
ولا
بصي بقي
انا هعمالك ديوان علي حسابي ايه يابنتي الجمال ده
حلو جدا
كعادتك مبدعه يا جهينه
ربنا يوفقك يا رب
بس قوليلي سفر ايه اللي بتتكلمي عليه
قلقتيني عليكي
طمنيني عليكي
معلش النهارده بجد مش قادر ارد
إن شاء الله لما ابقي احسن اكيد هاجي و ارد علي كلماتك زي ما بحاول كل مره
تحياتي
تصدقى بالله؟انا كنت لسه داخل الناهرده عشان ازعقلك و اقولك انى نفسى اقرألك حاجه جديده
دخلت لقيت التحفه دى
لو انتى بتوصفى ضوء القمر والسحر اللى فيه؟ يبقى كدا بجد كلماتك الحلوه دى خساره ف القمر وخساره فيه زى ما بتقولى
وتختفي وتتركني
ظمأنه لضوئك
واسيره الظلام
وتجرحني
وانا اعشقك ولا اقدر علي تحريرعيناي من اسرك
هو مين يعنى عشان يعمل فيكى كدا؟؟((:
:))
وصفك دا ماشوفتش زيه بجد...انا كاتب حاجات عن القمر ف مذكراتى ومستنى انزلها وانتى شجعتينى انزلها قريب
اما اذا كان بقى قصدك عن القمر التانى اللى هو بالى بالك فيبقى يا بخته ومش ح يلاقى كلام اجمل من كلامك دا ممكن يتوصف بيه
حتي لو داعبتك عيون العالم
واقلقت خلواتك امنيات الاحباب
وطاردتك همسات العشاق
ستظل لي وحدي
داخل حنايا قلبي
مهدك الاول
والاخير
فيه خصوصيه شديده بين الانسان اللى بيحب القمر وبيحب يسهر كدا تحتيه وبين القمر خصوصيه وعالم كامل انتى قدرتى توصيفيها بالكلمات
حتي لو داعبتك عيون العالم
واقلقت خلواتك امنيات الاحباب
وطاردتك همسات العشاق
ستظل لي وحدي
داخل حنايا قلبي
مهدك الاول
والاخير
بتقوليله حتى لو كل الناس شايفاك وانت بتنور لياليهم انا حاسه برضه انك طالع ليا لوحدى وكأنك بتغيرى عليه
تحفه يا جهينه والنبى تحاولى تراسلى مجله كبيره او جريده صدقينى اسمك فى يوم ح يبقى معروف جدا
لانك مش اقل من اسماء تانيه مشهوره
بالتوفيق دايما
مش كل شويه بقى هقلك حلو وجميل ومبدعه
انا هبتدى اغير واقلق على المنافسه
اقفى شويه يا شيخه خلينى الحقك
:)
جميل فعلايا جى جى
ومؤثر وفى فكره جديده
الواحد بيشوف اللى بيحبهم بعين تانيه
زى متقولى كده
القرد فى عين مامته غزال
:)
بهزر بهزر
يارب دايما فى تطور وتقدم
يلا هنعمل ايه امرنا لله
اصحاب ولازم منحقدش على بعض
ربنا يوفقك يا جى جى
قبلاتى
ايه الكلام الجامد دا
انا فعلا بعشق القمر
بس انتى عشقك ليه خلانى احس بطعم مختلف
كلامك ووصفك له اكثر من رائع
بجد انتى مبدعه
أنتِ ملاكى المـبـدع يا جىجى
راااائعة جدًا يا جهينة ... فكرتيني باللي كنت عاوز أكتبه عن القمـر أنا كمان .
.
.
بـس قمر من نوع خااااص جدًا
............
تحياتي ليكي ، وعلى فكترة تم تعديل ما تم فهمه خطأ ( أكيد يعني) في مدونتي !!! ....
