Falling hearts Here
أري بريق عينيك يبحث عني خلف شعاع من النار يتراقص بطريقة غجريةيتمايل في نهر العشق
فتخبو نار الحب في قلبي وتستعر
أري بريق عينيك في انعكاسات الاضواء حين سقوطها علي حبات المطر
لتنير جنبات الكون بجمال ملامح وجهك
فتمتد يدي تتلمس شفاهك التي طالما ذبت شوقا اليها
أري بريق عينيك في سحابة تطوف سماء حبي بلا انتهاء لتقطر زخات عشق
فتروي ارضي العطشي لحنينك
أري بريق عينيك في بحر هائج تتسابق امواجة لتلمس اقدامي
فأشعر برجفة في جسدي وكأنك تحتضنني
داخل امواج غرامك فتخدر روحي ويطير من عقلي التعقل
واسبح في عالمك الرائع بلا انتهاء
أري بريق عينيك يتابعني واشعر بهمسك تحمله نسمات الحب الباردة
كل صباح يتحسس وجهي ليسكن روحي فاستلهم منك الحياة
وأتنفس عبير حبك الخالد الي الابد
أري بريق عينيك يحتضنني ويهدهدني فأرتاح من عناء الاشواق
وترحالي عبر الحنين
لأرتاح في عينيك ما تبقي لي من سنين
أري بريق عينيك يصحبني في امسية ترقص فيها النظرات وتتعانق الهمسات
وتتعاهد القلوب علي ان تمتزج الي الابد لتشكل رمزا
تقتدي به قصص الحب وتغار منه روايات العاشقين
أري بريق عينيك يأخذني لعالم اخر يزخر بالروعة والحب
عالم تمنيت ان اعيشة معك وحدك
ان ينتشر عبق جسدك ليسكن حنايا روحي
ويزكي جدران معبد حبي الابدي لك عطر همسك
أري بريق عينيك يتوسد مخدعي فأنام قريرة العين اتنقل بين احلاماً
نصعد فيها لسماء العشق نتلمس نجوم الهوي المجنون
ونرتشف من كأس السعادة
احلي مذاق للحب عرف به الوجود
كل ليلة
اشعر بحرارة انفاسك
تتردد في صدري فأتطلع الي مرآتي لاري ملامح وجهك
ترتسم بأنفاسي المتلاحقه لتطبع صورة تزدان بها عيني وتلثمها روحي بعبق العشق الا متناهي
اشعر بلمسك يتحسس جسدي فيبعث الدفئ في جنبات روحي
فأقسم اني ما احببت قبلك و لن احب بعدك
ابدا
احبك
وسأظل احبك
الي ان يفني الحب
او افني انا
سأظل احبك
الي الابد
...............
148 comments:
مساء الخير د. جيهان؛
إبداعاتك الادبية تمليء القلوب إحساسا جميلا وتجلب ذكريات اياماً خلت.
تحيات إسكندراني في بلاد الله الواسعة
وسأظل احبك
إلى أن يفنى الحب
أو أفنى انا؟
فعلا ممكن يفنى الحب؟ ولا ده من المستحيلات زي الغول والعنقاء والخل الوفي؟
بيعجبني قوي الإسترسال على نفس المستوى .. دايما ميزة في كتاباتك على إختلافها
وبعدين بقى انا دايما متأخر كدة و لا ايه؟؟
برده واخد مركز تالت
لا بس انتي عارفة ظروفي النهاردة
انا لسة حالا داخل اهو و اول حاجة افتحها كان بوستك
انتي بجد رائعة يا جيهان كلامك بجد مش طبيعي
ده ايه ده:
ك
أري بريق عينيك في بحر هائج تتسابق امواجة لتلمس اقدامي
فأشعر برجفة في جسدي وكأنك تحتضنني
داخل امواج غرامك فتخدر روحي ويطير من عقلي التعقل
في كدة في الدنيا؟
يا ريتني كنت بـحـر
بجد بوست هااااااايل
سلام مؤقت
بريق عينيك
بجد ولأنل بقراء البوست
حسيت ببريق فى عينى
بجد عجبنى قوى قوى
دايما كتاباتك بتعملى حاجه من البهجه
مثل مجموعه قله من المدونين منهم تعرفيهم مثل يا مراكبى
ومنهم متعرفهمش مثل
تاخاريف br/>لصاحبها لؤى
لكن بجد دايما هايله وبأسلوبك
دوختييييييييينى
ووديتينى
وجبتينى
انتى بتجيبى الكلام دا منين يا جيجى؟؟
بجد يا بخته بيك
ماشاء الله
اد ايه انتى رقيقه وحالمه
يارب يدووووووووم كل حب بينكم
ويبعد اى فراااق عنكم
السلام عليكم
عندما يسكن الحب جنباتنا ونرتشف من كئوس الهوى ونتجرع عذب الكلام وتقول العيون ما تعجز عن وصفة الألسنة ستكون النتيجة
عندما أتطلع الى مرآتي أرى وجهك
فالروح داخلنا هى ما تحدد صورة الأشكال
تحياتى
فأقسم اني ما احببت قبلك و لن احب بعدك
ابدا
احبك
وسأظل احبك
الي ان يفني الحب
او افني انا
سأظل احبك
الي الابد
ايه الجمال ده
احساسك رائعة وغاية في الرقة
تحياتي علي هذا الابداع
السلام عليكم
انا أول مرة بصرحة ازور مدومنتك
ولقيتها مليانه احاسيس جميلة ومشاعر صادقة
تقبلي مروري وتحيتي
-------------------
::على الهامش
ياريت تشرفيني ف مدونتي بإضافة رأيك ف الاستقصاء اللي عاملو
وبصراحة يهمني في رأي البنات
احلى حاجة الرومانسية
الجميلة التى بتكبيها
وانك مالكيش دعوة بالمدونات والكلام
المتعب للأعصاب اللى بنكتبه
خالص تحياتى
السلام عليكم
ايه يا جيهان
فتخبو نار الحب في قلبي وتستعر
حددي تخبو ولا تستعر
متلخبطيش الواحد
لا بس الصراحه الحته دي
وتتعاهد القلوب علي ان تمتزج الي الابد لتشكل رمزا
شديده قوي
من جمالها فعلا تخيلتها
حاجه كده زي عنتر وعبله
اصبحو رمز
أري بريق عينيك يتوسد مخدعي فأنام قريرة العين اتنقل بين احلاماً
دي بقي جمالها في الاحساس بالامان
بس هل فعلا حبنا هو اللي بيحسسنا بالامان
ولا قوة الشخص الاخر او ضعفه ؟
كعادتك دائما
مبدعه
حساسه
شاعره
تحياتي
للحظات وانا بقرا البوست تخيلت انني اعيش كل هذا الحب
للحظات تخيلت انني لم اكن اعرف معني الحب الا الان
للحظات تسالت هل استطيع يوما تذوق مثل هذا الحب
للحظات
للحظات
للحظات
فهناك لحظات كثيرة اتذوقها واعيشها في بوستاتك
في الاخر دايما في اخر
واخر تعليقي
يابخت من يذوق كل هذا الحب
جيجي روح قلبي ايه الجمال ده
وأتنفس عبير حبك الخالد الي الابد
أري بريق عينيك يحتضنني ويهدهدني فأرتاح من عناء الاشواق
وترحالي عبر الحنين
لأرتاح في عينيك ما تبقي لي من سنين
بتوصفي قد ايه قمة الاحساس بالراحة بعد عناء الاشواق
