Friday, August 17, 2007

آنين الصمت



دائما ما تتسامر اقدامي مع طريقاً سرنا عليه سويا
لتردد في أذني همسات ذكريات
تتخلل شعري لتنشر رائحة الاشتياق بين حنايا روحي

اتنهد في صمت وانظر الي يدي المشتاقة الي تفاصيل وجهك
وملامحك
واقاوم دمعة تحاول كسر جدار اسواري لتتحرر
وتتنفس عبير الحريه علي وجنتي

أُكمل المسير
وقد أسر الأندهاش عقلي من مشهد يتكرر
دون ان يمل الزمان من سرده علي شبح الحياة البائس

أري وجه قد لعب الزمان وتفنن في نقش تاريخةعلي ملامحه
ترتدي حلة سوداء بوجه حزين قد أسره الصمت والسكون فلم يعد يعرف للتعبير
طريقاً
او يدرك للحروف اي معاني
مجرد مشاعر حية تنبض علي طريق الوحدة يؤنسها الألم

انظر الي هاتين العينين علني اجد الجواب وسط نظرات الحزن
فأضل الطريق وسط دوامة سحيقة بدايتها تساؤل احتار من الأجابه علي نفسه
ونهايتها غموض وخوف من المجهول

تستند بيدين عاجزتين عن حمل هموم الزمن


الي ضريح لذكري جذع كان في يوم من الأيام ينبض بالحياة


زاخر بأوراق تداعب انفاس العاشقين وزفراتهم

أهتز جسدي عند رؤيتي لها تقترب مني في هدوء وصمت
لتضع يدهاعلي كتفي وتطيل النظر في عيني
ليرتسم شريط ذكرياتها واقتحم دائرة مشاعرها واتجول بداخلها

فأري بقايا وذكري ممزقه لقلب عشق يوماً بجنون
فأصابة سهم الغدر وأدماه

وقصة اصبحت منهجا يعلمها الغدر
وتفنن في نقش بصماتة البارده في قلوب عجزت امام وقع الحقيقة
وضربات القدر الساخر

فأرتجف من نسمة بارده خرجت من أحشاء نفساً زافرة تشتاق للسكون
لأراها تبتعد وقد رسمت شبح إبتسامة هزيله لا تقوي شفتيها علي حملها

تبتعد وتبتعد
لتختفي داخل جذع الشجرة الكئيب

وأصوات شفقة تعلو وتتنهد بحسرة علي حال هذه السيده بحلتها السوداء
تتسأل
هل أذهب العشق عقلها
ام استوطن جنون الفراق فؤادها

فأعود الي بيتي
أرتشف فنجان قهوتي
وأتطلع الي مرآتي
لأري ملامح مألوفة وتجاعيد قد زحفت بين ملامحي
ونظرات حزن رأيتها منذ لحظات

لأُذهل من هول الحقيقة القاسية
وأدرك ان من تهامس عليها الناس
واشفقوا علي حالها
من أراها دائما في طريقي صباحا ومساء
من تجولت داخل نفسها وذكرياتها
لم تكن
إلا
أنا
..........

122 comments:

أحمد سلامــة said...

أنين الصمت
---------
دي مدونة جديدة تبع سلسلة مدونات الصمت يا جيجي
--------
رائحة الاشتياق ، تفنن في نقش تاريخه ، ذكرى جذع ، استوطن جنون الفراق

المفردات والتراكيب دي حبيت اطلعها على جانب كده عشان دى خلاص بقت اللون والبصمة بتاعتك في كتاباتك من فترة
ما أجمل ان يكون لك بصمة في كتاباتك

المفاجأة الاخيرة شيقة يا جيهان ، وفيها انعكاس للحالة المتبادلة مابين القاريء المحتار وبين البطلة التائهة في طريقهم الدائم
--------
أنين جديد ودوي مؤلم كالعادة

sherif gharib said...

الله عليكىيا جيهان
كثيرا من الاحيان تكون الذكريات هى الدافع الوحيد وراء رغباتنا فى التمسك بالذكريات حينها تكون النسمات و العبير مجرد مفردات لللغه عشق تمنينا ان تطول و لكن لعبه الاقدار و الغدر عاده ما تحول دون استمرار استنشاقنا لهذا العبير النابض فى نفوسناو فيسطوتن الفراق بين ثنايا اضلعنا معلنا رغبتنا فى الاشتياق
تحياتى لكل ذكرى شكلت ملامح كل لحظه عشق حتى و ان تبدلت لذكرى بائسه
و فى النهايه تحياتى لكى ايتها المبدعه

Rosa said...

لأُذهل من هول الحقيقة القاسية
وأدرك ان من تهامس عليها الناس
واشفقوا علي حالها
من أراها دائما في طريقي صباحا ومساء
من تجولت داخل نفسها وذكرياتها
لم تكن
إلا
أنا
بجد مش عارفه اقول اي تعليق يا جهينه
مشعار مرهفه و احساس حزين مس قلوبنا
يكفي العنوان , انين الصمت
تحياتي للمشاعر الجميله الرقيقه
:)

سندباد said...

دائما ما تبهريني وتنسجي خيوط وشباك الصمت حولي كلما اقرا لك وكاني في كل مرة اتعرف عليكي لاول مرة هلي انتي العاشقة الولاهانة ام العاشقة المعذبة ام الانسانة التي تبحث عن الحب
بصراحة انا احترت
وبعيد عن البوستات اكتر من مرة بحاول اسالك انتي ايه هو في ايه بس برجع واقول بلاش فضول بس من باب الصداقة الجميلة اللي بينا بسالك قلبك ماله
تحياتي
علي فكرة فضلت مستني تعليقك علي التحديث في البوست الاخير ولما مجتيش نزلت بوست جديد روحي بقي شوفي اللي فاتك ومش زعلان والله انا عارف الله يكون في عونك ومتزعليش لتطفلي عليكي

مدونـــة الــمــنــبــر said...

السلام عليكم
جيجى حبيبتى
ازيك يا قمر

اخيرا بوست جديد بعد طول انتظار

بداية كده الذكريات فى المواقف اللى زى دى بتبقى قمة الالم
خاصة لو مشيتى فى مكان كنت بتمشوا فيه سوا


طبعا مش عاوزة اوصف لك قد ايه وصفك للحزن رائع وبليغ لدرجة تخلى الواحد كأنه شايف المشهد


وجعتنى اوى لما قولتى

هل أذهب العشق عقلها
ام استوطن جنون الفراق فؤادها


فعلا كلمات مؤثرة

وكانت الصدمة الاكبر فى نهاية البوست لما طلعت الست الحزينة اللى كسرها الحب وحطمها الغدر دى انتى

انا افتكرتك مجرد مشاهد للاحداث
بس اقسى حاجة ان الانسان بيتعذب وهو ا عارف قد ايه طعم العذاب دا مر
:)


تحياتى يا جيجى
انت هايلة وملكيش حل

تسلم ايدك
سلام
:)

mohand said...