فخالــص تحياتي
tamer nabil
الب الصادق يبقي في القلوب
مهما كانت اطرافه
الف شكر ليك
تحياتي
مهند
يا مهندس المدونه
كل الي قلته صح
بس دا بينطبق علي البشر
انا هنا بحب القمر
كجسم مادي
وليس شخص
يعني نوع تاني من الحب
مختلف
بس يا سيدي
وبعدين فيه مسمارين فكوا حضرتك في المدونه
ومربطهموش؟
حكايتك ايه بقي؟
سلام يا مهندس
the groom
فيه علاقه وثيقه بين الحب والقمر
دا في رأي انا بس يمكن
يمكن علشان القمر بيمثل كل ما هو جميل وشاعري
تماما زي الحب الصادق؟
يمكن يا عبدالله
الف مليون شكر ليك علي متابعتك ليا
تحياتي
الورده السوداء
سلامه الكيبورد بتاعتك
مالها؟
والف شكر علي كلامك
انتي بس علشان قمر
حسيتي بالي كتبته وعجبك
تحياتي ليك يا قمر 14
محمد فوزي ال ربيع
الموضوع دا مختلف اهه زي ما طلبت
انا اقدر اكسرلك طلب
يمكن برضه بيدور حول الحب
بس بشكل تاني
حب الجمال مثلا
حب اشياء بنتعلق بيها
غير حب الرجل لامرأه
اي خدمه يا فندم
والف شكر ليك يا محمد
تحياتي
هارملس الرائع
دا لقبك من هنا ورايح
بجد ميحسش بجمال القمر غير كل انسان شاعري ورمانسي
صافي ونقي
لانه بيشوف فيه ترجمه لكتير من الاشياء الي بيحس بيها
ترجمه لوجه ضاحك بيتمني يشوفه
ترجمه لاشتياقه لعزيز وغالي لكن بعيد عنه
ترجمه لغموض احوال كتير بيكون عليها القمر
تمام زي الطرف التاني
ترجمه لمشاعر اتوجدت عندنا كلنا وهيا حب السهر برفقه القمر
ترجمه حتي لوجه عابس تغطيه السحب بيمثل اكيد شخص او حتي موقف في حياتنا
انا عن نفسي بشوف فيه كل دا واكتر
بشوف فيه حب من نوع اخر غير الي كل الناس متعوده عليه
يمكن لانه كان انيسي في غربتي لليالي طويله
سمع مني كتير منغير ما بتبرم او يزهق
بالعكس طول عمره صدره رحب ليا
علشان كدا بتربطني بيه علاقه خاصه جدا
واكيد انت زي
ليك مفاهيمك ومشاعرك الي بيترجمهالك القمر
والدليل القصه الي انت حكيتها
بس يا سيدي
وبعدين الف شكر علي كل كلامك
بس ملاك النت مره واحده
والله كتير بجد
وصدقني الي بيشوف غير جميل بيكون هو اساسا اجمل منه مليون مره
زيك كدا تمام
وبالنسبه للسؤال بقي
فاحنا سألنا في نفس التوقيت برضه
مش ممكن تكون صدفه
انا شكلي هستعين بصديق
تحياتي ليك
يا هلرملس الرائع
خواطر شاب غاضب
الانسان بيتربط من كلمته
فين الشيك بقي؟
شكلك اترورط
ياسيدي الف مليون شكر وربنا يخليك
انت كلك ذوق
تحياتي
arabian girl
انت احلي اكيد
اهلا بيكي في مدونتي
واتمني تكرريها
تحياتي
proid
يا رامي
ايه مالك
شكلك مدايق
يارب تكون بخير
المهم
انا الحمد لله
ابقي طمني عليك انت
تحياتي
مداح القمر
تصدق انت بالله
بجد انت انسان والله محترم واخلاق
وبعدين يا اهلاوي من غير زعيق
انا بس كنت مشغوله شويه مش اكتر علشان كدا اتأخرت
او يمكن بتقل واشوف مين هيسأل عليا
اما بالنسبه لفكره الموضوع
فأنا بوصف القمر والله مش اي حد تاني
يعني بحبه فوصفته
يمكن نوع من الاعتراف بجميله عليا في ليالي طويله كان فيها مصدر الهامي
تكريم ليه
وبعدين انا مستنيه وصفك ليه انت كمان
ياريت تنزله بسرعه علشان اشوفه اكيد هيكون بجد جميل زيك
وبج احرجتني بكلامك
لانك انسان والله ذوق وصادق
وبالنسبه للنشر