تحياتي لوحدها مش كفاية
سايبالك تاج عندي
احب اشوف اجاباتك علية
سلام
والله ما عارفة اكتب حاجة قدام الجمال ده حراااااااااااااااام عليكي الواحد متماسك بالعافية يابنتي
ازيك ياروح قلبي وحشانيموووت فينك وبعدين يابنوتة انتي نفسي يجي بقى اللي يستاهل الكلام ده
ثقة من الحب لدرجة القسم
البوست دة كلة ثقة ثقة الواثق من الحب
والحب لة صولات وجولات في قلوب العشاق
اهنئي يا قلوب بحب عامر يدوم ولا ينتهي الا بفناء الحب او سكوت دقات القلوب نفسها بعيد عن الكلام الي فوق دة مطر وسحاب في جو الكويت دحرجت الموس تحت علشان اشوف حرارة الانفاس وانفاسي المتلاحقة والقسم والحجات دي علشان دة كلة مناسب للحر يا جيجي بس فية برضو فوق شعاع من النار يتراقص بطريقة غجرية
شكلك بتلطفي الجو يا جيهان
كعادتك مستمرة في اشعال كلمات جميلة مستمدة من روح جميلة تعبر وتعبر باجمل العبارات
تحياتي
تقريبا كل المدونيين في حاله عشق
اللهم دمها يارب
تحياتي على البوست الهايل
اللي بجد محتاج يقرا اكثر من مره عشان الواحد يقدر يستوعبه
gohayna
انتي ناوي تشعري ولا ايه
ههههههههههههه
عمتا بجد موضوع جميل جدا جدا جدا رغم انه طويل شويه بس بردو قريتو
تحياتي ومستنيكي دايما في مدونتي والف شكر لاني لاقيت اسمي من ضمن المدونات المفضله لديكي
تحياتي
وسأظل احبك
الي ان يفني الحب
او افني انا
سأظل احبك
بصراحه الكلمات دي جامه قوي
تقبلي مروري
جهينه
ارى عطشك للمثاليه فى الحب
اتسأل هل هذا يظهر فى كل تعاملتك العامه اما هو شىء يظهر فى تعاملات شخصيه خاصه فقط
انا زعلان يا جوهاينا
زعلان بجد
أحد الرموز في حياتي
الشيخ سيد نوح اللي كنت قلتلك عليه
توفي من كام يوم قريت الخبر في اسلام أونلاين
توفي ودفن في الصليبخات
وأنا بقالي سنتين بحاول أوصله
:(
:((
:((((
لا حول ولا قوة الا بالله
اللهم ارحمه وأسكنه فسيح جناتك
ادعيله يا جيهان
وادعيلي
أنا عارف انك حاولتي والله بس هو النصيب بقا
كان نفسي أسمع صوته قبل ما يموت
لكن حصل خير
اللهم لا تحرمنا أجره ولا تفتنا بعده
تحياتي لك من ماناساس البلد
اسكندراني
استاذ ممدوح
وجودك عندي بجد شرف ليا كبير ورأيك وسام علي صدري
انا بجد بشكر وجودك وتشريفك ليا
واتمني تنورني دايما
تحياتي ليك يا استاذي العزيز
الرضا والسماح ياهل السماح
انا ايه اللى جابنى هنا مش عارفه
يابنتى انا بدخل الاقى كلام خير اللهم اجعله خير كدا مش عارفه ياختى دا من كوكب الارض واللا عطارد بعتلنا كام كيلو من عنده
طبعا طبعا مش لازم ارجع من غير شوية غلاسه عالماشى:D
وانتى ياجهينتى ارحمينى شوية ربنا يكرمك انا مش اد كلامك الجامد دا
سلام ياعسوووولى
ايه الكلام الروعه ده
بجد كلماتك جميله جدا
تحياتي ليكي
يا سلام ع الحب والانوثه الجميله اللى طالعه من الكلمات
حسيت وكأن العين بحر والنظره هى كل ما يحيط بالبحر من سماء وسحاب وليل وهواء واحلام
جو جميل جدا وضعف واستسلام ممزوج بقوة الحب
جميله اوى اوى اوى يا جهينه ومش عارف انتى سيبتيلى ايه اكتب عنه؟؟؟
بالتوفيق دايما
الله يا جهينة
كلماتك جميلة جدا
انا لما بقرى كلماتك الجميلة دى بروح فى دنيا غير الدنيا وببقى فى عالم تانى
قد ايه احساسك عالى
ورومانسيتك رقيقة اوى وناعمة اوى
:)
تحياتى لابداعاتك
مراكبي
سعيده بوجودك جدا يا مراكبي هنا
ويارب تكون في احسن حال
الحب عمره ما بيفني يا مراكبي بس الظروف الصعبه ورتم الحياه الكئيب هما الي بيطمسوا معالمه
لكن عمره ما بينقرض ابدا
تسلم ايدك يا مراكبي
وبجد بسعد بكل أراك
تحياتي ليك جدا
شاااااااااااااااااااااااااااه
المركز التالت وعلي التوالي لتاني مره
مبروك يومين وتستلم الهديه ان شاء الله
كلك ذوقك يا شاه وربنا يخليك يارب
وبعدين انت احسن من البحر بكتير يا حج
هههههههههههههههههههههههههه
تسلم ايدك يا شاه
ويارب منورني دايما في المدونه وفي الواقع كمان
تحياتي
اعشق في الليل ضوء القمر
الاروع وجودك صدقني
بجد من الناس الي بحب اشوفهم جدا عندي
وفعلا انت عندك حق
كتابات يا مراكبي بتعمل بهجه فعلا
وهكون سعيده جدا بزياره المدونه التانيه الي حطيتهالي
بجد بشكرك جدا علي كل كلامك
واتمني اشوفك دايما
تحياتي ليك
رينا
اميييييييييييييييييييييين يارب
يديمه عليا نعمه يارب
لو لقيته
ههههههههههههههههههههه
تسلميلي يا قمر والله انت الي كلك احساس بجد
والف مليون مبروك يا قمر ربنا يسعدك دايما يا اجمل عروسه في الدنيا
مستنياك والله يا بنتي علي نار
تيجي بالف سلامه يا جميله
تحياتي
الطائر الحزين
كلامك كله ينفع بوست لوحده والله
عندك الف مليون حق
فعلا لما بنوصل لدرجه اننا نتشبع بالحب احساسنا الداخلي هو الي بيحدد الاشكال قدامنا
بجد الف شكر علي كل كلامك
وسعيده بوجودك دايما
تحياتي ليك
مجهول
يا مجهول والله انت الي اروع
وزيارتك الي اروع
ووجودك اروع
يارب تفضل علي طول كدا
تسلملي يا صديقي العزيز
تحياتي ليك
كاسبر
اهلا وسهلا بيك في مدونتي واتمني متكونش الاخيره يارب
الف شكر علي كل كلامك
ورحت مدنتك وبجد عجبني الموضوع
وقلت رأي فيه كمان
وحتي لو احتلافنا انا برحب بالاختلاف في اي وقت
ويارب كنش رغيت كتير
الف مليون شكر مره تانيه
تحياتي ليك
اه يا دماغي
احلي حاجه يابنتي الرومانسيه
بس المهم متفصلكيش عن الواقع
لا تروحي وتوجعي دماغك بكل المواضيع وتحطي رايك وتتخانقي وتزعقي وتتنرفزي
وتحبي وتزعلي وتعملي كل حاجه