السلام عليكم

عارفه اخر كلمتين
الا انا

محدش يقدر يرد عليهم الا بحاجه واحده بس

الا انتي
ويغنيلك القصيده كلها


الكلام
الكلام
الكلام
لغة الاحلام

والواقع يحمل كلا الالام

وتاتي وتحطمنا الايام

ولنصبح يوما بقايا حطام


قصيده لسه هكتبها
هههههههههههههههه
بقايا حطام

وانتي عامله ايه دلوقتي؟

الطائر الحزين said...

ما ذنبنا أن كل ما حولنا حزين فهل ترى أعيننا غير الحزن

ما جريمتنا أن العهر اتخذ من بيوتنا أريكة يتكأ عليها وينهى ويأمر فينا

ما جريرتنا من ورق الشجر المسموم الذى نأكلة دون ان نشعر بمجرى السم فى العروق

بعد كل هذا لا تجدى للصمت أنينا
ولا للوجة شحوبا
ولا للعقل ركودا

بصراحة تفجرين فى كتابتك عقلى وتفتقى الشجون داخلى

تحياتى

Halawa said...

آآآآآآآآآآآآه ياسناني

أولا

علشان متنخانقش ونلم الناس علينا
بستأذن سيادتك
أضيف اللينك بتاعك عندي

ثانيا

رأي مواطن عادي
نرجع نلم الناس اللي مشيناهم
إيه الروعة دي
تصفيق حااااااااااد
إحساس خزعبلي بجد
بيوجع سناني بجد يادكتووور

ثالثا

رأي النقاد المتقعرين بقى
تدفق رائع وبراعة استهلال ملهاش حل
عجبتني أوي صورة جذع الأيام
والاستناد عليه
وطريقة السؤال بتاع النهاية
اللي جت منطقية
حسيت انه انتي من البداية
بس الجو العاااام حالم ممتع

نقطة أخيرة

هقول لسيادتك جملة قالهالي دكتور
في آداب عربي بس رجل ليه وزن
الاحساس 95 من الكتابة

بس ازاي تقفل المية باللغة
كان بيقولها لي
علشان ساعات كنت بخرج من بحور الشعر
وهقولهالك ان سمحتيلي
لأنه يهمني أشوف الشغل الرائع ده
مفيهوش ولا غلطة في النحو

وتحت أمر سيادتك لو عزتي مساعدة في الموضوع ده
أظبطلك البوست نحو قبل ماتنزليه

آسف لو طولت

سلااااااااااام

Hannoda said...

ويالقسوة أنين الصمت يا جيجي

تخيلي صمت أسود حالك
تلفه كرنفالات من مرح و لهو
يعلو صوتها على صوت الأنين الذي سكن الصمت منذ زمن

فتعلو أصوات المرح
ويعلو خفوت الأنين بخوف و مرارة

وتمر السنين

وأصوات اللهو تخفت
فيبرز الأنين
ولكنه مسجونا لا يسمعه غيري انا

فأندهش كدهشتك
أكان هذا لصوت نابعا مني

بحق
أنا ذاهلة مثلك تماما

Lemonada said...

جي جي
ياااااااااااااه
قلبي وجعني
والدمع نزل من عيني
نفسي اكون جمبك
وتعتبريني اختك
واتكلميني وتنسي مرايتك
بجد يا جيجي
ربنا مايجيب هم ولا زعل ولا تجاعيد

R.R said...

بت يا جيهان ازيك
ايه اللى مزعلك يا بنتى
ومخليكى متغاظه؟
طيب خلينا الاول فى البوست وبعدين ندخل شمال

جميل العنوان جدا
دون ان يمل الزمان من سرده علي شبح الحياة البائس
قويه العباره
تعرفى انا حسيت بخوف واثناء قريتى ينفع مشهد من فيلم رومانسى ورعب فى نفس الوقت
:)
على فكره اول سطر
ها
مع طريق مش طريقا
جار ومجرور يا استاذتنا
عموما كالعاده صورك تعبيراتك بيتعبونى
لازم خمس مرات
ها
عشان افهم الصور المركبه الجميله اللى عندك
:)
يلا وابقى قوليلى اللى غاظك
:)
سلامات يا جين

Anonymous said...

أنا قاعد أقول ف نفسي و أنا بقرألك يا دكتورة إن فعلا الذائقة الشعرية بتاعتك اتغيرت عن زمان قوي

أنا حاسس دلوقتي في نضج أكتر من خلال انتقائك لكلمات موزونة أكتر و بعناية أكتر

صح كدة و لا غلط؟

محض روح said...

بصي ياجيجي مش عارفه اقولك ايه
بس حسه ان البوست ده قريب مني اوي
كلامك لمسنى يمكن علشان عايشه كتير من فصولها
على العموم يارب تكوني بخير
خلي بالك من نفسك

loumi said...

العزيزة جي جي
إيه ده؟
إنت مش قلت تاج؟
طيب حابقا اجى تانى عشان اقرأ بمزاج
تحياتي
يا جميله

اعشق فى الليل ضوء القمر said...

جهينه
كيفك إيه أخبارك
معلش مش عارف أعلق على البوست حتى بكلمه هايل
معلش أنا أسف
يمكن لأن فى حلقى مرار تنزف فى عينى الحسره
تدوب فى طيها الحنان فسارت الحياه بلا معنى لى
فيه كلمات كثيره جعلت كلمه أه تخرج من فمى
حسيت كلمات كثير فى البوست
أصلى بعيد عنك أشتغلت من فتره صغيره فى شركه غير شركتى القديمه
وكل الناس تعاملت معى كما يتعامل الذئب مع الغزال
مش عارف أقولك المعاناه إللى عايشها
فى شغلى الجديد ما علينا مش هصدع دماغك
وعد منى لما أفوق و أراستر عقلى
هعلق مع طله من القمر

كراكيب عادل said...

انين وصمت كمان

طيب تعرفي ان الصمت اصعب وابلغ وخاصة مع الانات

نرجع نقرا كالعادة تاني

ونرجع

مؤمنه said...

السلام عليكم ورحمة الله وبركاته
يعنى كنت بتضحكى علينا يا نهى ماشى
ههههههههههههههههه
طب طمنينا عليكى
بس بجد الكلام جميل اوى وفقى الله
والسلام عليكم ورحمة الله وبركاته

همس الليل said...

مممممممم
جميل
كم هو مر طعم الخيانه والغدر
وكم يدمينا الالم

فقط نسير مهما حدث
فدعى الطريق ياخذ من حزنك واستودعى عنده حقائب الهم

Eric Matt said...


