Saturday, April 14, 2007

عرافة الحب


لملمت شتات قلبي من كل أطراف الأرض

وعزمت

أن أشفي منك الي الأبد

أن أقاوم طيفك

وأمحي صورتك


فأستجمعت أمري لأسير عبر طريق طويل

الي عرافه الحب ألتمس من خرافاتها الشفاء


طريق طويل

تخللته شمس أضجرها أنيني في صحوها ومسائها

وزهور ملت صوت شكوتي فغلقت ردائها

ريثما أرحل


طرقت الباب ودلفت الي المكان

فكنت كشبح يسير علي التراب

وجلست امامها

رنت الي بعينين فاحصتين وقالت

مالي أري الهوي قد طحن عظامك

وهد قواكي

فمن انتي؟


فأجبت بحرف هزيله

انا من تهت في احضان الزمن ودوامات العشق المجنون

ولا اقوي علي الرجوع


انا قلبا تروعه الحياه ولا تهادنه السنون

مجموعه من المشاعر اسري

يسير بها القنوط واليأس الي الجنون


قلب اضناه العشق فصدرت منه اهة هدهدتها توجعها

وابتلع صوتها شفتي السراب


امسكت بيدي وقالت

الصبر

فقلت

اين لي بالصبر وقد اندثر تحت اقدام الجوي

ليته يعود

خطاه بمسمعي ترتيل

وصوته في دمي تنزيل

بغير شرع ولا دين

اراه في احلامي كرؤيا تطلب التأويل

فهل علي الشفاء منه اي دليل؟


قالت

سيظل قلبك يتقد بين حنايا الضلوع بنار الشوق

حتي يعود....فيعود بك من دروب العشق

تلك هي لعبه الاقدار

احباب نلتقي فتفرقنا السنون

فنكون كالدمي علي مسرح الحياه نلعب ادوار اموات ريثما يعودون


اغرورقت عيناي بدمع الالم

وعدت الي بيتي اتهادي في موج الطريق

كزورق محطوم الشراع تتقاذفه الرياح


ودلفت الي غرفتي واخرجت صورتك من حنايا قلبي

لانهار واعترف امام عينيك

بأنني لن اشفي منك ابدا

فكلما حاولت ان اكف عن حبك

عشقتك اكثر


فأين المفر؟

92 comments:

hosnysoliman said...

اوجعتى قلبى واسعدتنى بكلمات رقيقه من قلب ملؤه حب يندر ان يجود به الزمان
كلمات من بحور العشق والهوى ملؤها شوق وحنين لحبيب لا يتسحق حبك يا صانعة الصلصال..مهما حاولت ان اعلق او اعبر فلن اجد الكلمات..احسنت واستمرى واسعدينى

gohayna said...

ياااااااااااااه
اد ايه انا سعيده بأول تعليق من حضرتك
دا بجد شرف كبير جدا
ربنا يخليك يا فنان يا كبير وتفضل ترفع من روحي المعنويه وتخليني في السما من كلماتك الحلو المشجعه دي

بجد انا كسبانه كتير من معرفه حضرتك

ربنا يخليك ليا يارب وميحرمنيش منك ابدا

الف مليون بليون مالانهايه من الشكر والتحيه

R.R said...

الله يا جى جى
اكثر من رائع
والله مش عارفه اقلك ايه
رااااااائع
كلمات جميله وتعبيرات اكثر من رائعه
وموسيقى رقيقه راقيه اضفت جو جميل على النص
ربنا يزيدك يا حبيبة قلبى
يا أعز الناس

Anonymous said...

ليته يعود
خطاه بمسمعي ترتيل
وصوته في دمي تنزيل
بغير شرع ولا دين
اراه في احلامي كرؤيا تطلب التأويل
فهل علي الشفاء منه اي دليل؟

فعلا أنا بأستغرب للمشاعر دي

ممكن تكون لسة بتحب واحد و بتفضل عايش على ذكراه و هوا أساسا مطنشك

أنا عن نفسي اللي يطنشني أديله بالجزمة

الدنيا ناقصة معتوهين؟

لازم نعدي الأزمة و إلا الحياة مش هاتمشي
صح ولا لأ؟

تحياتي

شهر ديسمبر said...

اولا
انا اسمى نمير
والبوست
اللى انا نزلته
مليان باسمى
ثانيا
انا عمرى مالقيتك
فاتحه على الهوت
وجيران
ازاى انتى من مدينة نصر
ثالثا
نظرا للظروف الاقتصاديه السيئه
انا نزلت شغل فمتستنيش
الجديد دلوقتى
رابعا
ايه الابداع ده
انا من اعجابى بالبوست
هاموت من الجوع
بجد جميل
وانا
طولت عليكى
معلشى
بس
ياستى
وانا سعيد
باهتمامك
بس
والله الظروف
اللى مانعانى من التواصل معاكم
وهعيط بقى
انتى مش شايفه دمعى
ولا ايه ؟
ايه
هشحت بقى
سلام بقى
عشان انا بوخت

21arestoo said...

