Falling hearts Here
اقسمت ان احطم كل القيود
ان اقتل وحش الكنود
ان احطم روحك بلا حدود
اقسمت بأنني لن اعود
اقسمت ان اخلع من قلبي امارتك
ان احرر نفسي من طوق عبوديتك
ان اهدم برحيلي معبدك
اقسمت بأنني لن اعود
اقسمت ان لا ابقي ابدا اسيره
لقبلات بارده تزرع في نفسي الف حيرة
لحضن يماثل قبرا ادفن فيه حيه بلا جريرة
اقسمت بأنني لن اعود
اقسمت بأن لا ارتدي بعد اليوم رداء الخنوع
ولن اقبل الذل والهوان ولن اقبل الركوع
وسأضحك واحتسي من عينيك كأس الدموع
دموع تسكبها بعدما اسقيك خمر الخضوع
اقسمت بأنني لن اعود
اقسمت فلن اطهر روحك بغفراني
وستظل تلعنك ادياني
وستشقي دوما بأدماني
اقسمت بأنني لن اعود
فلطالما ركعت امام عينيك مرارا
وابتهلت لقلبك تكرارا
فتركتني احترق بنار الفراق
وابيت ان تشفي روحي وبيدك الترياق
ونظرت في عيني وثملت من نهر دموعي
وطربت علي انات والام ضلوعي
فاليوم اعلنها واصدح بها عاليا
اقسمت
اقسمت
بأنني لن اعود
144 comments:
أه .. ده دوي جديد بعد فاصل من الصمت
بس الدوي المرة دي فيه إحساس مختلف شوية .. أو أنا حسيت كده وخصوصا إنه منشور بعد ما سافرتي .. والسفر لوحده دايما بيكون عليه علامة إستفهام كبيرة .. لكن شكلك كده بتجاوبي على الإستفهام ده
مش كده؟
انا اعتقد الكلام دة تأثير يوم الخميس
16 5 2007
اصل كان يوم شاعري خالص هنا في الكويت حتي روحي هنا وشوفي الصور
http://adel29.blogspot.com/
المهم القصيدة فيها تحدي وتمرد
قوة غريبة بس جواها ضعف اكبر
يعني ضعف متغلف بقوة مش عايزة تظهري الضعف علشان تباني اقوي بس القسم دة محيرني دليل علي ان الضعف كمان حيرك
يعني مفترق طرق دة يا جهينة ولا اية ؟؟؟؟؟؟؟
جهينتى
كاعادة مبدعه
بس تعبتى قلبى
انا حاسه ان دا بدايه لنهايه
ونهايه البدايه
مشاعركتير
ضعف
قوة
حب
كره
الم
تمرد
بس فى الاخر ابداع
ربنا يحميكى
رينا
ايه ده
أنا حاسه بعد ما قريت البوست اللى فات
انك مسافرة وانك واحشانى
أنا شكلى بخرف يا جيجى
قصيدة فى منتهى القوة
اهنئك عليها يا جهينة
تحياتى
جميل ياعزيزتي
فعلا معاكي حق من حقك انك تقسمي خاصة واذا كنت متاكده انك لاخر لحظة كنت متمسكة بامل ان اللي قدامك يحس ويفهم مفيش اصعب من المشاعر الباردة قصاد مشاعر نفسها يتحس بيها ، تخيلي اني كنت محتاج اسمع الكلامات دي علشان تقويني اسمحيلي اشكرك
تحياتي
ما شاء الله يا جوهاينا
احنا حنعتزل كده الشعر خلاص
أل يعني كنا بنكتب من أساسه
أنا على فكرة مع مراكبي حاسس تماما بالاختلاف في الكلام لأنك سافرتي
عموما ربنا يبارك فيكي ويحميكي
دعواتك لينا بقا
عندي ليكي قصة حلوة في اخر بوست
:))
السلام عليكم
ايه يا بنتي العظمه دي
انا لو في موقع الاخ ده
كنت انتحرت بعد ما سمعت الكلمتين دول
----------
كعادتك جميله وكلماتك جميله واحساسك اجمل
بس انتي كنتي قاسيه قوي عليه
تحياتي يا اختي العزيزه
متشكر علي اهتمامك وياريت دايما تبقي بخير طلباتك اوامر انا ما كنتش ناوي انزل بوست النهاردة انما علشان خاطرك البوست نزل اي خدمة علي الله يعجبك تحياتي
جى جى
جى جى
جى جى
مش قلتلك كل حاجه فى
السفر طعمها بيتغير
واضح التغير فى المشاعر والاحاسيس
انا مؤمنه ان كل ضعف لازم بعده قوة وكل انكسار بعده صحوة
هو ده حال الدنيا
دوام الحال من المحال
و على فكرة كل احساس من دول
حاله بنمر بيها على فترات متلاحقه
و بتغير فى نظرتنا لكل الاشياء من حوالينا.