ففي قدامي بس شويه اشياء هخلصها ووقات ملاقي نفسي بجد بكتب حلو لدرجه انه يستحق النشر اكيد مش هتأخر
مش عارفه اشكرك علي ايه ولا ايه
والله كلمه شكر قليله عليك
نورتني يا اخي الكريم والعزيز جدا
جدا
رانيا
هتغير من ايه بس
دا انتي الاستاذه يا بنتي
بلاش التواضع دا
انا الي بلحقك
لانك انتي السباقه دايما
وتسلمي علي كلامك
هكلمك النهارده
عايزه اشوفكو يا عيال بقي
تحياتي
رينا
يا جميله
اسمك حلو اوي
بجد والله اسمك جميل
معناه ايه يا رينا؟
مبسوطه انك حسيتي بطعم مختلف لحبك للقمر من خلالي
بجد سعيده بتشريفك ليا
واتمني تكلرريها
يارينا
تحياتي
نبيذ
يا خمر الحب
والله انتي الي ملاك
ربنا يخليكي ليا وميحرمنيش منك ابدا
تحياتي يا نيبذ
ابراهيم معايا
مين القمر الخاص دا
وجدا كمان
ايوه يا سيدي
ربنا يوفقك وتعيش سعيد طول عمرك
وهروح مدونتك علشان اشوف الخطأ الي اتصحح
حالا اهه
تحياتي يا سيدي
كل الكلام الحلو والابداع ده للقمر يا جى جى طيب يا ستى يابخت القمر بيكى وبكلامك
:)))
تحياتى يا سكره
المرة دي فيه صور وتشبيهات كانت مفاجئة ليا .. وكلها جديدة بالنسبة لي
ترعاه عيون السماء
وينام علي صدر النجوم
يهدهده صمت الفضاء
ويؤنس وحدته عيون العشاق
اشعه من النور استمدت حياتها من شمس غربت
وترك عيون العشاق الحياري تنهش السماء بحثا عنه
حقيقي أحييكي على التعبيرات الجديدة والجميلة دي
وأخيراً
حديثِ عن معشوقِ مُشترك
أخيراً
أقرأ لكِ .. ثم أُغمض عينيّ فأراه
أو أفتح نافذتي .. فأراه
.....
حلوة يا جي جي
اي ده يا ناس يا هووه جهينة زبادوو
نزلت بوست بتهرجوا بقا بجد ... الجزيرة مزعتش الخبر ليه طيب ...ما علينا نيجي لصاحبة القصيدة ..
حاسس اني جاي متاخر بس اعذريني انت عارفه اني علا طول متابعك كنت مشغول والله شويه ...
بس ايه الجمال ده ....ينفع ابص في القاموس شويه اركب كام كلمة يعبروا عن اعجابي بكلام حضرتك وقصيدة حضرتك وجناب حضرتك ههههههههه
ايه حكاية حضرتك دي صحيح ؟
بجد انت عارفه رايي فيكي من الاول مش محتاج يعني تفاصيل بقا احنا لسه مكلمين امبارح وانت عارفه ...
ااستمري يا جهينة ولا تتوقفي فمثلك من يملئون الدنيا بسمة وابتهاجا واملا
تحياتي الحار ةوالمخلصة جدا
Thanks for you work and have a good day
My next work goes to be made in Arab. The heading is: Egipto, the mother of the World.
الشاى
عامل شغل
ايه جامده جدا
ليه كده
وانا مستعجل كالعاده
سلام جدن
يسلموووو على الابداع يا جهينة .... كلماتك رائعة واحساسك مرهف
اتمنالك التوفيق
سهر الليالي
ايوه والله الكلام للقمر
ربنا يخليك يا اماني وتفضلي منوراني علي طول
تحياتي يا قمر
يا مراكبي
بجد انا والله محرجه منك
عارفه انك مشغول لكن مع ذلك عندك وقت تتابع
بجد والله انسان ذوق
والف مليون شكر علي كلامك
وبجد مبسوطه ان الكلام عجبك
تحياتي
اميرة
يا ملكه التفكير
واضح انك بتحبي القمر زي
كدا هنتخانق مع بعض
انا قولت نوع من التجديد لان فيه ناس كتير بتحب القمر
وانا بعشقه بصراحه
الف شكر يا اميره علي كلامك ودخولك
تحياتي يا ملكه
احمد طاهر
بقي انا جهينه زبادوا
ماشي يا سيدي
بس ياريت بالمنجه علشان بموت فيها