أعرف أن العالم في قلبي مات
لكن حين يكف المذياع وتنغلق الحجرات
أنبش قلبي
أخرج هذا الجسد الشمعي
وأسجيه فوق سرير الالام

دا كلام امل دنقل

مش عارف ليه افتكرتو وانا باقرا كلامك


تحياتي

gohayna said...

رانيا

منوراني انتي والله
تصدقي بالله انا لولكي ماكنت كتبت حاجه ابدا
انتي ناسيه انك الاستاذه بتاعتي ولا ايه


ربنا يخليكي يا رانيا يا هنا شيحه
وتسلمي علي كل حاجه بتعمليها معايا

هشوفك قريب اكيد

gohayna said...

محمد فوزي ال ربيع

يا معلم معاش ولا كان الي يطنشني

انا الحمد لله عمري ما اتحطيت في موقف زي دا

بس انا حسيت بالمشاعر دي وكتبت عنها

يعني الي عاوزه اقوله اني مش شرط اي حاجه بكتب عنها تكون بجد حصلتلي فعلا

وعموما لو دا كان حصل انا كان زماني مت من زمان علشان انا قلبي رهيف مستحملش والله

انا بس شاطره علي الورق لكن ساعت الجد فيه كلام تاني

تسلم علي كلامك وخفه دمك
دايمما علي طول منورني

تحياتي

gohayna said...

يا يناير لو اطول زومارت رقبتك كنت خنقتك

اولا ماشي يا نمير

ثانيا انا بفتح الهوت ميل اما بعد العصر او بليل متأخر

ثالثا مين الي قالك اني من مدينه نصر
انا ساكنه في مصر الجديده

رابعا الف مليون مبروك علي الشغل ويارب تكون مبسوط

خامسا الف شكر علي كلامك بس كنت كل الاول علشان تقرء بمزاج

سادسا حتي لو عندك شغل انا برضه مستنيه الجديد بتاعك حاول وخليك حلو

سابعا اهلا وسهلا بيك في اي وقت ومبوختش ولا حاجه

ثامنا



مفيش ثامنا


المهم ربنا معاك في شغلك ودايما منورني يا نمير

تحياتي

gohayna said...

21arestoo

حمدلله علي السلامه

ومبسوطه انك افتكرت امل دنقل وانت بتشوف كلامي


دخولك بجد بيسعدني لانك لوحدك قيمه كبيره جدا


تحياتي

أسوور said...

البوست دة فكرنى بقصيدة قارئة الفنجان لنذار قبانى والتى طبعا كلنا عارفين ان غناها الراحل الحاضر الجميل عبد الحليم حافظ
تحية كبيرة وتصفيق حاد على سهولة انسياب المعنى وقدرتك على استعمال كلمات سهلة تدل على ما يعتمل فى صدرك

gohayna said...

ياسمين

برائحه اجمل زهور الكون

الف شكر علي كلامك
وربنا يخليكي ونفضل علي طول اصحاب
ودايما منواراني بكلامك وزوقك واخلاقك العاليه

تحياتي

R.R said...

لولاكى
لولا لولا لولا
فكرتينى بالاغنيه الشعبيه دى
بتاعت اسمه ايه ده

احنا هنعيش انتى اصلا بتكتبى حلو
انا بس قلتلك على طريقة التحضير
بتاعت المدونه مش الكتابه
لو كنتى دلوقتى قعده خلى عندك .....




وادخلى

اشوفك قريب

mohand said...

السلام عليكم
اكثر من رائع
والله اكثر من رائع

عارفه بجد انا في حته لمستني قوي




فأستجمعت أمري لأسير عبر طريق طويل


الي عرافه الحب ألتمس من خرافاتها الشفاء


انا فهمت حاجات كتير قوي من الجزئيه ديه
فهمت انها بتحبه قوي
انها متقدرش تستغني عنه
انها محتجاله
انها رايحه للعرافه وهي واثقه انها مش هتشفيها من حبها
لان العرافه دي خرافات
ولانها من جواها مش عايزه تنساه
فهمت كتير وكتير قوي
بجد ممكن كلمتين يحملو معاني كتيره قوي
استمري يا جيهان
استمري وصقلي قدراتك
الشعر زي الرياضه
لو بطلتي تمارسيها هتنسيها
اوعي توقفي حتي لو في يوم حد هاجمك
اتعلمي من هجومه ده بس متخلهوش يوقفك في يوم
---------------
كنت عايز اقول حاجه كمان
مش معني ان شاعر بيكتب قصيده يبقي هوه شخصيا عايشها
والا كل اللي بيكتب عن الخيانه والكذب وبيبقي سعيد في حياته يبقي كذاب
بس لما الشاعر بيحس بالموقف قوي بيطلع كانه هوه اللي عايشه بالفعل
انا طولت عليكم
ومش عارف ان كنت اتاخرت في التعليق ولا ايه
بس انا والله دخلت امبارح مكنش فيه بوست جديد موجود

وانا بخير علي فكره والحمد لله
نحن ودائع الله في الارض
ودا لازم يحصلنا كلنا مفيش خلود
اشكرك لوقوفك جنبي

تحياتي المملؤه بالفخر
لاختي جيهان

مهند المصري
الباحث عن الحقيقة

خواطر شاب غاضب said...