جميله انت
يا جى جى
لا تعودى
و ابدئى من جديد
انت تستحقى ذلك
لكن لو فعلا تغير و اصبح فى احتياج لك رجاء لا تتركيه
و انت فى السفر و فى الوحدة فرصه انك تقربى من ربنا و تكون فى علاقه شخصيه معاه
و اكيد فى الحاله دى هيكون فى ملايكه كتير معاكى :)
اخجلتينى من نفسى فى تعليقك عندى
ايون كدا هو دا الكلام واللا بلاش
اديله على دماغه خلليه يعرف قيمتك:)
واوعى تتنازلى عن حلفانك ابدا
واللا انتى حمل صيام تلات ايام بقى
انا بحب روح التحدى لما تكون بين سطور الكلام لكن مش عارفه محسسانى انها تحدى جريح بيواسى حاله بكلماته دى.
عموما اتمنى لك الخير دايما وين ماتكونى
سلاااااااامى يامتحدية الصمت:)
يا عزيزتى
اهو تغيير؟
ام تنويع؟
لا ارى لكى صورة سوى الصورة الملائكيه المتسامحه التى يؤلمها الام الناس حتى لو ظالمين
وترهقها انات المتألمين حتى لو مجرمين
اراكى دائما رائعه متسامحه لا تعرفين الا الحب ولا ترضين بغير الرحمه
وهذا البوست رائع وجميل ومعبر وانسانى
ولكنه متغير
هل هو بوادر للتحول
ام هو تنوع فى الابداع
اقسمت
اقسمت
اقسمت
ومع كل قسم أنتظر إنكساره
ومع كل قسم أقسمت أنك في نهاية القصيده ستعلني أنك خذلتي قسمك و تراجعتي
ولكني أنا من خُذلت
ولكن خُذلت الآن فقط.. في هذه اللحظة فقط
خُذلت عندما إنتظرت أبيات هذه القصيده الراعئة
ولكني لن أُخذل عندما أنتظر القصائد التالية
فأنا أعرف قلبك.. أعرف أن وجعه قد يصور ه أنه قادر على هدم الكون
ولكن أيامه تثبت له أنه أرق ما يكون
ياااه على كلامك يا جيجي.. يتغزليه فقصايد كإن الحروف و القافيات ده لعب عيال
بحييك بشده مبالغ فيها و لكن مبالغتي على حق
الكويت عجبتك بسرعه كده
بالتوفيق
اقسمت
معاني حلوه جدا
الكلام تمرد
والمعني عتاب
الكلام قوي
والمعني مجروح
بس هقولك علي غلطه كلنا بنقع فيها
ساعات بتبقي القصيده محتاجه شعر حر
يعني ساعات بنحاول نضبط القافيه فبتكسر المعني في جزء او اتنين
الكلام ده مأثرش المره دي
بس النصيحه للجاي
وبجد بجد يعني
المعني حلو قوي
تمرد رقيق
احييكي
تحياتي
اولا الصورة جميلة جدا.. الوانها المتمازجة و المتداخلة ، بصدق ، رائعة
أختيارك لها كان موفق للموضوع.
ثانيا... الحب الذي لا يرفع المحبوب الي عنان السماء يكون وهم.
الحب الذي لا يضيف الي المحبوب يكون سراب.
الحب الذي لا يعطي للمحبوب السعادة يكون عذاب.
الحب الذي لا يعطي للمحبوب الامان يكون جهنم.
الحب هو الشعور بالسعادة و الثقة و الاطمئنان...
الكلام جميل و به من الكبرياء و عزة النفس الكثير... ربنا يوفقك دائما.