يا رب اخرج من حالة عدم التركيز دي قريب

عموما جيت بس اقولك فاكرك يا ناسيني

وتحياتي لك من كايرو البلد المرة دي

وكمان كل 25 سنة وانت طيبة هاهاها

:(

truelove said...

الله الله الله اكبر ايه يابنتي الكلام ده بتجبيه منين وبرضه في خبث كده بسال نفس سؤال السندباد هو فيه ايه يالا بقى طولت عليكيسلام

انا من اهوى ومن اهوى انا said...

gohayna

هو كل مرة كدة تجيبى حاجه على الجرح ،

كفايه بجد حرام يا فندم تعبت ، مشيتينى فى الطريق اللى بيفكرنى بذكرياتى لانى دايما بروح وامشى فيه وحدى وافتكر وبرضو وصفتى كل حاجه ونفس الشجرة ايه دا انتى كنتى بتراقبينى !!!!

جهينه احتفظى بمفرداتك اللى بجد بتتميز بأن ليها خصوصيه شديدة جدا
حاولى يبقى دا ملعبك لانك بجد بشوفك بتعملى فيه احلى تقسيات ، شايفك ماسكه أله القانون وبتلعبى عليها احلى تقسيمات نهاوند سمعتها ،
استمرى واللهم لا حسد فى عينى وعين كل اللى شافوكى ولا صلوش على النبى
عاوزين نبخر المدونه .
وتحياتى ليك يا قمر

محمد فوزى

الربان said...

تحياتي

قرأتها عدة مرات...كل مرة أخرج بشيء مختلف عن المرة السابقة...

حس مرهف...داعب شغاف القلب...فعايش التجربة معك....صدق مشاعرك و تدفق احاسيسك بسلاسة و بساطة دمج مشاعر القراء مع مشاعرك....هكذا رايي.

تحياتي و تمنياتي بدوام التوفيق.

حصان بري said...

دائما ما تتسامر اقدامي مع طريقاً سرنا عليه سويا
لتردد في أذني همسات ذكريات
تتخلل شعري لتنشر رائحة الاشتياق بين حنايا روحي

لأراها تبتعد وقد رسمت شبح إبتسامة هزيله لا تقوي شفتيها علي حملها

لم تكن
إلا
أنا

فوووووووووووووووووووووو
يابنتي شوفي حل بقي في صمت الاحساس الصارخ ده
بجد روووووعه
وصفك للاحساسيس كاننا نراها تنطق علي وجه البطله
فتاخذنا الي عالمك الخاص
لنحزن ونفرح معها

بس ايه حكايتك؟
انتي ثبتي الرتم
بوست فرح وبوست شجن
لو اعرف بس مين ملهمك اللي بيتنطط علي الحبل ده:)

تحياتي يا جيجي وبجد راااااااائعه كعادتك وتبهرينا دائما يا اميره الرومانسيه

Ma 3lina said...

انا اللى اتسمرت لما قريت الشعر بتاعك

بتحطى الكلمات كدا جنب بعض بطريقة رائعة تاسرنى

ما اشاء الله

hamdool said...
This comment has been removed by the author.
hamdool said...

GiGi



MASHALLA


great words ..
وعايزين الجديد منك دائما



hamdool/ Kuwait

mimi said...

جي جي حبيبتي
جميلة انت دائما بكلماتك
رقيقة انت دائما بلمساتك



واقاوم دمعة تحاول كسر جدار اسواري لتتحرر
وتتنفس عبير الحريه علي وجنتي


حلوة قوي الحتة دي
تحياتي مش كفاية
ممكن تعظيم سلام؟

gohayna said...

احمد سلامه


طبعا اسعدني انك اول تعليق عندي في المدونه

ازيك يا احمدالله زمان يا حج

ثانيا اسعدني انك تقول وتحس اني ليا بصمه في الكتابه

دي حاجه تسعدني اني اكون مميزه بشكل خاص ليا انا يا احمد

بشكرك بجد علي كل كلامك

واهه مرفضتلكش طلب

مش البوست الي فات

قولتي مفيش كئيب

عشان تعرف بس يا احمد غلاوتك

اي خدمه

تحياتي ليك يا احمد

gohayna said...

sherif gharib

وبعدين يا شريف

ايه دا

كلامك بوست لوحده والله

انت شارح كل الي عايزه اقوله بجد

والي بحس بيه كمان



شكلنا هنتخانق يا عم انا وانت

اهم حاجه انك تكون جاهز بس وتستحمل

لا بجد تسلم ايدك علي تعليقك الي زاد الموضوع جمال وجمال

تحياتي ليك جدا

gohayna said...

Rosa

تحياتي ليكي ولكلماتك يا روزا

انا كمان والله مش عارفه اشكرك ازاي علي نورك يا قمر

ربنا يديم المحبه بينا

امين

نورتيني يا قمر

gohayna said...

sendbad


تم تدارك الخطأ ورحت عندك وعلقت

وبعتذر للمره المليون والله حقك عليا

اخر مره يا سندباد


اما بالنسبه لسؤالك

فأنا رديت عليه
وهرد تاني وتالت كمان

انت تسأل براحتك يا سندباد

انا العاشقه الولاهانه

والعاشقه المعذبه

والانسانه الي تبحث عن الحب

والانسانه التي تهرب من الحب


كل المتناقضات وكل الاختيارات

هيا انا


انت اكيد فاهمني يا سندباد

انا من الاخر كل الي في دماغك

وفي دماغ اي شخص ممكن يتخيلني

بكل الاشكال وبكل الاحاسيس وبكل المعاني سواء حلوه او وحشه


شكلي هضرب

عشان انا لففتك معايا اكتر

تسلملي يا سندباد علي وجودك ودخولك الي بينورني دايما

ومفيش تطفل ولا اي حاجه

انا سعيده بيك فعلا

تحياتي

gohayna said...

Hadota

حدوته يا قمره

واحشاني يا بنتي والله


انت عارفه انا من كتر ما اندمجت عيط زي الهبله في الاخر

لاني للاسف القصه دي عشتها وعاشرت ناسها كمان

صحيح مش انا الي كنت البطله فيها

لكن كانوا ناس قريبن مني واتاثرت بيهم جدا جدا


انا مبسوطه بيكي يا حدوته جدا

ومبسوطه بزيارتك يا قمر

ويارب تنوريني دايما دايما

تحياتي ليكي

Shreif fahmy said...

ياجهينة أزيك ياترى فكراني أنا جي النهارده أعزمك على صدور البوست الجديد أوعى ماتجيش المدونة وتسيبي تعليقك

http://sfahmy78.blogspot.com/

شمعة أمـــــل said...