كلامك اكثر من رائع
وواضح انك حد حساس قوي
يارب تسعدينا دايما بكلام جميل
ويايرت تبقي تدخالي علي مدونتي و تقوليلي رايك في الهبل الي بكتبه

أحمد سلامــة said...

أول ما قريتها حسيت اني بسمع قلرئة الفنجان مش عارف يمكن عشان العرافة وجو النبؤات ده
نثر جميل واحساس متغرب قوي و فيه خدوش مشاعر غائرة
والصورة كمان عجبتني قوي

Eric Matt said...


روعة يا جهينة

روعة

بس للأسف مقدرتش أكملها

لأني مش قادر بجد

شكرا لك

تحياتي من ماناساس البلد

أبو ضحى said...

رغبة فى الشفاء أجهضتها الحقيقة و كلام عرافة كانت صادقة.و يبدو أنك تدركين أن لا شفاء منه لكنك كنت تحاولين الهروب من تلك الحقيقة القاسية
أنت فى رحلتك إلى العرافة تؤمنين أن كل ما لديها خرافات ، و لكنها فاجأتك و فاجأتنا بأنها قالت لك الصبرو فيه كل العبر..و فى نفس الوقت صدمتك ، فقد كنت تبغين خرافاتها من أجل محاولة النسيان أو حتى التناسى، لكنها صدمتك

سأقول لك كما قالت العرافة الصادقة
الصبر إلى أن تجدى الدواء ..و دوائك حب من جميل من إنسان رقيق و هو شفاؤك من ألم السنسن و أنين الليالى المظلمة

كراكيب عادل said...

هل ما زال الحب يستحق اشعارا ؟؟؟

اول مرة اجي هنا مدونتك جميلة

gohayna said...

يا رانيا
والله انا اولا مكنتش قاعده
علشان دلوقتي بفتح الايميل بالعافيه من ماما
انتي عارفه ان بابا جاي بعد اسبوعين وماما هدى حيلي في التنفيض
والحمد لله قربت اخلص

ادعيلي ما متش قبل ما اخلص
والنبي

معلش اوعي تكوني زعلانه
اشوفك قريب

gohayna said...

مهند يا اخويا العزيز

اولا اشكر ليك تعليقك الجميل وفهمك للموضوع

وبجد انا هعمل الي بتقول عليه هحاول اطور من نفسي كمان وكمان علشان اكون علي المستوي الملائم

وموفقاك علي كل الي بتقوله
بالنسبه لموضوع التجربه الشخصيه وانه مش شرط اكون مريت فعلا بالكلام دا

وجودك وكلامك يا مهند بيريحني كتير جدا
يارب يديم بينا المعروف
ويديم اخوتنا يارب

امين
امين

تحياتي

gohayna said...

خواطر شاب غاضب

اهلا بيك في اول دخول عندي
ويارب ميكونش الاخير

والف شكر علي كلامك ورايك

واكيد هدخل عنك واقولك رأيي اكيد

تحياتي واهلا بيك مره تانيه

gohayna said...

احمد سلامه

خدوش مشاعر غائره

بجد جميله الكلمات دي

تقريبا هسرقها منك في البوست الي هكتبه
ومتخدش بالك لو سمحت كأنك متعرفش


الف شكر ليك يا احمد والصوره اهداء مني ليك لو عجبتك كدا

خدها من غير ما اخد بالي


متطوليش الغيبه لو سمحت

تحياتي

gohayna said...

ابو ضحي

كأنك فسرت الي جوايا بجد

يعني كأنك ترجمت مشاعري وقت مكنت بكتب

تحليل رائع بجد
والاجمل دخولك عندي وتعليقك كمان

الف مليون شكر

دايما منورني كدا علي طول

تحياتي

gohayna said...

كراكيب عادل

سؤالك وجيه

الحب في حد ذاته يستحق اشعارا

لكن الحب بتاع الايام دي يستحق الدفن

يعني هيا حاله انا بعيش فيها وبطلعها علي الورق دون النظر اذا كان يستحق او لا

الف شكر علي دخولك

واتمني تفضل منورني

تحياتي

الوردة السوداء said...