وايه حكايه حضرتك دي صحيح
اما بالنسبه للجزيره والسي ان ان
فأنا قصدت اني مخلهومش يزيعوا علشان الحسد
انت عارف بقي النفسيات
وبعدين شكل الكي بورد اتعدلت
والحمد لله انا صلحت الروتر كمان
بعد خناقه عنيفه
يلا
تسلم يا ابو عمر علي كلامك
وربنا يخليك ليا يا اخويا العزيز
تحياتي
david s
thank you so much
شهر يناير
ايه كوبايه الشاي الي شربتها عندك في مدونتك خلتني منمش لمده يومين
وبعدين فين حته الجاتو
وايه حكايه مستعجل دي ماشي يا
عم المستعجل
سلامين جدا
تحياتي
الوافي
تسلم علي ذوقك واخلاقك العاليه
بجد ربنا يخليك
ووجودك منورني يا وافي
تحياتي
اول زيارة لمدونتك
على الرغم من ان الناس عرفت حقيقه القمر
جسم معتم و بارد الا انهم لسه متمسكين بنظرتهم ليه
بجد كلامك بسيط بس حساس
جىجى المتتألقه دائما:)
باعشق القمر بيسمحلى أبصله وأتأمل فيه بيؤنس ليلى ويصحى فيه معابى كتير أوى وصفك تحفه واسلوبك رائع بجد مش عارفه أقول ايه أكتر حاجه عاجبتنى كله مدهش انتى هايله بجد:)))
مستنياكى ومش هازعل لو اتأخرتى طالما هترجعى بحاجه كده تستحق الإنتظار
سلام:)))
جميل اوي ايه
حكايه القمر معاكي
حتي لو داعبتك عيون العالم
واقلقت خلواتك امنيات الاحباب
وطاردتك همسات العشاق
ستظل لي وحدي
داخل حنايا قلبي
مهدك الاول
والاخير
الخاتمه تحفه
مش عارفه شغاله اسمع فيروز الله معك
بقالي ساعه
لما قريت البوست ده
حساه كملى حاله ما
رغم انه ملهوش علاقه
بس تقول ايه
تحياتي ياجميل
قمر وسهر وليل
وهدهدة من صمت الفضاء
وعيون عشاق
طيب كل دة ومحتاج تعقيب
دة حب بئي
او احساس بية
او بحث عنة
اي كان فهو تعبير جميل عنة
يارب يفضل القمر جميل علطول في عيونك علشان تكتبي كلام جميل كدة
ليه مش بتزووري مدونتي
بقالك فترة
عجبني اوي الخداع اللفظي في كلامك خدعتينا وكانك بتتكلمي عن القمر وانتي بتوصفي الحبيب علي فكرة مش اي حد يقدر يعمل كده رائع ممتاز
very niceeeeee
الله ينور لياليكي
:)
esmeralda
اهلا بيكي في مدونتي لاول مره ويارب متكونش الاخيره
صحيح القمر جسم معتم بارد
بس دا من الناحيه الماديه
اما من الناحيه الحسيه فالامر مختلف بالنسبه ليا
بحبه بقي يا ستي
الف شكر علي كلامك وتحياتي ليكي يا قمر
واحده من الناس
يا احلي واحده من الناس
الف شكر علي ذوقك ومجاملتك الرقيقه
ويارب دايما منوراني بكلامك ودخولك
وان شاء الله مش هتأخر تاني
انت بس عارفه ظروف السفر بتكون ملغبطه الدنيا
تحياتي ليكي ياقمر
محض الروح
مش عايزه اقولك قد ايه انا بموت في حاجه اسمها فيروز
اغانيها كلها
اديش كان فيه ناس
ارقصي يا عروسه
كتبنا
حبيتك تنسيت النوم
حبيتك في الصيف
من عز النوم
ياااااااااااااااااه بموت فيها والله وعندي كل اغانيها
وبحبك علشان بتحبيها وبتسمعيها
اكيد مش دا سبب الحب وبس
انتي انسنه جميله وتتحبي والله
الف شكر علي كلامك يا قمرتي ودايما منوراني
كراكيب عادل
يارب انت تفضل منور مدونتي كدا علي طول
واطمن انا القمر حلو في عنيا علي طول
ومبسوطه ان الكلام عجبك
الف مليون
تريليون شكر
وممكن افكهملك لو معاك فكه مليون يعني
تحياتي ليك بجد
خواطر شاب غاضب
والله غصب عني