ايه البوست الجميل ده يا جيجى
برغم الم اللى فيه لكن صورتيه بشكل جميل اوى
بجد انتى اختيارك للكلمات جميل اوى
لكن الدنيا اجمل وبادينا نمحى تجاعيد الحياة باننا نبتسم دوما
عشان منحسش بكل هذا الحزن
بوست جميل اوى احييكى عليه

Anonymous said...

قلب لغــزة
هل تعرفون، ماذا يعني مدينة بلا كهرباء؟
غـزة منذ يومين بلا كهرباء
مستشفياتها، منازلها، مؤسساتها التعليمية والصناعية، متاجرها، شوارعها
غزة الجائعة تختنق في الظلام
أدعو الجميع
بوقفة أحتجاجية
بتعتيم المدونات ليوم واحد
الخميس
وعلى كل من يعرف اللغات الأجنبية
الإنجليزية والفرنسية والأسبانية والألمانية... وغيرها
رجاء ترجمة هذه الدعوات وإيصالها للمدونين الأوربيين
مع أرسال نسخة للأخرين لتوزيعها
ربما أستطعنا توصيل صوتنا لمن يشاركنا الحب والغضب في اوروبا

S H A H said...

كويس ان انا جيت بدري و لحقت اول كرسي في الصف اهو

انتي ايه الاجرام ده يا جهينة

اخر الكلام انا جسمي اشعر منه لما طلعت هيا اللي بتحكي؟؟

تحفة جديدة تنضاف ليكي

بجد ما شاء الله عليكي

-----------------------------
على الهامش

صديق ليا هنا جزائري قرى مدونتك كلها, و بنستأذنك انها تترجم للغة الفرنسية و تنزل في ديوان شعري سنوي

حبيت اخد الاذن منك

تحياتي

DARK said...

بقدر ما كان الكلام جميلا جدا لكنه أحزننى جدا
جهينه انت عصفورة رقيقة لا تسمحلى للحياة بجرحك أبدا أبدا

gohayna said...

مهند


ايوه الا انا

وبعدين ايه الشعر دا يا عم بقي؟

انت هتكتبها امتي دي عشان اوقع عليها كالعاده


عموما هنتفاهم بعدين يا حج مهند


تسلملي علي وجودك عندي

تحياتي

gohayna said...

الطائر الحزين


ذنبنا اننا بشر

بكل الهموم

مكل المنتناقضات

بكل الاقدار التي من المحتم ان تفرض علينا


ذنبنا اننا بشر يا اخي العزير

وكل ما زكرت هو من طباع البشر

ومن الفروض عليها ايضا

سعيده بوجودك جدا

ويارب تنورني دايما
تحياتي

gohayna said...

حلاوه

انا هقولك علي حاجه تضحكك

انا في المدرسه كان عقدتي العربي

بالنحو بتاعه

كنت دايما ادعي علي ابو الاسود الدوئلي

واقول ربنا يهده بسبب النحو بتاعه الي مغلبني دا


بيني وبينك انت عندك حق

بس انا مشكلتي اني لما بكتب مش بكون واخده بالي من اي حاجه خالص غير الاحساس الي بيكون معايا

انت الي هتتولي الموضوع دا بقي عني

وهقرفك بالاخطاء النحويه

بس انت استحملني


ربنا يخليك يا حلاوه

كلك ذوق

والف شكر علي دخولك الي بينورني

ومعلش انا مقصره معاك والله بس الشغل مش بيرحم خالص

تحياتي ليك

gohayna said...

هنووووووده

انا سعات استغرب لما اقرء التعليق بتاعك بحس انك واحده تانيه خالص غير الي بكلمها علي النت

ايه يا بنتي دا

والله بيعجبني تفكيرك ودماغك

ونظرتك للامور كلها

ربنا يحرسك يارب


طمنيني عليكي عمله ايه يا قمر

وحشاني جدا

وانا شوفت الايميل وفرحت بيه والله خالص ربنا يخليكي اجمل حاجه والله يا هنووده

تسلميلي وهكلمك قريب ان شاء الله

gohayna said...

Lemonada


يا اختي انتي اختي من غير اي كلام

والله وسعيده بمعرفتك جدا

وعندي الايميل محطوط ابقي ضفيني عندك وقوليلي عليه عشان نتكلم مع بعض

وسلامه قلبك يا قمر

انا زي الفل والحمد لله

متقلقيش عليا



هستناكسي عشان نتكلم

تسلميلي يا جميله

ربنا يخليكي يارب

تحياتي

gohayna said...

يارنيااااا

انتي اتعديتي مني ولا ايه

خمس مرات قبل الاكل يا رانيا

واضح اني بهت عليكي ولا ايه

اتحسدتي يا بنتي

سيبك من الكلام دا كله وقوليلي

انتي عاغمله ايه
وياربب تكونوا كلكم بالف خير وصحه وسلامه


طمنيني عليكي انت والعائله ضروري

عشان مش لاقياكي علي النت

ربنا يكرمك يارب

سلام يا قمر

gohayna said...

محمد فوزي ال ربيع


ايه يا ابني الكلام الكبير دا

متعودش علي كدا بصراحه

دا غير ان الي بيتكب دا مش شعر

انا عن نفسي شيفاه مجرد احساس وبس


اما احساسك انه اتغير فيارب يكون للاحسن

دا شيء يسعدني جدا يا محمد

والاكتر منه وجودك هنا

متقطعش الجوبات لو سمحت

سلام يا حج

Radwa said...



تفنن في نقش تاريخه
___________________

فأعود الي بيتي
أرتشف فنجان قهوتي
وأتطلع الي مرآتي
لأري ملامح مألوفة وتجاعيد قد زحفت بين ملامحي
ونظرات حزن رأيتها منذ لحظات

لأُذهل من هول الحقيقة القاسية
وأدرك ان من تهامس عليها الناس
واشفقوا علي حالها
من أراها دائما في طريقي صباحا ومساء
من تجولت داخل نفسها وذكرياتها
لم تكن
إلا
أنا

خواطر جمييييييييييله اوى اوى عندك كلمات جميله اوى

gohayna said...

محض الروح

ربنا يخليكي يا دينا

انا تمام الحمد لله وكله كويس

اما عن البوست ف؟؟أنا حاسه بيكي وعارفه انك انسانه حساسه

واكيد اتأثرتي بالكلام

تسلم ايدك يا دينا

ويارب اشوف الجديد عندك قريب يا قمر

تحياتي

gohayna said...

لومي

ازيك يا قمر

انا قولت تاج؟

دا انا عيله وبرجع في كلامي خالص

انا مستنياكي

فوقي من دور البرد يا بنتي بتاعك دا

وتعالي

سلام يا قمر

gohayna said...