اختيارك المرادى للمفرادات عالى جدا

بجد حسة انك بتتقدمى اوى

gohayna said...

الورده السوداء
ربنا يخليكي
ومدام مشجعاني كدا علي طول
اكيد هفضل اتقدم دايما

تحياتي ليك يا قمر

مداح القمر said...

الله عليكى
حطيتى حيرة الحب وناره فى حدوته جميله اوى
وشردتى الحدوته بطريقه اكتر من هايله
وياسلام عليكى لما بتوصفى نفسك
من تهت في احضان الزمن ودوامات العشق المجنون
والقصه مشيت ومستنى اعرف اخرتها ايه..وفعلا النهايه صدمتنى لان النهايه هى فعلا الانهيار اللى بيحصل للبنى ءادم كل ما يفكر انه يبعد عن حبيبه لحظه
بينهار ويرجعله تانى اكتر من الاول
لانهار واعترف امام عينيك
بأنني لن اشفي منك ابدا
فكلما حاولت ان اكف عن حبك
عشقتك اكثر

انا بكون والله فرحان كل ما بدخل كدا واقرى ليكى..ولما كمان بقعد احلل اللى كاتباه لانى بستمتع بجد بكل تفصيله صغيره....ربنا يحميكى
انتى موهوبه

•«ρяoιd»•™ said...

الله عليكي بجد

ابدعتي يا جهينه

و عجبني قوي التصوير ده

قلب اضناه العشق فصدرت منه اهة هدهدتها توجعها

اسمحيلي اضيف كلماتيالمتواضعه بجوار كلماتك

احبك .. مصرعي

احبك قدر إستطاعتي
فوق الممكن و الاممكن
و المكنون و ما أدعي
احبك ظن يفوق ظنوني
و قدر جنوني .. و ما قد أعي
و أحسب أني ولدت
اهدهد حبك في اضلعي
و احبس شوقي في ادمعي
و عند حدودك قد نلتقي
و قد لا يكون سوي مصرعي

تحياتي

gohayna said...

the groom

ايه مالك يا ابني شكلك تعبان
سلامتك انا هدخل عندك علشان اطمن عليك
وياسيدي مش مهم تقرء المهم انك نورتني وبس والله كفايه

سلامتك مره تانيه
تحياتي

gohayna said...

مداح القمر

والله انا الي بستمتع بوجودك وتعليقك وبكون مبسوطه لما الاقي حد بيحلل كلامي
بيكون دليل علي انه وصلك واني نجحت في الي كتبته


دايما منورني واوع تقطع الزيارات

وعلي فكره انا بحب عمر دياب جدا برضه

تحياتي

gohayna said...

mr proid
تصدق هنتخانق مع بعض كدا


ايه يا ابني الكلمات الجميله دي
بجد غطيت علي البوست بتاعي بكلماتك

وحلوه اوي
اهدهد حبك في اضلعي

بجد تصويراتك تحفه


بس اعمل حسابك هنتخانق

تحياتي ليك يا رامي

mohand said...

السلام عليكم
انا اقصد انك تطلعي اكتر واكتر
مقصدش ان مستواكي وحش
لان اي انسان موهوب مهما وصل مش بيرضي عن نفسه وبيطلب المزيد
وبيطلب يكون اكبر واكبر

انتي موهبتك عاليه
مش عارف فهمتيني صح ولا لا
تحياتي
مهند المصري

gohayna said...

يا مهند والله انا فاهمه قصدك وعارفه نيتك والله
متخفش انا مبخدش الكلام بنيه سيئه ابدا

وعارفه انك اسان اخلاق والله انا فاهماك من اول ما كتبت

بالعكس انا فعلا لازم اطلع اكتر واكتر علشان لو النهارده المستوي حلو بكره يبقي احسن


فهماك يا مهند

وبجد تسلملي

الراقـــص مع الذئـــــاب said...

السلام عليكم
انتي بتكتبي من ورايا والا ايه
يعني بتستغلي ظروف انشغالي وتلسعي البوست من ورايا عشان اجي الاقي 34 رد قبلي

مش هفوتهالك....روحي يا شيخة ...سناني كلها غضبانة عليكي


بس هو انتي ايه حكايتك بقي
هو الابداع مش بيظهر غير في العياط والبكي والفراق
طبعا مهما قلت مش هقدر اوفي المقال حقه
وقلتلك قبل كدا انتي تمتلكي ادوات الكتابة...فمن يستطيع ان يباريكي فيها
لدرجة اني خلاص بطلت اكتب خواطر ورحت العب بعيد ضد التيار ومع النصابين....هو كدا بقي مش هكتب خواطر وانتي شغالة الناحية التانية....إذن يجدني الناس ببضاعة مزجاة وراكدة....ما دام قلمك يفتح المزاد هناك في مملكتك الوردية الممزوجة بهذا اللون الاسود الذي يجوس خلال معانيها

وما زلت انتظر منك موضوع ينبهنا علي انفرجة قلبك الذي تخفي وراءه جرح وحزن وفراق لا يخفي علي احد...