دي نقره ودي نقره يا قمر
ولا انتي ايه رأيك
تسلميلي يا جميله
واكيد هاجي عندك واوجع دماغي برضه
تحياتي ليكي كتير جدا
مهند
يا مهند
ما ترد بقي
ههههههههههه
اكيد فاهمني
المهم
طبعا سؤالك عن الامان
اكيد بيعتمد علي الشخص الي بتكون معاه
اذا كان فعلا قادر يحسسك بالامان ولا لا؟
اذا كان جدير بحبك ولا لا؟
معني الامان دا كبير اوي يا مهند
ميعرفوش في زمانا دا غير الرجاله الي علي حق
ضايع اليومين دول بصراحه مع الجيل الجديد
ههههههههههههد
المهم بقي
طبعا انت بقالك فتره غايب عني وعن المدونه
وبما اني بحب اسلوب الثواب والعقاب
فانا هعقباك وبشده كمان
عشان متعملهاش تاني
وعقابك يا سيدي
هو ايه يا جيجي
هو ايه يا جيجي؟؟؟
هقولك عليه بعدين
تسلملي يا مهند
تشكراتي افندم
سندباد
اكيد يا سندباد تقدر تذوق كل الحب دا
المشكله اننا فاكرينه مستحيل لكن هو ممكن
لو الاتنين عايزين كدا صدقني بتكون احلي حياه يا سندباد
ربنا يهنيك ويسعدك دايما
ومن كل قلبي بتمنالك تعيش احلي حب يعوضك ويهنيك ويسعد كل ايامك
امين يارب العالمين
تسلملي علي وجودك
وكلامك يا سندباد
تحياتي ليك
مي مي
ازيك يا قمر
يا بنتي انتي الي جميله اساسا عشان كدا حاسه اني عامله حاجه حلوه
والحلو عندك يا قمر مش عندي
اما التاج
فانا جالي كتير اوي اوي
وهجمعهم كلهم وان شائ الله ارد عليهم ياقمر
تسلميلي يا جميله علي وجودك
ربنا يخليك ليا
قلوب حائره
والله انت كمان الي وحشاني جدا والله
وبجد نفس اكلمك ياقمر
اما بخصوص نفسك انه يجي فهو موجدو
بس انا الي عامله روحي مش واخده بالي
ههههههههههه
حركات بنات بقي لازم اتعبه معايا الاول
تتسلميلي يا قمر وربنا يخليكي ليا يارب
تحياتي ليك يا جميله
عادل
دايما تعليقك مميز جدا عندي
ودايما والله بشكر الظروف الي خلتني اعرفك يا عادل
بتخليني ابص للكتابه بتاعتي بشكل تاني خالص
بتربطها بالجو والسحاب والكويت
وتخليني اقول ايه والله عنده حق
انت اخبارك ايه
والشقه الجديد عامله ايه معاك
ولا البحر يا سيدي عليه؟
انا هجيلكو السالميه شويه اجري علي الممشي عشان اختفي بقي ونخلص خالص
يارب تكون بالف خير يا عادل في الحر الجميل دا
ابقي تقل وانت خارج ومتنساش الكوفيه عشان الهوا البارد والتلج الي بيقع
تحياتي ليك يا عادل من مقر الحكم ابو حليفه
اسكندراني
يارب يديمها علينا نعمه يارب
انت عارف الصيف بقي والجو وشكل الحاله بنتشر مع الحر
ربنا يسعدك يارب
وتسلملي علي وجودك الجميل
تحياتي ليك جدا
تامر حسين
اكيد هكون عندك في مدونتك وازهقك كمان لو عايز
وبعدين المدونه نورت باللينك بتاعك اكيد
اما بالنسبه لطول الموضوع
معلش المره الي جايه هاخد بالي والله
تحياتي ليك كتير يا تامر واتمني اشوفك دايما
مراغي
علي الرحب والسعه دايما يا اخي العزيز
الف شكر علي وجودك وكلامك الجميل
اتمني اشوفك دايما يا مراغي
سقراط
بص يا صديقي العزيز
بشكل عام المثاليه عمرها ما بتتحقق علي ارض الواقع
مهما حاولنا
وسواء كانت علاقات شخصيه او علاقات عامه
بس هيا موازنه
بحاول اني اتعامل سواء في العلاقات الشخصيه او العامه بشيء من ارقي والسمو في المشاعر والافكار
اكيد بيكون صعب انك تبقي علي طول جميل ومثاليزي ما بتقول
بس انا بحاول اعمل دا
واتمني اني اكون في الوجهين انسانه كويسه وارقي للمثاليه كمان
سعيده بوجودك وكلامك ويارب اكون جاوبت عليك كدا صح
تحياتي ليك
عبدلله
ربنا يجعلها اخر الاحزان يارب يا عبدلله
ويكتبه منزله عليه في جناته ويكون في صحبه الرسول عليه افضل الصلاه والسلام
ربنا يرحمه رحمه وسعت ما بين السموات والارض
امين يارب العالمين
اتمني من الله انك تكون بالف خير يا عبدلله
تحياتي
ساره يا قمر
هرحمك حاضر
انتي عارف لو مكنتيش جيتي لوحدك كدا بالذوق كنت نزلت جبتك بس بقي بأيه
بالذوق برضه يا قمر
انا اقدر
ههههههههههه
مبسوطه انك رجعتي لعقلك تاني بعد العلقه بتاعت ابارح
هههههههه
لازم تضربي عشان نرجعي ياعني؟
كلام فاضي بصحيح
تسلميلي ياقمر
وحيد
تسلملي يارب
وبجد بشكر من كل قلبي علي حضورك الدائم دا
بجد الف مليون شكر ليك
تحياتي
مداح القمر
يا ابني لسه فه حجات اكيد كتيرررررررررر جدا تقدر تكتب عنها
انا ماسكه حته صغنونه اوي وسيبالك الباقي
ههههههههه
بجد بتحرجني بكلامك والله وذوقك
والحمد لله الامتحانات شكلها كدا خلصت ومش هتختفي تاني يعني
تسلملي يارب علي كل حاجه يا صديقي العزيز جدا جدا
رغم انك اهلاوي يعني
بس معلش هعديهالك
تحياتي ليك
حدوته
يا احلي حدوته
انتي مش ناويه تحكيهالي بقي ولا ايه؟
يا بنتي انتي الي رقيقه وزي العسل كمان
ويارب اروح انا ونتي الدنيا التانيه دي في ليله واحده
هههههههههه
قولي امين بقي
تسلميلي ياقمر بجد بتوحشيني جدا
نورتيني يا قمر
وحشتينى ووحشنى كلامك الجاااااااااامد قوى دى يا جيجى ايه الحب والعشق والهيام ده كله دايما كده كلامك يلمس القلب وييجى على الجرح يا سكر
تحياتى لرمز الرومانسيه فى عالم التدوين
اماني يا قمر
والله انتي كمان وحشتيني اكتر بجد
وبعدين جرح ايه بس يا قمر
ربنا يسعدك ويسعد كل ايامك يارب
تسلميلي يا اماني
ورموز الرومانسيه حته واحده؟
كتير يا قمر والله
بجد بجد وحشتيني جدا يااماني
يارب تكوني بالف خير يا جميله
تحياتي
الله ع الاحساس
ايه ده ؟
دا انا كنت فاكر ان الاحساس ده مات عند كتير من البشر
و خاصه المصرين بسبب الفقر و البطاله و التعذيب