تحياتي و تقديري
بنسبة كبيرة انت كاتبة الموضوع ده وأنت هناك
أعذريني بس المرة دي فيه تعبيرات كتيرة غريبة عليكي
:)
مش فهلوة بس هيا بينه زي الشمس وفيه ناس كتيرة شايفة كده
أتمني أنك تطوعي كلماتك الجميلة في أتجاه اخر الفترة المقبلة
وستشقي دوما بأدماني"
اتعرفين معني يشفي بضم الياء
هل كنت تقصدين هذا المعني؟؟
لو كنت تقصديه فانت بارعة جداً
ربنا يحفظك
وهدانا الله وأياكم الي ما يحب ويرضي
جهينة اختي الحبيبة
لا حول ولا قوة الا بالله
اقسمت ليه بس انها لن تعود
لا لا انا عايزك متهرجيش ههههههههههه
مصر كلها عايزاكي
دايما في العالي يا جهينة انت احساسك لا يقاوم ولا يضاري
نفتقدك هنا يا عزيزتي
عايز اطمن عليكي يا بنتي انت مش بتدخللي ليه يا رب تكوني بخير ويكون الشغل ماشي الحال
تحياتي الخالصة جدا جدا جدا جدا
يا .. يا ..يا ..يا
مشعارف باجي اكلمك الاقي الكي بورد بيحصلها حاجات غريبة
اه يا دميلللللللللل
هههههههههههه
تحياتي الخالصة جدااااااااااا
جدااااااااا
جداااااااااا
جهينه الجميله
قصيده رائعه و كلمات قيه
مليئه بالمشاعر و الاحاسيس و ايضا لمحت فيها صلابه و تحدي احييكي عليها عزيزتي و ننتظر منك دايما حاجات حلوه زي كده
تحياتي ليكي و دعواتي بالتوفيق دايما ياجميله
بوست جامد و كلام اجمد...انا حسيته جدا
تحياتي
يا مراكبي
هو دوي جديد
مجرد تغير صدقني
بعيد عن الواقع
يعني يمكن احساس غاضب جالي فطلعته في الصوره دي
مش اكتر صدقني
الواقع مختلف تماما
يمكن توقيت الكلام هو الي خلك تفتكر كدا
عموما يارب يكون عجبك
وبجد الف شكر علي دخولك يا مراكبي
ابقي خد بالك من الحر والطوز لحسن الجو حاجه صعبه خالص
تحياتي
كراكيب عادل
يوم الخميس
دا مكانش يوم خميس
دا يوم نكسه
او وكسه
كان يوم مصيبه والله
انا بقالي بعيده عن البلد كتير اول ما اجي يعمل كدا الجو
بالنسبه للقصيده فهيا قويه بتعكس شعور غاضب جالي
تقدر تقول اني نفست عن نفسي قدام شخصيه خياليه من اختراعي
مش مفترق طرق ولا حاجه يا عادل
ربنا ينور طريقنا دايما
قول امين بصوت عالي
اوع تنزل مصر وتسبني هنا
احنا يا نعيش في الكويت سو
يا نعيش برضه في الكويت سوا علشان مش هقدر انزل دلوقتي
اوع تعملها من ورايا
تحياتي يا اخي في الغربه
nothing to lose
انا عايزه ادلعك طيب انا معرفش اسمك
اشمعني انتي يعني؟
بعتذر علي وجع قلبك ياقمر
والله اعمل ايه بقي
المره الي جايه تكون افضل ومفرحه ان شاء الله
ادعيلي انتي بس
اوعي تغيبي لو سمحتي
تحياتي
نبيذ
بعد الشر عليكي من التخريف يا قمر
انتي بس احساسك عالي
والله وانتي كمان وحشاني
وبتغيبي عليا كتير
مخصوم منك
ولا بلاش
المره دي هعديها
تحياتي
ياسمين
الله يخليكي
انا عارفه انك بتحبي القوه
علشان كدا انا كنت عارفه انها هتعجبك
الحمد لله
تسلمي يا قمر علي طلتك الحلوه
تحياتي
سندباد
القوه مصدرها جوانا بس للاسف سعات بنتوه من نفسنا
ومنبقاش عارفين نقوي نفسنا ازاي
هقولك علي سر
لو اتحطيت في موقف زي دا