ولكنها ليست العرافة يا صديقتي...ليست العارفة ابدا....قد اخطأتي المسير هذه المرة....


دمتي في خير يا دكتورة

لكي تحياتي

Anonymous said...

ااه وصلنا لمرحلة العرافات

بت يا جى جى انا معزومة على حفلة زار

تيجى

ههههههه

BinO said...

السلام عليكم ورحمة الله وبركاته
أختي في الله
جزاكم الله خيراً علي تعزيتك

اما لكلماتك فهي كالعادة فوق العادة
رغم انها تثير تساؤلات كثيرة من النوع الذي لا يتجاوز الشفاة
ولكنها كلمات متألقة

Tamer Nabil Moussa said...

لاهروب منة الا ونعود الية

رافعين رايات الاستسلام والسلام الية

فهو الحياة وسرها فية

ابدعتى عزيزتى كما عودتينا

تحياتى

الحصان الأسود said...

بجد شرف ليا ان تكون االوردة بتاعتي في مدونتك جنب الكلام الجميل والرقيق دة

وكمان الصورة الوحيدة في المدونة

لا دة كتير

هههههههههه

سعيد بتشريفك مدونتي و سعادتي اكتر اني في مدونة رائعه كمدونتك

تحياتي

gohayna said...

الراقص مع الذئاب

توت ما افتكرت تيجي

مين الي مش هيعديها لمين؟

بس والله انا عذراك علشان عارفه انك مشغول

وبعدين متتحججش بيا علشان تخفي الخواطر الحلوه الي بتكتبها قول انك خايف من الحسد متجبهاش فيا انا

وبالنسبه للكتابه فأنا عندي مشكله اني مش بحس بنفسي غير في اللون الحزين دا مع اني في حياتي العاديه عكس كدا خالص والله

بس قبل ما تمشي انت وتروح الجيش لازم افرحك بحاجه حلوه

وعد البوست الي جاي مش هيكون فيه حزن

وبجد نورتني يا صديقي واخويا العزيز

شكرا يا محمد

gohayna said...

نبيذ
كنتي فين من زمان

تصدقي عايز اجي الحفله دي

امانه عليكي اديني العنوان والميعاد علشان ابلغ البوليس عننا علشان نروح في داهيه سوا


وهتيجي معايا اكيد


تحياتي ليكي يا قمر

gohayna said...

bino

ربنا يخليك علي كلامك
وشكرا علي دخولك عندي ويارب تفضل باحسن صحه وحال

تحياتي ليك

gohayna said...

تامر نبيل

الف شكر ليك ودايما منورني بدخولك وكلامك
وتشجيعك ليا

بجد انت انسان اخلاق


تحياتي

gohayna said...

الحصان الاسود

ياسيدي قيمه الورده اكبر مليون الف مره من الكلام والله مديا الكلام لون جميل

ربنا يخليك والشرف ليا انا طبعا

سعيده بيك جدا واتمني دايما تنورني

تحياتي

كلبوزة لكن سمباتيك said...

سمعتي ام كلثوم؟
لقيت روحي في عز جفاك بفكر فيك

و انا ناسي


تحياتي

david santos said...

very, very nice. thank you


يتلقّى [أبتريغدو] لعملك وأسبوع جيّدة

خواطر شاب غاضب said...

المغزي من الشؤال انه هيحدد الطريقة
الي هتكالم فيها بالموضوع ده
بالاضافة
الي اني محتاج اقيس مدي صراحة الناس
و مدي حريتهم و استعدادهم للمناقشه بحرية تامه و بأدب

gohayna said...

sampateek

الله عليكي يا ست

رجعتيني لايام زمان

فين ايام ام كلثوم

تحياتي

gohayna said...

david santos
ياسيدي ربنا يخليك وكويس انك كاتب كام كلمه بالعربي

تحياتي

gohayna said...

خواطر شاب غاضب

فهمت وجيالك
تحياتي

mohand said...

السلام عليكم
بخخخخخخخخخخخخخخخخخخ
انا جيت اهوه
جاي اسالك لاقيتي المفر ولا لسه ؟
اصل انا دورتلك علي مفر مش لاقي مفر
مش عارف المفرات خلصت من البلد ولا ايه
ضمن ازمه البضايع اللي احنا عايشين فيها ديه
ليكي هديه عندي ابقي تعالي خديها :P

يا مراكبي said...

فكرتيني قوي بقارئة الفنجان لنزار قباني

أن يكون احب قرا لا مفر منه .. هو قمة الألم والمأساة .. وخصوصا إذا كان ضد قوانين العقل

أحييكي

Anonymous said...