انا فيه مدونات كتير بجد مش عارفه اتابعها والله
انا عارفه اني مقصره جامد بس والله غصب عني
وان شاء الله هزورك قريب
تحياتي يا فاروق
sendbad
بجد والله انا كنت بوصف القمر
الحبيب دا ليه وصف تاني خالص
والله القمر صدقني
بس هيا تمشي
وعلي حسب الي بيقرء هيحس بأيه
انت حسيت اني بوصف الحبيب
وناس حسيت اني فعلا بوصف القمر
والاتنين مفيش بينهم فرق
علشان القمر اساسا هو حبيبي
يعني انت برضه صح
نورتني بوجودك
ويارب دايما تكون موجود
تحياتي
islamventura
الف مليون شكر
واهلا بيك في مدونتي
تحياتي
bino
ربنا يكرمك يارب
والله دعوتك دي جميله جدا جدا
الف مليون شكر
دايما منورني
تحياتي
كلماتك ارست قواعد الرومانسية بداخل قلبي للحظات وأنا مستغرق في القراءة
تحياتي لهذا القلم المبدع
وهذا القلب المحب
صاحب البوابه
بجد انا الي بحييك علي كلماتك الجميله الهذبه
واحساسك العالي
تحياتي ليك بجد علي تشريفك ليا
واهلا وسهلا بيك دائما
تحياتي اخي الكريم
معاكي ان المعني في بطن الشاعر علشان كده لازم الشاعر ياخد باله من بطنه ما علينا اذا كان الحبيب ليه وصف تاني فانا منتظر البوست اللي فيه وصف الحبيب
sendbad
بس كدا انت تأمر
وحلوه اوي بطن الشاعر
كل واحد فعلا ياخد باله من بطنه بعد كدا
الف شكر ليك بجد
وجودك بينورني
تحياتي
متأكدة؟؟
تحياتى
عين ضيقه
ايوه متأكده
بس الكلام علي مين؟؟؟
تحياتي يا قمر
مممممممممممم
واضح اني جيت متأخر
بس بجد ن تحفه
مش لاقيه كلام اقوله بعد الكلام الجميل اللي انتي كتباه
ومهما قلت اصلا مش هوفي الكلام حقه
الرقه والبساطه اللي في الكلمات دي اكيد من تأثير القمر :)
وتخدعني
وتظهر لغيري
وتترك عيون اخري تداعبك سواي
وتنام في احضان السماء..... تقبل النجوم
ولكنك يا قمري
لي وحدي
بجد ابداع
هنيأ له من فاز بهذا القلب
فى يوم واحد حب...كان بيكلم القمر ويحكيله عن حبيبته..والغريب ان القمر كان بيرد عليه
لما بعدوا عن بعض هوه وحبيبته..حاول يكلم القمر تانى..ولما مردش..عرف ان القصة انتهت
دلوقتى..بيبص على القمر من بعيد لبعيد
جميل كلامك..فكره بحاجات كتير كان بيحول ينساها...بشكرك من كل قلبى
وخلى بالك من قمرك
حلو الحب اللي باجي ألاقيه عندك ده.. واحشني قوي
واحشني معنى الحب اللي موجود كده ..من غير دافع.. من غير عامل مساعد.. من غير أي مبررات
الحب ذاته قيمة رائعة تثير النشوة الجميلة البريئة الرقية بغض النظر عن حقيقة اللي الحب ده رايحله أو متوحه له
أماالقمر .. فأنا دايما بشوفه زي ماقال هارملس و استغربت إنه بيشوفه كده
بشوفه وجه أحيانا مبتسم و أحيانا حزين,, دائما مائل بدلال
دائما يوجه نظره لي أنا
دائما بحسه زي ما بتقولي يعرفني أنا بالذات
في عز الزحام أبصله فألاقيه باصصلي أنا
وحاسس و عارفف جوايا إيه
فلحظات الصدمات بقوم راعة عيني له.. فألاقيه واخد باله من اللي حصل و يقوللي معلش
بس حاليا أنا وهو متخاصمين شوية وباقي على صلحنا 3 شهور
كلماتك قريبة قوي و خلتني أغير على القمر و شكلها حاتقلب خناقة
زعلانة عشان إتأخرت عليك .. مشغولة جدا لكن خيالي دايما عند حسن ظني
دايما مصاحب الناس اللي بحبها
:)
عرفيني أخبارك
ضوء القمر