اعشق في الليل ضوء القمر

مالك بس ايه الي حاصل


وماله الشغل الجديد
دايما بيكون في الاول كدا

لغايه ما تاخد وضعك

بس انت خليك مجتهد واعمل الي عليك وربنا سبحانه وتعالي هيكرمك ان شاء الله

وصدقني حتي لو اتظلمت
لازم في يوم يرجعلك حقك تاني

اهم حاجه انك متفقدش ايمانك بالحق والقيم والاخلاق

ربنا معاك

ابقي طمني عليك
واكيد مستنياك يا صديقي العزيز

gohayna said...

عادل

يا عادل وبعدين في الويتينج ليست الي حاطت نفسك فيه دا

حاجز الكرسي ومش مخلي حد يقعد

اكمنك في الكويت يعني وكدا معايا

ماشي يا حج

مستنياك ترجع

gohayna said...

مؤمنه

اما مضحكتش عليكي يا قمر والله



وبعدين مين نهي دي؟
هههههههههههههههههه

ربنا يكرمك يا مؤمنه

وسعيده اني شوفتك مره تانيه يا قمر

تحياتي ليكي جد جدا

gohayna said...

همس الليل


همس الليل لو قولتلك قد ايه مدونتك عجباني انت والقهوجي

مش هتصدقي

ولو قولتلك قد ايه بعشق القرايه ليكو انتو الاتنين

ولو قلتلك قد ايه مبسوطه بوجودك
دلوقتي برضه مش هتصدقي



بجد تحياتي ليكي ولكتابتك ولوجود يا اجمل همس

تحياتي

gohayna said...

عبدلله


انت في مصر من غير ما تقولي يا حج

عيب عليك والله

طيب اديني الو

زماره حتي

اجازه سعيده جدا جدا يا عبدلله


ومعلش علي تقصيري معاك

متزعلش والنبي يا عبدلله

gohayna said...

truelove

اهلا وسهلا


وربنا يخليك
والف مليون شكر علي دخولك

اما السؤال فأنا جاوبت عليه عند السندباد

وشكلي هضرب بأمانه

المهم


تسلم جدا علي دخولك وكل كلامك

تحياتي ليك جدا

gohayna said...

محمد فوزي



عليه افضل الصلاه والسلام

البخور عبق امدونه والشفاط بايظ يا ابني

محمد انا سعات مش ببقي عارفه ارد عليك

من جمال كلماتك بحس ان اي رد هيكون قليل قدامك



وبعتذر يا فندم علي الحاجه الي بتيجي علي الجرح دي

والله ما اقصده ابدا

ربنا ما يجيب جرح ابدا ابدا يا محمد

ويارب حياتك كلها تكون سعيده وجميله وكلها حب علي طول

سمعني امين بصوت عالي يلا

الف مليون شكر بجد

gohayna said...

الربان

حمدلله علي السلامه


ونورت المدونه مره تانيه

ويارب تكون كان اجازه سعيده

كلامك ورأيك شرف كبير ليا يا سيدي العزيز


واتمني تنورني دايما يارب

تحياتي ليك جدا

gohayna said...

حصان بري


حلوه اوي ملهمي الي بيتنطط علي الحبل دا

مغلبني معاه والله يا ابني

خلاص هيطلع روحي معاه

كل ما اقول عقل وربنا هداه

يحود علي ناحيه تانيه خالص

غلبني وخسيت النص بسببه

بس هو مين دا اساسا؟
والنبي لو عرفته قوله يخف عليا شويه


تسلم ايدك بجد

وبتمنا اشوفك دايما عندي

الله
ايه بتمني دي

انت هتيجي بالعافيه حضرتك

تقدر تتأخر يعني

كلام فاضي صحيح

اوع تزعل انا بحب اهزر والله


تسلم ايدك يا سيدي

gohayna said...

Ma-3lina



ربنا يخليكي يا دكتوره
والله انتي الي جميله

وسعيده بوجود يا قمر اكيد


ربنا يخليك يا دكتوره يا جميله

تحياتي

gohayna said...

hamdool

اهلا وسهلا بيك في مدونتي


ومفاجئة حلوه والله بجد

واتمني

تنورني دايما اكيد


والف شكر علي ذوقك

تحياتي ليك

gohayna said...

mimi



تعظيم سلام مرة واحده
يا بنت كتير جدا

وكلامك كله مش عارفه اقولك
عليه ايه

ولا اشكرك ازاي

بجد تسلميلي يا قمر

تسلميلي الف مليون مره

تحياتي يا جميله

gohayna said...

Shreif fahmy


مبروك يا سيدي البوست الجديد


والف شكر علي العزومه

وان شاء الله اجيلك حاضر من عنيا


انت تأمر يا سيدي

حاضر

gohayna said...

شمعه امل


اهلا وسهلا يا قمر

والله المدونه نورت

ويارب شموع الامل

تفضل منوره علي طول الشموع دي

ومتغبش ابدا ابدا

وبجد الف شكر علي كل كلامك

ربنا يخليكي ليا يا قمر

تحياتي ليكي

ياسر سليم said...

انا عارف انى ديماً متأخر

بس مش بإيدى والله

مشغول جداً

ادعيلى

بس انا مستعد اديكى امضا على ورقه فاضية ان كل اللى هتكتبة بعد كده ابداع من غير ما اقراه

عبدالله خالد said...

نعم انتي ... بصمتها الذي يكسر حاجز للتتحرري

يا مراكبي said...

لأُذهل من هول الحقيقة القاسية
وأدرك ان من تهامس عليها الناس
واشفقوا علي حالها
من أراها دائما في طريقي صباحا ومساء
من تجولت داخل نفسها وذكرياتها
لم تكن
إلا
أنا


المقطع ده حقيقي مش تأليف .. مش كده والا أنا ما حسيتش الموضوع صح؟

S H A H said...

اشهد يا كومنت


اشهد يا شات بوكس


بسال و لا تسال عليا

الراقـــص مع الذئـــــاب said...

السلام عليكم
ازيك يا دكتورة
الحمد لله ان الشمس والحر لسا ملهمش اي تأثير عليكي ولسا بتكتبلنا كلمات كعناقيد الدر في عقود مغزولة من ضوء القمر

ويكفي عنوان الخاطرة يا جيهان
اختيار جميل

و بجد المرة ديه الخاطرة جميلة
لكي تحياتي يا دكتورة

Hannoda said...

جيجي

فين الجديد .. أنا بحب آجي عندك عشان أتفرج على نفسي و أنا زماااان

عاملة ايه يا جميل؟
أنا تمام.. بستمتع بكل حاجة بعيشها هنا
بستمتع بالفرح و الحزن و كل حاجة بجد
وطالبما عارفة أستمتع يبقى أكيد أنا راضية قوي و تمام

إنت اللي عاملة ايه؟؟
واحشاني

عالمى ازرق said...