الله عليكى بجد
تصويرات رائعة
وكلمات دقة فى التعبير
عشت فيها بجد بكل ملامحها
ماشاء الله عليكى
دى اول زيارة ومش هتكون الاخيرة ابدا
اسمحيلى احط لنك ليها عندى

تحياتى

walaa said...

لعبة الاقدار .. يالها من لعبة،، تلهو بنا ونحن الدمى....

راااااائعة بكل المعاني يا جهينة .. وجميلة معا ..

انا ايضا اخذني الجو العام هنا،، للرائعة قارئة الفنجان .. جلست والخوف بعينيها تتامل فنجاني المقلوب .... (انها عرافة الحب(

ارق تحياتي

Hannoda said...

أقولك على حاجة حسيتها

حسيت برموز في الكلام
عارفة هي الجزء اللي فينا لما ساعات يتقولنا لأ كفاية بقى... لازم أطوي الصفحة ده خلاص.. لازم ننسى
فنقوم نروح للعرافة: وما هي الا الجزء التاني اللي القلب شايل فيه الحب
فيقولنا ايه... لأ مش حاتقدر تنسي
مش حاتقدر تهجر
مش حاتقدر تعتزل

هكذا الحب عندنا يا جهينة... ندور بوجعه على أجزاءنا جميعا
وكما قلت : (اهة هدهدتها توجعها)
لكن هدهدتها على قد ما بتوجعنا ... على قد ما بنألفها و نحبها ونتعود عليها.. حتى وجعها متعة

وبما انك لجأت للعرافة يبقى اقنعتي نفسك ان استسلامك مجبرة عليه وانه قدرك

وهي مجرد حيلة عشان يكون الاستسلام جميل و مبرر
لإننا في النهاية نرغب فيه.. لإننا نرغب في حب من نحب.. ولا يهم أين هو وإلى متى


بحب مدونتك قوي

harmless said...

قوليلى
انصحينى

ماذا افعل فى طوفان الاعجاب والانبهار بكى؟
ماذا افعل فى فوران العواطف والمشاعر تجاهك؟

الا توجد وسيله تقللى بها جمالك؟
الا توجد وصفه تعين على مقاومتك؟

يا عزيزتى
كلامك جميل ومشاعرك رقيقه
وداخلك احاسيس عاصفه ستجعل رجلك اسعد رجال العالم

gohayna said...

mohandat

بخيين يا سيدي

وبعدين
المفرات كتيره انا بس رفعت سعرها شويه وسحبتها من السوق
كنت قولي علشان اعمل حسابك في مفريين تلاته

عموما حقك محفوظ

وبس لما اشوفك يا اهلاوي انت

تحياتي يا اخي العزيز

gohayna said...

مراكبي

عندك حق في كل الي بتقوله

بجد بحب تعليقاتك صحيح مختصره لكن فيها من المعاني الكتير

ربنا يخليك يارب ودايما منورني

تحياتي

gohayna said...

seefooooo
والله شرف كبير ليا ان مدونتي تنور بيكي وبكلامك الجميل

وشرف ليا انك تضفيني عندك

تسلمي ربنا يخليك ودايما منوراني بدخلتك الجميله دي

تحياتي يا قمر

gohayna said...

عذرا يا
seefooooo

هعيد التعليق تاني بصيغه المذكر علشان انا كنت فاكره الاسم لبنت

تسلم يا سيدي واكيد هضيفك عندي ونورت المدونه بجد

تسلم يا سيدي

وبعتذر مره تانيه

gohayna said...

walaa

لو كان الكلام رائع
فالاروع هو تفاعل واندماج القارء فيه

ربنا يخليكي ليا والف مليون شكر علي كلامك

تحياتي

gohayna said...

hannoda
مش عارفه ليه بجد دماغك وتفكيرك بيعجبني

بجد حساكي شخصيه ذات عقل رائع

للاسف انا مش قريبه منك لكن بجد انت تفكيرك هايل

وحساكي مختلفه


وداينا اتمني وجودك عندي تشاركيني افكاري


الف مليون شكر يا قمر

gohayna said...

harmless

صاحب الكلمات الرنانه المغطي باحلي واشهي كلمات العسل

ذات المذاق الخاص

قولي انت وانصحني

كلما خمد فضولي


تعود لتوقده من جديد

بجد بستني تعليقك
وبحس ان الموضوع بيكون ناقص دخلتك واضافتك

ربنا يخليك
وتسلم علي ذوقك ورقه كلامك

تحياتي

smraa alnil said...

انا من تهت في احضان الزمن ودوامات العشق المجنون
ولا اقوي علي الرجوع

الاول تهت معاكي بجد

وحسيت بالياس

لكن بعدها ادركت حقيقة المك
سيدتي لا مفر من عشق يجتاحك

ولا مفر من الشفاء من حب تملكك

بجد كلامك تحفة اوي ولمسني جدا

gohayna said...