مش هقولك قد ايه انا سعيده بكلامك
وقد ايه سعيده بدخولك
ويارب دايما منوراني علي طول كدا
بكلامك وذوقك يا قمر
تحياتي
استاذي العزيز
حسني سليمان
معرفش والله اذاكان زي ما بتقول هنيأ له ولا هيكره حياته
بجد الله يعلم
دايما منورني بدخولك
ونورك الي بيكمل نور المدونه
تحياتي
van gogh
كلامك كله بيعبر عن كل حاجه عايزه اوصلها بالبوست
وبيوضح علاقه الحب بالقمر
اما بالنسبه لقمري فأنا اكيد هخلي بالي منه
علشان لو ضاع
واختفي
ممكن
او اكيد
هموت
ربنا ميحرمنيش من وجودك
ودايما الاقيك معايا
تحياتي
هانووده
انتي حتي لو اتأخرتي فأنا هستناكي لغتيه ما تدخلي
وربنا يعينك ويوفقك يارب
وبعدين ايوه الموضوع هيقلب بخناقه
دا قمري انا بس
لو سمحتي ممكن اسلفهولك يوم
او اتنين يعني مش اكتر
وبعدين حضرتتك متخاصمه معاه ليه؟
صدقيني مفيش احسن منه هو والبحر علشان يكون اصحاب الانسان خصوصا في غربته
والله يا هنووده انا بحبك من قبل ما اعرفك
ولازم اعرفك بقي
اتمني اشوفك علي خير
وهقولك كل اخباري ان شاء الله
تحياتي يا اجمل هنوووده
انتى رومانسية قوى يا جهينة وانا خايفة بجد عليكى من الحب والعواطف
ما فيش بيجيب لورا غيرهم
بجد شكرا على اهتمامك وتهنئتك بعيد ميلاد جنى
تحياتى
ياسمين
يا رئيسه المدونين
ايوه انا رومانسيه اوي
بس في الخيال مش اكتر صدقيني
ولو عرفتيني
هتلاقين شخصيه مختلفه تماما عن الي انتي متصوراه
اني واقعيه الي ابعد درجه في امور حياتي
ويمكن بعالج واقعيتي دي بجنون الخيال الي بكتبه مش اكتر
اما بالنسبه للحب وانه بيجيب ورا
فأنتي عندك حق في معظم الحالات
مش كلها
ومتخفيش عليا يا قمر
انا جامده اوي واعجبك
ومسيرك تعرفيني وتتأكدي من الي بقولهولك
ربنا يخليلك جيني
وتشوفيها احلي الناس
يارب
والف شكر لخوفك عليا
انتي بجد انسانه اكتر من رائعه
تحياتي
صغيرا مازال في المهد
ترعاه عيون السماء
وينام علي صدر النجوم
يهدهده صمت الفضاء
ويؤنس وحدته عيون العشاق
حلو قوي يا جهينه
بجد رااائع
القمر حبيب شخصي لكل حبيب
كلماتك دايما رقيقة يا جهينة
بتخلي الواحد كده يحس انه خفييييف وان الدنيا حلوة
هيه عجبتني في ما عدا شئ واحد وهو التعبير في جملة
والوان الحزن الممزوج بكـأبة الاحزان
حزن ممزوج بكابة الاحزان
طب ايه الجديد اللي اضافه المزج هنا
يعني حزن علي حزن
تاني حاجة انا ماعرفش اذا كان في في اللغة كلمة"يبارع" ولا لا
انا بصراحة اول مرة اسمعها
ممكن تكون "يباري" او "يضارع"..بس انا اول مرة اسمع يبارع ويمكن ده يكون جهل مني بس اتاكدي علي اي حال من حد بيفهم
تحياتي وسافتقدك كثيرا بعد سفرك
ياااااااااااه
يعني بوست عن القمر
وكلام بالرقه دي
وكمان مش اي كلام
ده شعر حر
يعني اقول ايه
-----
ستظل لي وحدي
داخل حنايا قلبي
-----
انتي متاكده انك بتتكلمي على القمر بتاعنا
الابيض ده اللي بيجي بالليل
كلنا نحب القمر
و القمر بيحب مين؟؟
اوروفوار
جميل اوى البوست
و الصورة كمان جامدة جدا جدا
هتسمحيلى طبعا اقولك جى جى :)
عشق القمر عشق من نوع خاص وله ناسه فكثير من الناس لا يلتفتون اليه مع انه يرعاهم فى كل ليله ولا ينتظر منهم مقابل و هذه هى حاله المحب الصادق العطاء والعطاء.