فأعود الي بيتي
أرتشف فنجان قهوتي
وأتطلع الي مرآتي
لأري ملامح مألوفة وتجاعيد قد زحفت بين ملامحي
ونظرات حزن رأيتها منذ لحظات

لأُذهل من هول الحقيقة القاسية
وأدرك ان من تهامس عليها الناس
واشفقوا علي حالها
من أراها دائما في طريقي صباحا ومساء
من تجولت داخل نفسها وذكرياتها
لم تكن
إلا
أنا
..........
بجد ابدعتى ياجوجو
الجزء اللى فات عجبنى قوى
الكلام والافكار اللى بين السطور فيه كتير
تقبلى تحياتى لقلمك المميز واحاسيسك الرائعه

rack-yourminds said...

كلماتك جميله

تسلم ايدك

صاحب البوابــة said...

اعود بعد أن غبت كثيراً

اشتقت لعبير مدونتك

واطلب الصفح عن طويل غيابي

-------------

انظر الي هاتين العينين علني اجد الجواب وسط نظرات الحزن
فأضل الطريق وسط دوامة سحيقة بدايتها تساؤل احتار من الأجابه علي نفسه
ونهايتها غموض وخوف من المجهول


-------------

اكثر ما اخاف منه

المجهول

وما يخبئه لنا الزمن

في هذا الوطن

تحياتي جيهان

ايتها المتألقه دائماً

شيماء الجيزى said...

جىجى

اوحشتنى بجنون ..فهل وصلك ذلك الاحساس بفقدان شخص تعرفه من خلال كتاباته؟
وتألف مجرد القراءة العميقه له ؟
ولو كان بيدى لاودعتك ابتسامة حب على وجنتى وقبلة ايضا

...........................

انين الصمت

اختارتى فابدعتى اختيار الاسم
فها نحن نراها ..تأن فى صمت
تبحث وتجارى ...ولا تعرف الا فى الوقت المحدد
كما حددته هى
وانتى ايضا

بدايتها تساؤل احتار من الأجابه علي نفسه
ونهايتها غموض وخوف من المجهول

عزيزتى ..هذا الطريق نراه كثيرا لما يدخل فى اعماقنا كثيرا هذا الطريق؟
لما يصادفنا جميعا
ذلك المحتار والتى تكون نهايته
غموض وخوف وألم وحزن
لن اعدد

لكن ...احسست بألم فوق ألمى
بالفعل وجدته

...........................

الحلة السوداء
ما ان وجدت السواد حتى علمت بنهايتها
لكن ..لى تعقيب بسيط صغير جدا
الحلة تطلق على لباس المرأة؟
اعذرينى ..فانا جاهلة جديدة
:d

..........................

تحياتى لانينها
لعلى انضم اليها

تحياتى واشواقى

hosnysoliman said...

ياه يا جى جى
معقول..طيب خلى الكلام ده ليا..انت عارفه كل كلمه قلتيها وكانها انا ادميت قلبى ورايت نفسى فى مراة كلامك
هل أذهب العشق عقلها
ام استوطن جنون الفراق فؤادها
عشق العشق كان حياتى..ولازلت ابحث عنه ولكن يضعف الفؤاد و تنخر فيه السنون
احسنت جى جى..

Lemonada said...

جي جي
فينك يا بت
مشغولة عليك وقلقانة جدا
مش عاويدك تغيبي كدة

اسكندراني اوي said...

طب حنفضل كده من غير بوستات كتييييييييييير ولا ايه
يا سيدتي الدكتوره

سنتي بتوجعنييييييييييييي

والله جد اللثه ملتهبه مجنناني


ههههههههههههههههههههههههههه

S H A H said...

ايه ده

تصوري انا معلق هنا مرتين و انتي و لا عبرتيني!؟!؟

تصدقي كدة زعلة فعلا


ده انتي جاوبتي على كل شخبط اي كلمة الا انا


ماشي يا جهينة

و بعدين مش دكتورة سنان

مش تفيديني في اللي بيحصلي ده!؟؟

ادي ولاد البلد

gohayna said...

حـنــين


طبعا كل الي حصل اثر فينا بشكل كبير وخصوصا لان كتير منا جرب انقطاع مصادر الحياه ولو بشكل مؤقت

فما بالك لو بشكل دائم

تفتكري الدنيا هتكون شكلها ايه

معاكي في حملتك

وبجد تسلم ايدك يا حنين

تحياتي ليك

gohayna said...

شااااه باشا

ما تبطل يا عم مقالبك دي الي علي الهامش

الله

المره الي جايه هتكون من القطب الشمالي الي قروا ويطلعوا البطاريق في الاخر
هههههههههههههههه


يا سيدي مشكور والله ما جسرت

والنعم فيك والله


وبعدين انت متاخر ليهان شاء الله

وراك ايه

ما انت بتخرج ورايح وجاي وكلهه تمام

التاخير المره اليجايه بفلوس

وقول اني اتغيرت بقي خلاص اصل الذوق مش بينفع الايام دي خالص


سلام يا حج

gohayna said...

DARK


مهما كان الواحد رقيق يا جميله الحياه كفيله انها تعلمه وتقويه

ودا الي حصلي

غير انه لازم يكون عندك قوه احتمال وصبر عشان يقي في صدرك نفس يتردد

تحياتي ليكي يا قمر

وبجد وحشتيني

gohayna said...

DARK


مهما كان الواحد رقيق يا جميله الحياه كفيله انها تعلمه وتقويه

ودا الي حصلي

غير انه لازم يكون عندك قوه احتمال وصبر عشان يقي في صدرك نفس يتردد

تحياتي ليكي يا قمر

وبجد وحشتيني

gohayna said...

DARK


مهما كان الواحد رقيق يا جميله الحياه كفيله انها تعلمه وتقويه

ودا الي حصلي

غير انه لازم يكون عندك قوه احتمال وصبر عشان يقي في صدرك نفس يتردد

تحياتي ليكي يا قمر

وبجد وحشتيني

gohayna said...

sendrlla


الف شكر ليكي يا قمر

انتي الاجمل بوجودك هنا يا سندريلا

تحياتي ليكي يا قمره

gohayna said...

ياسر سليم

ثانيه اجيب دفتر الشيكات عشان توقع بعشم

ودي فرصه ولازم استغلها

ياسيدي كفايه نورك والله

ربنا يكون في عونك يارب

تحياتي ليك

gohayna said...

عبدالله خالد


تحياتي لك علي كلماتك الرقيقه

نورتني يا عبدلله

gohayna said...

يا مراكبي

المقطع ممكن يكون حقيقه

وممكن يكون خيال برضه

انت تحب ايه

كل واحد علي حسب رؤيته للموضوع

وعلي حسب احساسه

انت حاسس بأيه؟


تحياتي ليك جدا

ويارب تكون بالف صحه وخير وسعاده

تحياتي

gohayna said...