سمراء النيل

انا مبسوطه انك حسيتي بمعان الكلمات ولمست جواكي اشياء

ربنا يخليكي وشرفتيني بدخولك واتمني تكرريها

تحياتي

محض روح said...

جميل اوى
والاخاتمه تحفه
فكلما حاولت ان اكف عن حبك
عشقتك اكثر

فأين المفر؟

اسئله كتير بتكون من غير اجابات اوقع على الاقل من وجه نظرنا ليها
تحياتي ياجميل

Ahmed taher said...

لا اعتقد باني استطيع ان ازيد على كلام الاخرين فقد ابدعتي بالفعل ..
كلمات رشيقة بسطية سهلة تصيب الهدف
انت رائعة ...
نحن بحاجة ان نصدق انفسنا اولا فلا يخدعنا الاخرون ....
تحياتي لك يا عزبة اللسان

yasmina said...

كلامك رائع
هو الحب الحقيقي صعب ينتسى بسهولة
اما الحياة فمليئة ويجب ان تستمر
ولكن شعرك فعلا ممتاز
احييك عليه

gohayna said...

محض الروح


فعلا بجد مفيش مفر


ربنا يخليكي يا جميله

وشرفتيني بدخولك

واتمني تكرريه

تحياتي

gohayna said...

ahmad taher
تحياتي ليك يا احمد
وطبعا لزوجتك ويارب تبقو متهنين طول العمر



الف شكر علي دخولك
وبجد سعيده بتواصلك معايا


تحياتي

gohayna said...

yasmina

يا احلي ياسمينه

كلماتك رقيقه واحساسك راقي

وذوقك عالي جدا


تحياتي ليك واتمني تكرري الزياره يا قمر

تحياتي

raspoutine said...

مفيش منه مفر

Ahmed Shokeir said...

هكذا هو دائما طريق التخلص من الحب والحبيب شاق وطويل وفي التهاية لانصل لما نريد ونكتشف اننا كنا نعيش في وهم نعتقد معه اننا يمكننا ان نصل في نهاية المشوار الى التخلص من حب الحبيب ولكن نكتشف أن وصلنا الى طريق مسدود تزداد معه لوعة وروعة الحب

yamen said...

اولا انا عارف اني بقالي كتييييير ما زرتكيش وكنت قليل الذوق جدا..بس معلش سامحيني عشان كنت مشغول في استلام التكليف في السويس..

المهم بقه..كنت عايز اقولك حاجة علي النص..

انتي عارفه اني بيعجبني معالجتك للمواضيع الرومانسية بالذات وباحس ان اسلوبك فيه رقه جميلة جدا..بتخليني حاسس وانا باقرا اني هاطير من علي الكرسي اللي انا قاعد عليه من كتر الرقة..

بس كنت عايز ابدي ملحوظة صغيرة..

مازلتي بتستخدمي الاطناب والمترادفات بكثرة وكمان الصور و التشبيهات في رايي محتاجة تكون ابسط من كده شوية عشان عشان تتناسب مع رقة الموضوع


تاني حاجة.. و لتاني مرة افتح الموضوع ده في مدونات بعد الحوار اللي حصل بيني وبين ياسمين صاحبة مدونة
skylight

تفتكري ان ده الحب يا جيهان؟ عذاب ورؤية مثالية للاخر وتمني الشفاء منه..؟
انا بصراحة ماعتقدش.. ومش عايز اعيد الكلام تاني زي ما قلتلك بس بصراحة اللي انا شايفه اننا محتاجين نعيد نظر في مسالة الحب دي تاني بس بموضوعية ووعي

تحياتي واشوفك ان شاء الله علي خير

moony said...

جميلة قوى ياجهينة..حساسة ومرهفة..وجميل قوى المقطع بتاع "اخرجت صورتك من حنايا قلبى" ..بعض جوى الحب يكون احلى مافى ذكريات وبعض ألم الفراق يكون نحتاَ فى الفؤاد يخلد ذكرى من نحبهم الى الأبد فيصبح نسيانهم او احلال احد مكانهم امر محال
فكرتينى بمقطع فى اغنية "حب اللى بيضحك بيفل وحب اللى بيبكى بيضل.."
كلماتك جمييييييلة ورقيييقة وبتنم عن شخصية زيها بالضبط
keep it up

gohayna said...

راسبوتين


فعلا مفيش منه مفر

تحياتي

gohayna said...

ahmad shokeir

اولا شرفني دخولك عندي

واهلا وسهلا بيك دائما


ثانيا كلماتك بجد وصفت الي كتبتبه كله
بتعبيرات جميله

الف شكر علي دخولك وتعليقك


وسعيده بمعرفتك

تحياتي

gohayna said...