بس الله عليكى اتمنى لكى المزيد
انا اول مرة ازور المدونة
مدونة جميلة جداااااااااااااااااااا
بالنسبة للبوست
الكلام الحلو ده مينفعش يتعلق عليه الا بكلام حلو زيه
وانا طبعا استحالة الاقى كلام حلو اقوله
لان انتى خلصتى كل الكلام الحلو
بعد اذنك ممكن استلف كلامك علشان اقدر اقول اللى جوايا
اولا انا عايز اقولك انى اول مره اخد بالى ان انتى دكتوره
يعنى زى
ثانيا انا بجد مش لاقى وصف بكلمات اصف بها ما شعرت به من اعجاب فى وصفك لعشق حبيب ابدعتى انتى فى وصفه
كم منا التهب قلبه عشقا و اصبح بريق عين حبيبه
عندما يصبح بريق العين و همساته هى ابلغ حديث للعاشقين
و صدقينى ان كان كل هذا العشق بداخلك فلن تفنى ابدا
لانك تحيين بانفاس عشقك ايتها الحالمه
تحياتى
جى جى العزيزة
لغة المحبين ليست بالكلام ذلك انه كثيرا ما يعجز الكلام عن التعبير بمكنون القلوب..العيون ابلغ وسائل التعبير فالعيون تقول كل ما فى القلوب..وبريق العيون يبوح بكل مكنون
dear jojo,
تسمحيلي اقولك جوجو يا قمر
وحشاني موت
اولآ انا كنت حاطة في دماغي مسار القضية اللي كنت حرفعها عشان خطف الصورة بس بعد ما قريت الموضوع
كل الكلام و المسارات و الخطط
غرقت مني في بحر من الرومانسية الحالمة
في سماء من صفاء العشق المجرد من اي مسحة غدر
في قلب يعشق بهيام و يحيا في وئام
و صفء في احضان الهوي
بجد موضوع رائع و كلام اروع
كل كلمة فيه و كل فقرة
تستاهل كمنت لوحدها
و صفحتي تحت امرك يا قمر
ان شالله حتي تخديها كلها
ده شرف ليا
تحيااااااااااااتي
السلام عليكم
ازيك يا جهينة
انا داخل المدونة مبسوط وخارج منها زعلان بسبب الخبر اللى كاتبه The Groom
اللى بيقول ان الشيخ سيد نوح توفى
اللهم ارحمه واسكنه فسيح جناتك
الشيخ دا كان راجل ممتاز جدا انا حضرت له كام خطبة كده فى الكويت وكانت كل الناس بتجيله من كل ارجاء الكويت
اللهم ارحمه
جهينه بجد انا مش بعرف اعلق على مواضيعك
جميل جدا جدا
فعلا بتسحبينى لعالم تانى
بجد تعبيرات جميله جدا
واحساسك عالى جدا
ربنا يرزقنا الحب
تحياتى ليكى
وسلام
ايه ده بس
حلوه اووووى يا جين
انا كنت هعيط
:(
بس بعد الشر عليكى من الفناء
ربنا يخليكى لينا
وحشانى اووى يا بنت
خلى بالك من نفسك وسلمى على عمو
سلامات
ربنا ريحفظك
تصدقى بجد أول حاجه مكنتش واخد بالى منها
القمر فى الصوره جميل قوى
وجمله كمان عجبتنى أكثر
أري بريق عينيك في انعكاسات الاضواء حين سقوطها علي حبات المطر
لتنير جنبات الكون بجمال ملامح وجهك
على أساس المقوله وشك ولا وش القمر
بجد أعمالك مينفعش معها أى تعليق
أى تعليق يفقدها المعنى
تقبلى مرورى
كلام كبير عليا قوي
بحس اني وانا بقرأ كلامك انى داخل قصر عظيم قوي وحاسس بإنبهار كدة
احيانا مش ببقى عارف اعلق اقول إيه على إللى بشوفه هنا ...
اصلي مش بدخل قصور كتير
وكل حياتى فى العشش والأكواخ على قدي كدة
كلامك جميل قوي قوي قوي
ما شاء الله :)
احييكي بشدة :)
واشعر بهمسك تحمله نسمات الحب الباردة
كل صباح يتحسس وجهي ليسكن روحي فاستلهم منك الحياة
وأتنفس عبير حبك الخالد الي الابد
أري بريق عينيك يأخذني لعالم اخر يزخر بالروعة والحب
لا بجد انتي اللي بتاخدي اللي بيقرا لعالم من الرومانسيه
خيال رائع وكلمات رقيقه
بجد كلام يصحي الحجر يابنتي
تحياتي كتييييييييييييييييير يا جيجي
يالهووووووووووووووووووووي
أيه الأحاسيس دي
أنا كنت هبوس الشاشو وربنا
خلاقة قوي طالعة من جوة
بحب اللعب بالإضاءة والمكان المحيط
ده طالع جامد أوي
علشان يبقى مقدمة للي بعده
رائع
كعادته، يتدفق النهر محملاً بالهدايا
إحساسك الرقيق واهتمامك بالصور الجميلة يمنحان القاريء مساحة للتخيل وتذوق المعاني الرائعة باستمتاع شديد
عارفة يا جي جي
بجد ما شاء الله على كم المشاعر الي عندك
اكيد دى كلو من جمال بريق عينيكي
متاسفة انا عارفة انك انت احسن مني وبتيجي على المدونة بتاعتي وانا باجي متأخرة
بس معلش يعني
سماح المرة دي
ماشي
صافي يا لبن
هههه
طب ممكن تيجي تاخدي التاج من عندي
يعن دة بعد ازن حضرتك
سلام يا جميل
مارو
ربنا يخليك يا صديقي العزيز
اسعدني وجودك وكلامك الجميل الف مليون شكر ليك
ويارب منورني دايما كدا يا مارو
تحياتي
دكتور كسلان
ايه النشاط دا بس يا ربي
استلف الي يعجبك
عايز الكلام
عايز المدونه
براحتك خالص
وطبعا اهلا وسهلا بيك في المدونه الي زاد نورها بوجودك
اتمني اشوفك دايما يا دكتور
تحياتي ليك جدا جدا
شريف غريب
اولا شرف ليا اننا نكون دكاتره زي بعض
يعني اصدقاء ان شاء الله
اعلي درجات الحب هيا همسات دقات القلوب وهمس العيون زي ما وصفت بالظبط
ودا الي بخلي للحب طعم ووهج وبريق يجذب اليه كل القلوب المتلهفه علي احساس من اروع ما يكون
ثالثا
مش عارفه اشكرك ازاي علي كلماتك الجميله الي بجد اخجلتني
الف مليون شكر ليك
ويارب تفضل منورني دايما كدا يا دكتور
تحياتي ليك جدا
eh el raw3a de ya bnty enty romancya moot 3la fekra i love this post so much
استاذ حسني العزيز
طبعا لاتعليق علي كلامك ابدا ابدا
حضرتك خبير اكتر مني واكيد بتتكلم باحساس الفنان الي من نظره العين يقدر يوصل احساسه بمنتهي البراعه والحرفيه
والرقه واعذوبه في ان واحد
الف مليون شكر ليك بجد علي تشريفك ليا هنا
اتمني اشوفك دايما يا استاذي العزيز
تحياتي
angelic devil
يا قمر قضيه ايه بس قلبك ابيض