شااااااااه باشا

لتاني مره

اشهد علي ايه

اشحال ما احنا متكلمين ياا حج


وبلاش بقي لحسن الغلط لراكبك من ساسك لراسك

ولا خدوهم بالسوط

انا بهزر

بهزر والله

انت عارف بس اني مشغوله جدا جدا والله يا شاه

وحالتي حاله وانت عارف يعني


معندكش محاسب يخلصني ربنا يكرمك

متزعلش يا شاه بقي

حقك عليا

ليك عندي عزومه

سلام مؤقت

gohayna said...

الراقص مع الذئاب

محمد


ازيك يا ابني

حمدلله علي السلامه
انت جيت امتي؟


والحمد لله انك لسه بخير ودماغك معانا برنا يعينك يارب

تسلملي يا محمد

ربنا يخليك يا اخويا العزيز

خد بالك من نفسك
وطمني عليك

ومتزعلش من غيابي انا والله بدخل المدونه بالعافيه دلوقتي وشكلي بقي وحش اوي مع ناس كتير جدا جدا

خد بالك من نفسك

تحياتي

gohayna said...

هننننننوده

وحشاني يا بنتي

انا تمام ومفيش احسن من كدا بصراحه

هموت من الانبساط

بعدين اقولك بقي

بس الحمد لله
كل حاحه ليها طعم تاني في حياتي يا هند

وحاسه اني برجع لنفسي تاني

بطلي بقي

هبقي احكيلك خلاص


خدي بالك من نفسك يا قمر

ربنا يخليكي ليا يارب

سلام يا حبي

gohayna said...

عالمي ازرق

اتقبل مرورك ياقمر
وتعليقكك
بنفس سعيده من وجودك وكلامك

انا الي بحيكي علي تواجدك

ويارب اشوف الجديد بتاعك يا جميله

ما تغبيش يا سكر

تحياتي ليكي

gohayna said...

wahed

ربنا يسلمك يا وحيد

يسلم دخولك

تحياتي

gohayna said...

صاحب البوابه

اهلا بيك بعد غياب يا اخي العزيز

المدونه بيتك تيجي في اي وقت
انت تنورها

انا كمان خايفه من المجهول

وكل واحد بيخاف منه بطريقته يا خي العزيز

ربنا ينور طريقنا

امين يارب

تحياتي ليك يا عزيزي

gohayna said...

شيماء

علقتي فابدعتي

وتالقتي

واذهلتيني



وامتعتيني بفهمك العميق

واحساسك الشفاف الي احس بكل شيء يدور في داخل

اما الحله

فانا اعتقد انها تنفع للاتنين

والله ما اعرف يا بنتي هيا طلعت كدا اناقصدي بيها رداء اسود

بس حتيطه حله عشان كانها بتتحلي بحزنها

دا قصدي

يارب يكون وصل يا قمر

الف شكر لاحساسك الجميل

وبجد انت اخت غاليه وعزيزه عليا

تحياتي ليك

وبجد
وحشتيني

gohayna said...

استاذي العزيز حسني سليمان

وكاني اري نفسي في مشلعرك ايضا

فيه تشابه كتير بينا انا وانت

اننا الاتنين بنبحث عن الحب الصادق الجاد وان اختلفت الاوضاع والطرق

بس بنتفق في شغفنا ببحثنا عنه

كلامك احلي كلام

وتعليقك زود الموضوع جمال

تحياتي ليك ولقلمك يا سيدي العزيز

gohayna said...

Lemonada

يا حبيبه قلبي تسلميلي يارب

ربنا يخليكي ليا ودايما تسالي عليا كدا


انا تمام وكله كويس

بس الشغل لاحس مخي خالص يا بنتي

لما خلاص هطق

انا مقصره معاكي بس اعذريني والنبي معلش

هجيلك علي رموش =عنيا يا قمر

تسلميلي

mohand said...

السلام عليكم

جيهان
كيف حالك

مفيش جديد ولا ايه؟

يا تري انتي بخير ؟

اسكندراني اوي said...

انتي ما تعرفيش اللي حصل لحنين ولا ايه
يوووووووووووووه
دي قصه طويله اوي
مش طلعت واحد ومتخفي
وحكايته حكاااااااايه
روحي شوفي البروفيل بتاعها يوووه اقصد بتاعه

sahr said...

ماشاء الله كلماتك جميله ورائعه ومؤثرة
الذكرى ممكن تكون دي الحاجة الوحيدة اللي طلعنا بيها من الدنيا من الماضي ممكن ترسم بسمه على شفايفنا كتير وممكن برده بنلاقيها دمعة في عيننا ونار عايشة جوانا اننا مش قادرين نسترجع الذكرى دي تاني ونعيشها من تاني
وحلو اوى العنوان آنين الصمت

احساس لسه حى said...

عزيزتى الغاليه
ايه الاحساس العالى ده
بس زعلت لماذا نتذكر ونشتاق الى من مزق داخلنا معنى الحب الحقيقى
نشتاق ونتذكر الذين يكذبون والذين يخونون والذين يغدرون
لماذا لانحرق اورقنا القديمه التى اتسخت بطين ممزوج باوساخ البشر
انظرى الى المرايا لترى روحك الجميله المليئه بالمشاعر لا لتنظرى الى وجه يتغير ويتبدل كل يوم
انظرى هل كبرت روحك او شاخت
ذلك هو المهم
تحياتى وبلاش تغيبى عننا انتى حبايبك كتير اوى
سلام

كراكيب عادل said...

تعرفي انا بقرا في بوستاتك القديمة جداا

مش غريبة دي يا بتاعة الصلصال انتي

:)

انا جاي اسلم

طمنينا عليك فينك

buffy said...

gmel gdn ya gohyna bgd enty ra2e3a ya 2amar

مجهول said...

يا من لديها الخبر اليقين

قوليلي بتكتبي الكلام ده ازاي

هل أذهب العشق عقلها
ام استوطن جنون الفراق فؤادها

لا ادري لما اعجبتني صيغة سؤالك
اراها الاثنتين
فضاع عقلها في عذوبة الحب
ومزق قلبها جنون الحرمان منه

اشكرك علي ابداعك عذوبة ورقة

تسلم ايدك مليون مرة

Doba said...

يا أهالى البلوجات الكرام
طم ططم طم طم

أسمعوا وأعوووووووووووو
لقد قمنا بنشر الفصل الجديد - للقصة المجنونة والجوهرة المدفونة - كشف المستور - وعلى الحاضر أنه يعلم الغايب بحضور المدونة لقراءة القصة وكتابة التعليق - وعلى كل زاير انه ميدخلشى الا برجله اليمين ويجيبلى حاجة حلوة قوى فى ايديه

يا اهالى البلوجات الكرام
مستنياكم كلكم

تعالوووو زوروووووونا
باى باى
دوبه

Tamer Nabil Moussa said...