يامن يا صديقي العزيز

اولا انت عارف اني مش بزعل ابدا من شخص بعزه

وثانيا ربنا معاك في شغلك ويوفقك

ثالثا بقي انا تابعت حوار الحب والردود كلها عند يا سمين


وتقريبا انا الي فيا حاجه غلط


انا بالنسبه ليا الحب عمره لاكان فيه وعي ولا اسس
ولا علاقه تحكمه

الحب احساس ومشاعر وبس

وتقريبا انا بس الي بفكر بالاسلوب دا

معرفش ايه الي حصل في الدنيا

فهمني اكتر الاساس والوعي الي بتتكلم عليهم


تحياتي ليك يا يامن وسعيده بدخولك في اي وقت

انت اخ وعزيز وانت عارف كدا

تحياتي

gohayna said...

moony

والله انتي الي رقيقه واخلاق وانسانه حساسه

انا سعيده بكلماتك وسعيده اكتر بتواصلك معايا
واتمني متقطعيش الزيارات


ربنا يخليكي يا قمر

والف شكر علي ذوقك


تحياتي

Unknown said...

جي جي

إنتي متأكدة إنك دكتورة أسنان ؟
.....
كرؤيا تطلب التأويل
جبتيها منين دي ؟

الصورة حلوة جداً
ومناسبة جداً

أموت وأعرف
بتجيبوا الرومانسية دي منين
اللهم لا حسد

تحياتي يا جميلة

gohayna said...

amira


اسمحيلي اسجل اعجابي بشخصيتك

وطريقتك في التفكير

بجد عجباني دماغك اوي


ثانيا الف شكر علي ذوقك وكلامك الرقيق بجد انتي انسانه اخلاق

ثالثا انا مش بجيب رومانسيه

والله هيا الي بتيجيلي لوحدها

انا نفسي لما برجع اشوف الكلام الي كتبته تاني

صدقني بستغرب روحي لاني اساسا مش كدا

هيا حاله عندي بتطلع علي الورق وبس

لكن في الحياه فأنا غير الورق خالص
علشان كدا بستغرب روحي

المهم يا اميره يا عسل

تسلمي علي دخولك ودايما منوراني بطلتك الحلوه

تحياتي يا ست الكل

david santos said...

We go all to today start to fight for the end of the wars, the badness and the tyranny. We go to start to fight for the peace, the friendship between the peoples, the tolerance and solidarity. We go all to fight so that the 2007 either year that it justifies to have civilization in our Planet.

Eman Eltaher said...

كلماتك جميلة اوى و معبرة جدا

دى أول زيارة ليا لمدونتك و بجد جميلة اوى و رومانسية اوى

بدعوكى لزيارة مدونتى و يارب تعجبك و تعجب اى حد يدخلها

تحياتى

mohand said...

السلام عليكم
كيف حالك ؟
ان شاء الله تكوني بخير
وابقي القي نظره علي ايميلك

gohayna said...

eman eltaher

الف مليون شكر علي دخولك وان شاء الله هزور مدونتك علي طول والله

تحياتي ليكي

gohayna said...

مهند يا اهلاوي

انا الحمد لله

ودخلت وشفت الايميل ورديت يا سيدي

خليك حلو واقلب ابقي زملكاوي لصالحك

تحياتي يا اخي العزيز

رينـــــــــــا said...

وجعتيلى قلبى

gohayna said...

رينا

سلامه قلبك يا ستي

معلش حقك عليا

ومنوراني يا قمر

شهر ديسمبر said...

انت لسه ما نزلتيش
ليه؟
وعموما انا فى انتظارك
يا جهينا
وبالنسبه للبوستات اللى اتشالت
مش عشان حلوه او وحشه
انا كنت ناوى احزف ال كل بس
ياستى
والشاى حلو ولا عايزه سكر
اعتقد لا
سكر مع سكر مايحليش
على فكره انا با عاكس

بس بقى عشان مستعجل موووووووووووووت
سلام جدا

gohayna said...

شهر يناير

طيب هان حته جاتو مع الشاي

وانا بحط سبع معالق سكر عليه

هتقول مجنونه انا عارفه
انا بحب اشربه شربات مش شاي


وياسيدي الجديد نزل اهه

وشكر ليك يا نمير

مستنيا جديدك

تحياتي

kafrawy said...

و اللة انتى ف كتابتك احسن من عمران
بس ممكن سوال سخيف!!!!!!!!!!!
انتى بتجيبى الصور دى منين؟

gohayna said...

kafrawy

والنبي الاول تفهمني مين عمران دا؟
الي بكتب احسن منه؟


وبعدين الصور دي والله من دماغي يعني بتخيلها وبكتبها

بس يا سيدي

مين بقي عمران دا؟