دي عمليه سطو مسلح بريئه يعني
عموما انا موافقه علي التعويض الي تطلبيه يا قمر
اهم حاجه ميزدش عن ربع جنيه ان ا بقولك اهه من اولها
حبيبه قلبي تسلميلي يارب علي كل كلامك وذوقك
معرفتك مكسب ياقمر ليا اكيد
دا بستثناء الصوره الي اتخطفت يعني
هههههههههههه
تسلميلي يا جميله
تحياتي ليكي
تخاريف دكتور
انا والله برضه زعلت وكان نفس اجيب العنوان والتلفون لعبدلله بس ملحقتش وعرفتش والله
ربنا يرحمه ويرحمنا جميعا ويحسن ختامنا يارب امين
الف شكر علي وجودك واتمني متكونش زعلان لسه
تحياتي ليك
DARK
ياقمر كفايه وجودك بس
وكفايه اني متاكده ان الكلام وصلك
دا في حد ذاته كفايه عندي
تسلميلي يا جميله
تحياتي يا ست الكل
mohamed gado
امين يارب العالمين
انا وانتم كلنا يارب
تسلملي علي كلامك
متشكره جدا ليك
نورتني يا محمد
رانيا
ازيك يا بنتي
وربنا انتي كمان وحشاني اكتر
ادعيلي انزل قريب لحسن وحشتوني كلكم يا عيال والله
هموت واشوفكم اصلا
سلامك وصل يا ستي ونجيبها لبر بقي الراجل مرتبط بامي
هيا لعبه ولا ايه؟
ههههههههههههه
ربنا يخليكي يا بنتي ومتغبيش عليا يا رانيا
وخلي فيه شويه من الاحمر دا واقعدي علي النت متقلقنيش عليكي
سلام يا قمر
اعشق فى الليل ضوء القمر
ايوه هيا تمام كدا وشك ولا وش القمر
اعمل ايه لقي ما هو مغلبني بصراحه
مش عارفه اشوفه قولت اتخيله بي
واشوفه في كل حاجه حوليا
تسلملي علي كلامك بجد سعيده بوجدوك
تحياتي ليك كتير جدا
The Manager
صدقني الكلام ممكن يكون في قصور وممكن يكون في اكواخ
اهم حاجه الي جواهم دول يقدروا يحسوا ولا لا
تعبيرك وتشبيهك انا اول مره اسمعه
وسغيده بيه جدا علي فكره
ربنا يخليك وتسلملي علي وجودك
تحياتي ليك
حصان بري
منورني يا سيدي
ومنور المدونه بكلامك الجميل
خليك جدع بقي وتقطعش الزيارات لو سمحت
مش عشان حصان بري بقي محدش هيقدر عليك
بهزر معاك اوع تزعل
تحياتي ليك يا صديقي العزيز
Halawa
موتني من الضحك يا ابني والله
قلبك ابيض طيب
اهلا وسهلا بيك في المدونه
واتمني اشوفك دايما اكيد
شكرا يا حلاوه علي كل كلامك
تحياتي ليك
Yasser_best
استاذ ياسر العزيز
رأي وشهاده اعتز بيها من استاذ كبير زي حضرتك
بجد وجودك بيسعدني جدا
وتعليق حضرتك بيزيد الموضوع بهاء وجمال اكيد
اشكر ليك حضورك الدائم عندي
تحياتي يا استاذي العزيز
ليمونادا
لا متخاصمين وهنضرب بعض كمان
انتي مش رايحه تعملي حديث في مصر لوحدك
ومش راضيه تاخديني معاكي
الي يا كل لوحده يزور
هههههههههههه
ازعل منك ازاي ياقمر بس دا كلام
صافي يا لبن حليب يا جهينه طبعا
وعندي زبادي ورز بلبن لو عايزه
زرونا تجدوا ما يسركم
بس خديني معاكي والنبي
فهماني طبعا
وتسلمي علي التاج
انا اتبعتلتي اكتر من 7 لغايه دلوقتي وربنا يكرم واجاوب عليهم
مجبتيش كوبيتين عصير ليه وانتي داخله بالمره
ايه الكلام الفاضي دا
سلام يا قمر
buffy
ربنا يخليك يا جميله
تسلميلي ياقمر
والبوست وصاحبه البوست كمان بتحبك
متتاخريش تاني مره
سماح المره دي
نورتيني يا جميله
كالعادة بتصبي معظم اهتمامك على اخر مقطع
عشان يبقى مسك الختام
حلوة جدا الخاتمة دي
هو مفيش حاجات كئيبة كده اليومين دول ولا ايه
------------
بهزر بهزر
ربا يسعدك ويروق دمك على طول كده
جهينه :
أري بريق عينيك في بحر هائج تتسابق امواجة لتلمس اقدامي
فأشعر برجفة في جسدي وكأنك تحتضنني
داخل امواج غرامك فتخدر روحي ويطير من عقلي التعقل
واسبح في عالمك الرائع بلا انتهاء
دا ايه دا ؟ مش حرام بجد عليكى اللى بتعمليه فينا كدة كل مرة بتستفزينى بكلماتك وتخلينى اغير واجرى على اقرب ورقه واكتب . بجد كلماتك بتخلينى اعيش حاله جميله اوى واهرب من الجمود اللى بنعيشه حوالينا
بجد كل التحيه ليكى وارفعلك القبعه تانى وتالت
تحياتى : محمد فوزى
ويابخته :(
جىجى
ايه كمية الحب والرومانسية والحنان ده ؟
بجد ده ابداع ادبى منتقى بكلمات رقيقة الحس
بجد مست قلبى الذى يشتاق لكلمات الحب هذه
تميزك وابداعك فى ازدياد
لا استطيع ان اقل غير انكِ
ابدعتى سيدتى
واعتقد
انكِ ستظلى مبدعة
تحياتى يا رفيقة القلم
زودتها
صح
عارفه بس أعمل ايه يعنى سابع مره أقرأ البوست ومعرفش أعلق أقول ايه يابنتى دا انتى عايزه بوست غزل فى كلماتك وتشبيهاتك واحساسك العالى ده
أري بريق عينيك يصحبني في امسية ترقص فيها النظرات وتتعانق الهمسات
وتتعاهد القلوب علي ان تمتزج الي الابد لتشكل رمزا
تقتدي به قصص الحب وتغار منه روايات العاشقين
تحفه بحد أكتر من رائعه سرحت معاها قوى
أحييكى ياصديقتى الرقيقه:)
حلوه اوى
فكرتنى بايام زمان
انا اسف ن هتكلم بره الموضوع
ياريت تزورى مدونتى وتشاركى فى حملة
من اجل رفع الظلم عن المظلومين
عزيزتى
مش عارف حاسس انى رديت على الموضوع ده
بس يمكن حلم ساعات نفكر اننا شوفنا قبل كده حاجة ويكون حلم
فأقسم اني ما احببت قبلك و لن احب بعدك
عارفه نحب ونفكر اننا بنحب بس لما بنحب بجد نعرف ونكتشف اننا مكناش بنحب وان اللى عيشينه هو ده الحب
ومفيش احلا من الاحساس الجميل ده اللى بياكد لو حساه نحيت حد اننا بنحبه بجد
المهم الاحساس من نحية الطرف التانى يكون بنفسش القوة
اتمنا
تحياتى
سلام
جيجي كالعادة كلامك بدهشني!!.. إنت بجد مواليد نفس السنة بتاعتي؟؟
أصل قلبك ماليان بمشاعر إفتكرت إنا مشاعر مقترنة بالزمن مع زواله بتزول
لكنها لسة جواك
هو الحب بجد حاجة حقيقية ؟؟.. إنت بتلخبطيني..