وكنت متاكده من مشاعري اني كنت بحب الانسان دا لاخر لحظه
ولمست فيه صدق رجوعه
مش هتردد لحظه
صعب لما تكون بتحب وتفقد الي بتحبه ولما يرجعلك تقفل بابك في وشه
يمكن لناس كتير سهله
بس انا عندي هتكون صعبه
كتير بيقولو عليا اني مش عايشه في دنيتنا عايشه في دنيا ورديه وخيفين عليا
لبجد انجرح واموت
والله مش عارفه هو العيب فيا ولا في الزمن
تحياتي ليك كتير اوي
loumi
loumi
loumi
بجد بقي انتي انسانه جميله
وحاسه اني اعرفك من زمان
عندك حق
كل حاجه في البعد بتتغير
بس انا حريصه انها تتغير للاحسن مش الاسوء
يمكن بس التغير هيكون علي الورق
لكن الحقيقه حاجه تانيه خالص
بس يا ستي
انتي يا قمر عامله ايه؟
تسلملي علي كلامك كله وكل حرف
ربنا يخليكي ليا
تحياتي
يا جرررررررررررروم
تصدق انت مدوخني وراك
الراجل مش لقياله اثر يا ابن الحلال
والله خليت بابا يسأل بعد صلاه الجمعه
محدش عارف الرجل
عموما انا بحاول وبزود معرفي وان شاء الله هوصل لحل
ربنا يخليك علي كلامك
ووالله التغير علي الورق وبس انا لسه زي ما انا
مدونتك انا هدخل عليها من الشغل علشان البيت الكمبيوتر رخم موت
استناني ومتزعلش
ربنا يخليك ويباركلك انت كمان
تحياتي يا عبدالله
مهند
يا بشمهندس المدونه
بعد الشر تكون مكان الاخ دا
انا اقدر برضه؟
بس هو مين انت تعرفه
علشان انا معرفوش
وبعدين القسوه بتكون سعات مطلوبه
وشكلك خدت فكره عني اني بحب وبس
لا انا بعرف اقسي عند اللزوم
لازم برضه
عموما حسابنا مش هنا عندك في مدونتك اعرف احسبك كويس يا اهلاوي
تحياتي يا اخي العزيز
سندباد
انا رحت عندك وشوفت البوست وبالتاكيد عجبني
وكان ليا راي فيه هتشوفه عندك
ربنا يخليك احرجتني والله
بس انت كدا هتتعب معايا
هتلاقيني عندك كل يوم بسأل علي بوست جديد
مش هتلاحق بقي وانا هستحلاها
ربنا يخليك يارب
وتسلم ايدك بجد
تحياتي
blank socrate
لو انا فعلا في التجربه اعتقد اني هديله فرصه تانيه
يعني هحاول علشان اكيد هكون بحبه
وجودك عندي بيعنيلي الكتير
وتعليقي عندك حقيقه مش خيال ابدا
انت اكتر من كدا
اهلا وسهلا بيك دائما يا صديقي العزيز
تحياتي ليك
صورصاره
يا بنتي والله انتي زي العسل
ايوه هديله علي دماغه بس لو هو قدر وعمل كدا اصلا
مين دا الي يبقي معايا ويعمل كدا
شوفتي التواضع وعدم الغرور؟
بس لو حصل صدقيني مش هسمي عليه
تقريبا هتلاقينا في صفحه الحوادث
هههههههههه
ربنا يخليكي ليا يا قمر ودايما منوراني
هقبلك هناك عند الراقص مع الذئاب
تحياتي
هارملس
متقلقش
دا بس تغير في طريقه التعبير والكتابه
مش اكتر
مش بايه تحول ولا حاجه
ول هيحصل تحول هكون حريصه انه يكون للاحسن صدقني مش هكون غير ببنفس الصوره الي انت راسمها
بس بقولك ايه ميمنعش من شويه قوه وحبه قسوه صغيرن علشان نكون بشر مش ملايكه يا هرملس
سعات القسوه بتكون مفروضه وبتيجي لو حدها
وبعدين وصفك دا انا مقدرش عليه
كتير اوي بجد
متبقاش تغيب كدا يا هرملس
بحب اشوفك علي طول
وبعدين فين ايام الارقام الفرديه؟