لذلك فمن يهوى القمر يعيش فى سعاده لا تنتهى يناجيه فيسمع منه الرد الذى يطربه يبتسم له فيرى صورة ابتسامته على صفحه وجهه.
الكلام عن القمر لا ينتهى واغانى فيروز عنه لا مثيل لها.
كلامك رائع وواضح انك انسانه رائعه وجميله فمن يرى هذا الجمال لا بد وان يكون جميلا .تحياتى
جميله ورائعه وبجد ربنا يذيدك ابداع
تحيات لقلمك الرائع
ساحرة
هذا أبط ما توصفين به
ما أرق كلماتك
عذبة جدا ...... وصفتي فأبدعتي
لا أدري ماذا أقول فلم أجد مناجاة للقمر ألطف و أرق من هذه
أحيكي علي هذا البوست الأكثر من رائع
غالبا أحب في تعليقي أن أستفيض في شرح الأجزاء التي أعجبتني ولكن نظرا لضيق وقتي والامتحانات أرجو أن تسامحيني و وعد مني ان شاء الله أن تكون زياراتي بعد الامتحانات مختلفة كثيرا عن هذه الزيارة
حصان بري
يا جماعه انا هتخانق خلاص بجد
القمر دا حبيبي انا وبس
انا طبعا بهزر معاك
فعلا انت عندك الف حق
القمر حبيب كل شخص بييشعر بالحب
فيه علاقه دايما رابطه الحب بالقمر
الف شكر علي دخولك
واتمني تشرفني بزيارتك علي طول
تحياتي
يامن
تصدق عندك حق
في اول نقطه
ايوه حزن علي حزن
طيب ايه الجديد
بواخه بقي تقول ايه
اما يبارع دي
فبجد انا قريتها مره قبل كدا
وتيجي بمعني يباري برضه
بس صدقني انا قريتها قبل كدا مره واستغربت زيك كدا
والمشكله انها لزقت في دماغي من ساعتها
المهم عايزه اقولك ان البوست دا اساسا مش عاجبني
يعني انا كتباه ومش مقتنعه بيه
كان ممكن يطلع احسن من كدا
بس والله دماغي كانت مشغوله اليومين الي فاتوا دول
انت عارف لخمه السفر ومشكله
المره الي جايه ان شاء الله هتلاقي حاجه احسن
تحياتي يا يامن وهكلمك قبل ما امشي
سلام
احمد سلامه
حمدلله علي السلامه
حرمتني من جمال دخولك بقالك فتره
وكنت هبلغ عنك بس الحمد لله لحقت نفسك
براءه يا سيدي
اما عن كلامي فايوه عن القمر الابيض الي بيطلع دا
بس بنظرتي انا ليه
بس يا سيدي ادي الموضوع كله
الف شكر علي دخولك
ولو سمحت متتأخرش بعد كدا
والا
ولا بلاش
الطيب احسن
تحياتي يا احمد
طهقانه
شكلي هستخدم الساطور بتاعك
كلكم بتحبوا القمر؟؟؟؟
تراجعي عن كلامك والا العاقبه هتكون وحشه
يا ستي القمر كمان والله بيحب الي بيحبه
بيحب كل الناس الي حسه بوجوده
بونوي يا قمر
شاب عادي
ربنا يخليك يا سيدي
والصوره اهداء ليك لو عجبالك اوي كدا
متغلاش عليك والله
اهلا وسهلا بيك
تحياتي
loumi
ياسلم
تقولي جي جي
جهينه
جيهان
جين
شوفي الي يعجبك
اي حاجه اكيد منك هتكون حلوه
كل كلامك صحيح جداوبيشرح حاله خاصه جدا بيعيش فيها كل من تطلع الي القمر ورأي فيه شيء خاص
او ترجم له معاني ومشاعر يحتفظ بها داخل قلبه
الف مليون شكر علي اطراءك ومجاملتك الرقيقه
واهلا وسهلا بيكي دائما في مدونتي
نورتيني بجد
تحياتي
مهندس زراعي
اهلا وسهلا بيك
والف مليون شكر علي كلام ودخولك
سعيده بيك جدا
تحياتي
dyin-soul
اشرقت الانوار والله
اهلا وسهلا بيكي
والف مليون شكر علي كلامك الجميل بجد
وياستي ربنا يوفقك في امتحاناتك كلها وتجيبي امتياز كمان
واكيد هتنوري مدونتي باي كلمه هتكتبيها
نورتيني بجد والله
تحياتي يا قمر
جيجي
عرفت أخبارك من عند الراقص مع الذئاب
ايه قبك ده؟؟!!