وبتبهريني
يا رب يفضل قلبك قادر على إستخلاص الحب من كل تفاصيل الياه فيعيش جواك بصفاءه للي مش عارفة هو اللي استمد الصفاء منكِ ولاّ انت اللي استمديتيه منه؟؟؟
بجد إنت رائعة
السلام عليكم
ازيك يا دكتورة جهينة
معلش بقي متأخر برضو في الرد علي الموضوع
بس انتي عرفة الظروف طبعا
طبعا مقدرش اتكلم عن الاسلوب يا معلم
وبما اني عايش في الجبل فتلاقيني فاتح بقي ومش فاهم معظم الحوار
بهزر طبعا
موضوع جميل يا جيهان بس انا ملاحظ ان بقالك فترة حابسة نفسك جوا القفص الوردي دا
عاوزين كدا تغيير وحاجة جديدة بعيد عن الشغل الرومانتيكي
تحياتي لكي يا اختي الكريمة واتمني لك التوفيق دوما
السلام عليكم و رحمة الله و بركاته
اكيد هاتشوفيني دايما يا هانم
امال لو انا ما جيتش مين هايرخم عليكي يعني
ماهو مش معقول يكون فيه حد ارخم مني
ههههههههههههههههههههههههههههههه
تقبلي تقديري و احترامي
والله يا جيهان انا مقصر معاكي فعلا
بس معلش سامحينى
الفترة اللى فاتت دي كنت مشغول جدااااااا
بجد انتى اختى واكيد هتقدري
-------------
بالنسبة لكلماتك
اكيد انتى عارفة انتى ازاى بتأثري فيا
بجد كلماتك بتخلينى احلق في جو من الرومانسية
المقطوعة دي عجبتنى جدا
أري بريق عينيك يتوسد مخدعي فأنام قريرة العين اتنقل بين احلاماً
نصعد فيها لسماء العشق نتلمس نجوم الهوي المجنون
تحياتي ايتها الموهوبة
:)
جهينه ازيك ياجميل؟
حبيت أسلم
الام وامال
العفو
انت الي الف شكر علي اتاحه الفرصه عشان اقول رأي في موضوع مهم كدا
تحياتي ليك جدا
مساء الخير عليكى
اولا احنا محتاجين نحدد كتاباتك دى
فضفضة وللا بتحاولى تكتبى شعر وللا ايه بالضبط؟
هو فى حالة انك قاصدة تكتبى كتابات أدبية يبقى انت محتاجة تتخلى عن التعبيرات المستهلكة
وكمان محتاجة تتمرسى أكتر
اما اذا كنتى بتكتبى عن نفسك كلام وفضفضة فيبقى برافو عليكى
ولو الحالة الاولى
يبقى هستنى منك كتييييييييييييييييييييير حلو جدا وانتى تقدرى
سلام
احمد سلامه
ازيك يا احمد
ان شاء الله الكئيب جاي في السكه
انا اقدر ارفضلك طلب ابدا
ربنا يخليك يا احمد
وبجد بتورني دايمما والله
وعارفه انك بتهزر انا اساسابموت في الهزار
تسلملي يااخويا العزيز جدا جدا جدا
محمد فوزي
ي ابني انا مبسوطه انك تجري وتكتب احسن مني كمان
دا شيء يسعدني لاني اكيد الي استفزيتك
فاي حاجه حلوه هتكون منسوبالي
شوفت النظريه بقي؟
وبعدين الف شكر علي قبعتك الغاليه وبجد انت كلك ذوق يا محمد
اخر حاجه مش يا بخته ولا حاجه
مش جايز عايز يخلص مني عشان رومانسيه زياده عن اللزوم
يلا ماعلينا
تحياتي ليك كتير جدا جدا جدا
يا حج محمد
شيماء حبيبه قلبي والله
والله انتي بنت زي العسل
وفيه ناس من اول مره يدخلو القلوب كدا علي طول
زيك يا قمر
تسلميلي علي كل كلامك
ولازم تبقي عارفه اني سعيده بمعرفتك يا قمر بجد والله
واتمني اشوفك دايما يا جميله
تحياتي ليك كتيييير جدا جدا
واحده من الناس
ايه زودتيها
بس زوتيها جمال ورقه وادب وذوق
يا بنتي انتي عسل والله ومش ممكن ازعل ابدا
غير اني انا الي متاخره عليكي كتير جدا وبجد مكسوفه منك والله
ان شاء الله هرتب نفسي والف عليكم كلمك يا جميله
تحياتي ليك جدا
tar7elba7r
اهلا وسهلا في مدونتي لاول مره طبعا
ويارب ان شاء الله
متكونش اخر مره
وسعيده ان ايام زمان الجميله
جت تاني ليك
تحياتي جدا جدا
دكتور كسلان
حاضر والله
هزورك واشارك معاكوا كمان
ومفيش اسف ولا حاجه
علي الرحب والسعه دايما
تحياتي ليك
احساس لسه حي
صحيح ممكن تكون وجهه نظرك صحيحه
برضه الطرف التاني مهم جدا جدا
عشان نستمر في العلاقه بينا
وعشان كمان نقدر نحس بالحب الحقيقي ونعيشه
ربنا يسعدك دايما ويهني قلبك يارب
امين
هنووده
سبيبك من البوست وكل حاجه
وقوليلي انت عامله ايه
واسكندريه وناسها وهواها وجوها
وشمسها وزحمتها ورطوبتها
والحلو والوحش فيها
كل حاجه عامله ايه؟
يارب تبقي سعيده ومبسوطه ومنتهنيه دايما يارب يا هنووده
تسلميلي علي كلامك يا قمر
طمنيني عليكي يا جميله
سلام مؤقت ليكي يا ست البنات
محمد يا صديق ي واخويا العزيز
ايوه انت يا عم راجل جيش بقي وشغلانه
وتلاقيك نسيت الكلام دا كله خلاص
ايوه انا لسه حابسه نفسي في القفص الوردي
يمكن عشان عايزه اتحبس بقي في الحقيقه؟هههههه
انا صدقني هحاول اغير شويه عشان انا نفسي زهقت من نفسي
وحاسه انه فيه حاله ممل في كلماتي مش عارفه سببها
انا هحاول يا محمد اطلع عن الاطار
ادعيلي بقي يا سيدي
وطمني عليك لما ترجع
سلامي ليك يا اخويا العزيز
mraghy
يا سيدي رخم براحتك خالص
انا ليا الشرف انك ترخم عليا اكيد
لكن لا رخامه ولا حاجه اساسا
قول نور زايد شويه في المدونه
قول جمال كدا
لكن رخامه معتقدش ابدا
بجد سعيده والله بوجودك جدا جدا
يارب تنورني علي طول
صاحب البوابه
مصطفي معلش علي ايه؟
انت تنور في اي وقت
وعارفه انك مشغول
انا والله بس بفتقدك
لكن ربنا معاك يارب
وتسلملي علي وجودك
ويارب دايما اشوفك يا مصطفي
خد بالك من نفسك
تحياتي
DARK
ازيك انتي يا قمر
سلامك وصل يا جميله وسعيده جدا بيه
تسلميلي والله
انا تمام الحمد لله بخير وكلو كويس
الحمد لله
عين ضيقه
بصي يا ستي