السلام عليكم

ازيك عزيزتى جيهان اخبارك اية

كما عودتينا قلم مبدع واحساس عالى

الى الامام دائما

تحياتى

اعشق فى الليل ضوء القمر said...

جهينه
تصدقى بجد أشتقت لكتباتك مش عارف ليه
مش عارف ليه بعد يعنى فقت شويه من الغيبوبه إللى أنا فيها وقرات البوست حسيت إن الذكريات هى الأهم عليها بنعيش أمل وممكن بتكون سبب حسره كبير
لكن معايا الأن كانت دافع كبير
لك تحياتى ولكى أخلع القبعه وأنحنى إحتراما

momken said...

يقتلنى ...ان اشم عطر امأه كنت اعشقها تاتى متخفيه فى معطف مطر قديم تاتى لترانى دون ان اشعر بها....انها انا
تحياتى

gohayna said...

اسكندراني اوي

سلامتك جدا جدا

بعد الشر علي اللثه

ايه الي مخليها ملتهبه كدا


الكشف مجانا
والعياده الوهميه بتاعتي تحت امرك


لا بجد الف سلامه عليك
وجايه اطمن عليك حالا اهه

gohayna said...

شااااااه
اديني جاوبت اهه يا سيدي

الف سلامه عليك والله

والحمد لله انك عرفت الحل

ابقي طمني لما تخلعه

سسلام يا حج

gohayna said...

مهند

انا بخير الحمدلله

والف شكر ليك علي السؤال

انا عارفه انك زعلان مني

بس معلش انا مضغوطه اليومين دول جامد وانت اكيد عنك خلفيه بكدا

اتمني متكونش زعلان يا مهند

تحياتي

gohayna said...

اسكندراني اوي


انا شفت الي حصل لما قولتلي وبصراحه اتفاجأت

بس هيا فكره برضه

ولا انت ايه رايك


تسلملي علي وجودك يا اسكندراني

والف سلامه عليك يا اخي العزيز

gohayna said...

sahr


اولا اهلا وسهلا بيكي يا قمر في المدونه

ثانيا

اصعب شيء زي ما قولتي ان الواحد يكون عنده زكريات لكن للاسف مش قادر يسترجعها ولا قادر يلاقي حاجه تخفف عنه وقع الحياه الاليم

اعتقد ان دا اقسي حتي من الذكريات الاليمه يا قمر

بجد اهلا وسهلا بيكي وبتمني اشوفك دايما يا جميله

تحياتي ليكي

gohayna said...

احساس لسه حي


انت بصيت للموضوع من جه تانيه فعلا

ليه بجد منحرقش كل اورقنا ونبص علي المستقبل

وببنظره جديده غير الي اتعودنا عيلها خالص

فعلا عندك حق معظم الذكريات دايما بتطل في عقولنا بتكون الذكريات الاليمه الاول

يمكن عشان لحظات الفرخ في عمرنا قليله اوي

اتمناك كل السعاده يا حسام

وان شاء الله مش هغيب بس هيا ظروف الشغل الي شغلتني جامد جدا عنكوا

الف شكر ليك مليون مره علي وجودك

تحياتي

gohayna said...

كراكيب عادل

ازيك والله ليك وحشه بجد يا عادل

انا تمام وفي خير حال الحمد لله

وكله كويس جدا جدا


انا بشكرك علي سؤالك وعلي قرايتك لمواضيعي القديمه

يارب تكون عجبتك يا عادل

انا هجيلك اهه علي طول حالا

تحياتي يا عادل

gohayna said...

buffy

وجودك هو الي اروع يا قمر بجد

تسلمم ايدك يا جميله

تحياتي ليكي ولذوقك

gohayna said...

مجهول

يا صاحب التعليق الرنان

سعيده بحضورك وتعليقك الحميل

ةسعيده اكتر ان كلماتي عجبتك

والله هيا بتجي لوحدها يا سيدي انا مليش سلطه عليها ابدا



تحياتي ليك ولوجودك وان شاء الله جيالك حالا

تحياتي

gohayna said...

دوبا

من عنينا

هنيجي نزروك واجيبلك حاجه حلوه معايا وانا داخله


تحياتي يا قمر

gohayna said...

تامر نبيل


حمدلله علي السلامه

المدونه نورت بوجودك مره تانيه

مع انك طولت الغيبه اوي المره دي

عموما الحمد لله انك بخير وتمام

الف شكر يا تامر

تحياتي

gohayna said...

اعشق فى اليل ضوء القمر


حمدلله علي السلامه ويارب تكون اي مشاكل كانت عندك رقت منها الحمدلله وكله بقي كويس

الذكريات يا عزيزي هيا الي بتخلينا نشوف دنيتنا بشكل مختلف تاني خالص

لو حلوه بتحلي ايمنا

بتفرق معانا كتير اوي صدقني

اتمني تكون بالف خير وصحه وسلامه

ويارب دايما تكون منورني

تحياتي

gohayna said...

momken


غريبه الكلمات دي

وغريبه الاحساس الي خارج منها

الف مليون تحيه لهذا الاحساس

تحياتي ليك جدا جدا

samo said...

اولا شكرا كتير على زيارتك
واسف لو كنت اتأخرت فى الرد

ثانيا
حرام عليكى لما اكون انا بكتب حلو وكلامى جميل وغيره وغيره

يبقى كلامك وكتابتك انت ايه ؟؟؟

بصراحه كلام ولا اروع عبر عن اللى كتير بيخاف يقوله
وبجد خلانى افتكر حاجات حلوه كتير حصلت فى حياتى

دى اول زياره ليا بس اكيد هتتكرر

realy
very gooood

gohayna said...

samo


يا اهلا وسهلا بيك هنا عندي

وبعددين والله مش بجاملك انت فعلا بتكتب حلو اوي

وسعيده ان مواضيعي عجبتك


ويارب تشرفني دايما كدا

اهلا وسهلا بيك
واتنمي اشوفك تاني ان شاء الله

تحياتي

بتاع الجاز said...

انا بضراحه اول مره ازور المدونه بس شكلى هازورها على طول

اسلوب رائع ومميز يميل الى الشجن احب هذا الاسلوب وافضله

shreen said...

مرة اخرى رائعة كلمات فى منتهى الرقة ومنتهى الحزن وكانك ترسمين بالكلمات انا حاضيف مدونتك عندى لانك جعلتينى اعيش احساسك القريب جدا مما اشعر بة جعلتينى ابكى

shiro said...

hi
thats good