بس فينك؟.. سافرتي ولا لسة.. حالك ايه
تصدقي لو قلتلك إني في حالة من القلق الشديد عليك.. أصلى عارفة متاهة الأيام اللي تسبق السفر مباشرة
عارفة حالة عدم التصديق و الاندهاش و ربما التتنيح
عارفة الالم المستخبي جوة قوي.. بقرص لكن ماتعرفيش أوله فين و آخره وفين وجي منين و عاوز ايه
ربنا يعينك و طمنيني عليك
جهينة الجميلة
عاوزة اتخانق معاكى...ممكن؟؟:)))
انتى ناوية تحبى القمر لوحدك واللا ايه
لاااا احنا كلنا شركا فيه.. عشان نبقى على نور بس:)))
بعيد عن هزارى العبيط بقى..
بجد انتى عسوله اوى ورقيقه جداا
لا ياستى انا مش اد كلامك الجميل دا:)
ربنا يوفقك ويحققلك كل ماتتمنى
اللللللللله
جميل أوي الاحساس و الأجمل اختيار الكلمات اللي تعبر عنه
ما شاء الله و ربنا يباركلك
صراحة رووعة
لحب الصادق
شي مش موجود
تحياتي و زعلان لانك مختفيه عن مدونتي
مررت لأرى جديدك
فلا تحرمينا منه
تحياتي اختاة
هانووده
يا اختي الي نفسي اقابلها
ربنا يخليكي ليا ويقرب ما بينا
انتي يمكن اكتر واحده مقدره ظروفي وفهماني
بجد انا في متاهه ربنا وحده الي عالم بيها
ومتتصوريش انا تعبانه قد ايه
نفسيا وجسمانيا وكل حاجه
ربنا يخليكي ليا يا هنوده
ومتزعليش لو اتأخرت عليكي
تحياتي يا اختي العزيزه
صورصاره
يابنتي انتي ملكيش حل والله
بجد انتي تحفه
ودمك شربات
نورتيني يا صورصاره جدا جدا جدا
ويارب نفضل متواصلين علي طول يا قمر
علاء
اهلا وسهلا بيك يا علاء
وسعيده بتشرفيك ليا
الف شكر علي كلامك الرقيق ودعوتك
وربنا يباركلنا جميعا يارب
تحياتي
خواطر شاب غاضب
يل فاروق والله غصب عني
انا مقصره مع ناس كتير بس والله السفر والاجراءلت واخده كل وقتي
متزعلش مني
تحياتي
صاحب البوابه
والله الناس المحترمه بتبان من كلمتين
وانت انسان خلوق ومحترم وسعيده بمعرفتي ليك ولمدونتك
وان شاء الله الجديد هينزل بس هيكون مختلف شويه لغايه ما اظبط دماغي تاني
تحياتي اخي الكريم
كلامك جميل اوي ومعبر عن اجمل احساس في الدنيا وهو الحب
الدمعه
الله يخليكي
دا بس من ذوقك ورقه مشاعرك
حسيتي بالكلام
دايما منوراني
واهلا وسهلا بيكي دائما
تحياتي
ازيك يا زبادوووووووووووووووو
انت عاملة ايه
ايه اخبار اول يوم عمل
كسرتي كام سنة وكام ناب
ههههههههههههههههههههههه
ولا يهمك كسري براحتك دلوقتي النان الدهب والخشب مالية الدنيا
هههههههههههههه
يا رب تكوني تمام وبخير ونسمع اسمك كده زي مين زي مين زي مين
زي مين يا زبادووووو
اه ممكن زويل يالا بقا يا عم هو يعني بفلوس
بس انت ادها يا زبادووو
تحياتي الخالصة ليكي دوما
احمد طاهر
زبادو خلص من السوق
بجد خلص من السوق
انا خلاص همنع تصديره علشان الطلب يزيد عليه
مشروع تحفه
انا تعبانه بجد في الشغل
معايا حيتان ياابني والله
وكله فاكرني صغيره بقي ومش عارفه الاعبيهم
بس علي مين
ادعيلي علشان اخد وضعي بسرعه
ربنا يخليك يا احمد
والف شكر مره تانيه
وتالته
ورابعه
ولا تزعل
تحياتي
Post a Comment