انا بكتب لما تجيلي الرغبه اني اكتب
لا بتقيد بنصوص ولا اوزان ولا قوافي
مجرد كلام مرسل واحاسيس بحاول اوصلها
ومش بحب احطلها مسمي
كل حاجه وليها قوانينها وانا مش بحب التقيد بالقوانين بصراحه
فبراحتك شوفي دا ينفع ايه وقوليلي عليه
انا شايفه انها مجرد احاسيس علي الورق مكتوبه وبس
ايه رأيك كدا؟
الله الله الله
والله كلام بيتاقل بالدهب
بريق عينيكى
انا من شده التاثر عاوز اقراها تانى
انتى جميله جدا وكلام حساس جدا
ايه الروعه دى
تحياتى
انتى لسة بتتكلمى عن الحب
شىء جميل ان الصدمات ما تحطمش القلب
شىء جميل ان قلبك الغض ما زال ينبض ويشعر ويتمنى ويبحر فى عيون الحبيب
اتمنى لك دوام الحب
تحياتى ولازم اشوفك لما تيجى مصر بجد
جيهااااااااااااان
اااااااااااااسف بجد على التاخير
انا دايما كدة متاخر في كل حاجة
اولا و قبل كل شئ ليكي عندي تاج تعالي استلميه
وسلام مؤقت
نبأ هام لكل الأعزاء تتفضل الأستاذة المبجلة الصغنونة من غير فذلكة وينكى هانم بتقديم مسرحيتها الجميلة بساقية عبد المنعم الصاوى وذلك يوم الخميس المقبل الساعة السابعة مساءً بقاعة الحكمة وعلى الحاضر أن يعلم الغايب لمساندة أختنا العزيزة وينكى الغالية
http://pinsywinsy.blogspot.com/
تحياتى وأمنياتى بالتوفيق للجميع
هبة
يا بنتى ليه بس التعقيد ده
انا بقيت قارياها اكثر من مرة
الرحمه حلوه
جميله جدا كالمعتاد
------------------------------
عارفانى ما باعرفش اسكت عشان كده قلت اعلق فى الاخر
--------------------------
إبقي فكرينى اقولك كنت حاكتب إيه
تحياتي يا قمر
عزيزتى
انتى كتاباتك قليله ليه
مش تكتبى حاجه جديده
ياريت
سلام
-.-
أنا ست البنات؟؟
:))
ظأهي الكلمة ده خلتني أتنطط من الفرحةو أنا في النت.. و الله إنت حبيبتي
أنا تمام و فرحانة يا جيجي
حاسة بكل حاجة.. بروحي.. بنفسي.. بضحكتي .. بدمعتي
كل حاجة عزيزة و غالية..
بس إنت وحشتيني
momken
سعيده بوجودك جدا عندي لاول مره
واتمني اشوفك دايما يارب
وسعيده اكتر ان الكلام عجبك
ممنونه ليك جدا جدا والله
تحياتي ليك جدا يا ممكن
ياسمين
ايوه لسه والله مش عارفه هبطل امتي لحسن زهقت من روحي بجد بقي
نفسي اغير واكتب عن اي حاجه شديده كدا
بس اعمل ايه مش بايدي لازم احلم عشان اعيش يا اقمر
وحشاني يا سمسم
وبجد لازم كمان لما انزل مره اشوفك وبجد والله نفسي اتعرف عليكي عن قرب
دا شيء يسعدني ويشرفني
اول ما انزل مصر هقولك يا قمر
ادعيلي والنبي
سلام يا سكر
شاه
مش عايزه منك حاجه خالص
عشان انت خليتها خل بامانه
وهبعت اتنين بكره يقبضوا عليك عشان اعرف فيك ايه بالظبط؟
هتعترف وتقر ولا ابعتهم
؟
Doba
اولا الف مليون مبروك لوينكي
ويارب بالف مليون توفيق دايما
ودايما لقدام يارب
ونجاح في نجاح
ويارتني كنت موجوده
والله كنت جيت
اتمنالكوا كل توفيق
تحياتي
loumi
لومي لو ايداي طالتك كنت
كنت
كنت
كنت هديكي حاجه حلوه يا قمر
انا اقدر يا قمر برضه
كنتي هتكتبي ايه انا عارفاكي
بلاش فضايح والنبي
خليها بيني وبينك يا جميله
وحاضر هرحمك
الي جاي تاج بقي عشان الناس عماله تبعتلي وانا مش برد وشكلي هضرب بأمانه
تسلميلي يا قمر
احساس لسه حى
عزيزي حسام
والله غصب عني بجد
ظروف الشغل ودوشه دماغي مش مخلياني عارفه اركز في اي جديد
دا غير اني بفكر اريحكوا شويه من الرومانسيه دي واخد هدنه شويتيسن لغايه ما استعيد فكري وعقلي تاني
تسلملي بجد علي سؤالك الي اسعدني جدا
وان شاء الله الي جاي يكون مختلف
تحياتي
mueja
انا دخلت مدونتك وكنت اتمني الاقي حاجه بالعربي حاكم انا ثقافتي في اللغات الاخري غير الانجليزي والفرنسي
علي قدها شويه
سعيده بوجودك لو فاهمني
اهلا وسهلا بيك
تحياتي
Hannoda
هنوووووووووووووووووده
وحشاني وربنا
وحشاني والله
يا جبانه انتي فين
بتبقي علي النت الصبح وانا مش بعرف ادخل خالص في الوقت دا
خليكي جدعه واقعدي عشان عايزه اعرف اخبارك ايه يا قمر
وبعدين ايوه ست البنات وست البنات كمان
انتي مش واخده بالك ولا ايه
خليكي حلوه عشان بجد وحشاني يا بنتي
ربنا يسعدك ويهنيكي ويفرحك دايما يارب
امين
مش عارف وحشتنى مدونتك قلت أعدى وأسلم
اعشق فى اليل ضوء القمر
انت عارف اني لسه كنت عندك في مدونتك
القلوب عند بعضها والله
ربنا يخليك دي حاجه تسعدني اكيد
ويارب تنورني كدا دايما تسلم وتنورني وتسعدني كمان
تحياتي
عزيزتى
سلامت دماغك من اى دوشة
بس لو على الشغل مقدور عليه لاكن لو من قلبك يبقا مفيش نهاية للدوشة
انتى واخده هدنة علشان تعيدى اوراقك وطريقتك فى الاختيار ولا ازاى هتعيدى الاوراق وكمان بتعرفى تخدى اجازة من الرومانسيه الرومانسيه احساس بيجى غصب عننا ومش بنعرف حتى تموته لحظه جوانا يبقا نأجزه ازاى طيب
تحياتى
سلام
و الله يا دكتورة أصل أنا كتبت البوست دا مستعجل و لفيت بعديها على كذا مدونة بعدين لقيتهم بيقولوا يللا عشان رايحين قمت قايم بسرعة قبل ما أفوت على مدونتك و أدينا لسا راجعين أهه من العين فمريت ع المدونة لقيت حضرتك هناك ، يعني أنا فعلا محرج منك بس العتب على قد المحبة بقى
متزعليش مني يا افندم
قلت أعدي أسلم عليكي
ازيك يا صاحبتي ؟؟؟
رغم انى فقدت ايمانى بالحب
استسلمت
وتنازلت عن الحلم البسيط
إلا انى حسيت كلامك
وقلت لو فيه واحد يملك كل الحب ده فى قلب انسانة
يبقى ملك الدنيا
وهى ملكت الأنسان ده
اتمنى انه يكون موجود
وعارف وحاسس بكل كلمة كتبتيها
عن اخبارى
عملياً
مسافر 26-8
سايب البلد بلى فيها
نفسياً
-----
ادركت فجأة انى مقدرش اختفى من هنا تانى
انتوا الحاجة الوحيدة اللى قادر احسها مش مزيفة
انتى ايه اخبارك؟؟
طمنينى عليكى
وخليكى بالجو
فان
جهينة يا زبااادو
مين اللي يزعل بس من الاتاني
ومع ذلك انا برده هعديها عشان خاطرك
لاني عرفتي ظروفي وبرده بتقولي زعلانة مني
حقك عليا يا ستي
متزعليش مني مقدرش علي زعلك يا زباادوو
انت انسانه طيبة
خواطر جميلة جدا ياريت تيجي تزورني
لم يعد هناك كلام
بحثت ولم اجد
عندما يسقط الخيال من عالم الخيال فماذا سيتبقى من هذا العالم؟
عندما تتجسد الافكار الى صوت ووجه واصابع وعيون واذان فلا عوده ولا استمرار
اذا
للخلف دُر
جخينه ازيك
بجد مفتقدينك ...ياللا نزلى حاجة جديده
وحشتينى قولت اسلم
احساس لسه حى
انت قصدك انا الرمانسيه مفصوله عن الشغل انا معاك بس لما تبقي مضغوط عمرك ما تفكر في حاجه
مش هكدب عليك كتبت كتير بس حاسه انه مش بالمستوي خالص
وبتردد اني انشره
بس ربنا يسهل ان شاء الله
هيكون فيه حاجه قريب
تحياتي ليك ولوجودك يا حسام
ويارب تنورني دايما
محمد فوزي آل ربيع
حمدلله علي سلامتك يا سيدي
ومفيش عتب بينا
دا سؤالك محبه
عشان افتقدتك والله
يارب تكون مبسوط في الصيف الجميل بتعنا دا
تحياتي ليك يا محمد
ويارب متغبش تاني يا حج
تحياتي
amira
يا ست الاميرات
يا صحبتي
سلامك وصل
ونورك زاد
والهوا بقي بحري في كل الجهات
وعجبي
تسلميلي يا قمر علي سلامك وكلامك وكل حاجه يا جميله
ماخدتيش ليه الجاتو بتاعك يا قمر
هتمشي قبل الساقع؟
Van Gogh
يا صديقي واخي العزيز جدا
يسعدني اعرف اخبارك دايما والله
انت عارف انت اخ وعزيز عليا جدا
ويارب توصل بالف سلامه يارب
واحنا كمان منقدرش نستغني عنك ابدا
ولا عن اخبارك
ولازم نفضل علي اتصال مع بعض دايما
وعارف اخبارك دايما
اوعي تغيب يا فان
هستناك تطمني عليك
تروح وترجع بالف سلامه يارب
احمد طاهر
انا مش عارفه ليه حسه بحاجه غريبه
بتهيالي انك انت الي زعلان مش انا
والمصيبه اني مش عارفه ليه؟
ولما جيت اتكلم معاك اخر مره حسيت بدا للاسف
يمكن جايز ظروف شغلك
الجديد
بس كل الي بطلبه منك انك
متزعلش مني
انت عارف حتي لو فيه حاجه غلط حصلت بتكون بحسن نيه
انا اختك برضه يا حج احمد
وربنا يديم العروف بينا
خد بالك من نفسك
وابقي طمني عليك يا معلم
shams
سعيده بالزياره الجميله دي
واكيد هزور المدونه ان شاء الله
دا شرف ليا اكيد
تحياتي جدا
harmless
عندما
تنسحب انت
من يسمح له بالاقتراب؟
وعندما تصمت الحروف امام فيلسوف المدونات
وتحتار المعاني والكلمات لتعبر عن ما يدور في نفس جهينه
قولي الحل بيقي ايه بقي
فهمني؟
لحسن احترت خالص والله
ووراك في الخلف در برضه
بس متمدش عني عشان الحقك
DARK
وانتي كمان يا قمر والله
وتسلميلي علي سلامك الجميله والله
وان شاء الله الجمعه يكون فيه حاجه
جديده
تسلميلي يا قمر ربنا يخليكي ليا
السلام عليكم
كيفك جى جى
قرأت مدونه
dark
عجبتنى جدا لو مبتدخليش عليها أدخلى
بجد مدونه حلوه
لكن طبعا أنت فى القلب ساكن كالؤلؤ فى باطن البحر ساكن مطمأن
عارفه طبعا معزتك عندى
السلام عليكم ورحمة الله وبركاته
الكلام جميل اوى اوى
بس بجد انت مش حاسه ان تقريبا كل المدونين عاد كلمهم كله شعر
خير يا جماعه اللهم اجعله خير
أنا طبعا ما انكرش ان انا كتبت فى كده
بس ياريت نهتم بالمواضيع التى تدعو للاهتمام اكتر من هذا
اعذرينى عزيزتى قد يبدو كلامى حاد بعض الشئ بس بجد اسلوبك فى البوست عجبنى جدا وحسيته وتخيلته اوى
بس انا كان رأيى ان ايحنا برده نهتم بالقضايا الاخرى اكثر من ذلك او على الاقل كما نهتم بعواطفنا
والسلام عليكم ورحمة الله وبركاته
اعشق فى اليل ضوء القمر
وعليكم السلام ورحمته الله وبركاته
ازيك انت
انا بدخل عندها
هيا انسانه رقيقه وحساسه جدا جدا
وانا بحبها والله
الف شكر علي روحك الطيبه دي
انت بجد انسان راقي
تحياتي ليك
مؤمنه
اهلا وسهلا بيكي يا عزيزتي
في اول زياره ليكي عندي هنا
طبعا انا بحترم وجهه نظرك جدا
بس عايزه افهمك حاجه
لكلا منا اسلوبه في الحياه
تتحدد باختلاف طبايعنا واتجهاتنا
يعني انا مثلا بحب الاسلوب دا في الكتابه
وحاسه اني بعرف ادي فيه اكتر من لو اتجهت الي مواضيع تانيه زي ما بتقولي كدا
وفي نفس الوقت عشان ما انفصلش عن العلم الاخر
بزور مدونات من الي بتهتم بالمواضيع الاخري الي انتي عايزاها وبشارك فيها وبقول رأي
وبنتفاعل
اكيد
ومن هنا بنحاول اننا نعمل توازن بين ما نريده نحن
وما يريده الاخرون منا
دون التقيد باي حدود او خطوط او كلمه مفروض
خلاصه القول يا قمر
اني سعيده بوجودك مره تانيه عندي هنا واتمني تنوريني دايما
وبعتذر لو لاقيتي المواضيع الي جايه علي نفس النسق
اعمل ايه بقي طبع ورغبه وداء بعيد عنك
مش عارفه اغيره
اتمنالك كل الخير
تحياتي ليكي
البوست دا رائع والمدونه كلها جميله
كلماتك جميلة فيها احساس عالي ومشاعر راقيه
بالتوفيق
I LIKE IT A LOT
Post a Comment