حرمتني منها ليه؟
تحياتي ليك كتيييييييره اوي
هنووده
يا غاليه
كتير عليا
معلش انا خذلتك بس الكلام كان لازم ينتهي بنفس الشكل
زي ما بدء بقوه لازم ينتهي بقوه
وبعدين هطيب خاطرك قريب
هغير المود
يا قمر
هصالحه واحبه واتجوزه وكله في بوست واحد
المهم تكوني مبسوطه
منوراني يا قمر
ربنا معاكي في شغلك
تحياتي
شهر يناير
الله يسامحك
عجبتني دا ايه
كل حاجه ليها طعم تاني هنا
حتي الميه والهو
ربنا يعني والله
وبعدين متخدنيش في دوكه
ايه حكايه مدونتك ما تكتب بقي يا سيدي
مش لازم تتقل كدا
تحياتي
جودا بري
هقولك علي حاجه
انا مش دايما بكتب بقافيه
علشان بخاف من النقطه الي ذكرتها
لما بلاقي الاحساس هيتأثر
بتخلي عن مساله القافيه
ومش كله شعر
انا مش معتبر الي بكتبه دا شعر اساس
يمكن خواطر
كلام موزون وباحساس
لكن شعر وقصائدد
فلسه بدري اوي عليا
بس ايه دا
الكهربه ذات فجأه في المدونه
تقريبا علشان تشريفك ليا هنا
اوع تقطع النور
تحياتي ليك
الربان
فيك من اسمك كتير
حكيم في كلامك وعاقل
افكارك مرتبه جدا
عندك كل الحق في كلامك
مقدرش ازود عليه ابدا
بس مش كل الناس بتكون عارفاه
منوراني ويارب تفضل كدا علي طول
تحياتي
بينو
علشان مكنش كدابه
انا قصدي تشقي
جايه من الشقاء
مش عرفه بقي الي تقصده هو دا ولا لا؟
ابقي فهمني الله يخليك
وبرضه ابقي قولي زي ايه الاتجاهات الجديده الي انت شايفه وممكن اكتب فيها
شاركني التفكير لو تسمح
اما بالنسبه للتغير فهنا غير هناك
واقلام هنا غير هناك
والاوراق هنا غير هناك
لكن انا لسه زي ما انا
التغير علي الورق وبس
تنوع مش اكتر
الف شكر علي دعوتك وربنا يتقبل منا ومنكم
امين
تحياتي ليك
احمد طاهر
انا عارفه اني معنديش دم ومش بدخل النت
بس والله الوقت هنا بيعدي ومش لاقيه وقت انام
الله يرحم ايام الراحه في مصر
متخلنيش اعيط بقي
ماما قبل ما اسافر قالتلي بكره تحلفي باليام دي ومكنش مصدقاها
الشغل مش كويس
فيه ناس تنحه كتير وحابه تبوخ وتستظرف
عالم كويتين وتبانين ومش بيفهموا حاجه
انا كل يوم بحس ان مرارتي هتنفقع
ربنا يعين بقي
المهم هحاول افتح الصبح من الشغل واكلمك
متزعلش الله يخلليك
انت غالي عليا وانت عارف
وبعدين شوفلك صرفه في الكيبورد بتاعك دا
هو صيني برضه زي الروتر؟
ههه
هكلمك قريب ان شاء الله
تحياتي من احر حته في الوجود
تحيااااااااااااااااااتي
اجند حمرا
الحمد لله انه عجبك
بقولك انا لسه متخانقه مع ببابا علشان انا عايزه عربيتي تكون لونها احمر
وهو مش موافق
بيقولي اللون الاحمر هنا في الكويت لون البدو
اتصرف ازي بقي
متغيري اللون وخليكي حلوه
خليه فضي علشان العربيه
اما بهزر اوع تزعلي
ربنا يخليكي يا قمر ودايما مضويا المدونه بنورك
تحياتي
نقطه مايه
اهلا وسهلا بيكي في مدونتي
ومبسوطه انها عجبتك وحسيتي بيها
اتمني تنوريني دايما
متقطعيش نورك
تحياتي
ياااااااااااه بجد مافيش تعليق
جميله بجد ومعبره قوي
قويه قوي
بس يا رب تقدري تكوني قد القسم دا
اتمنالك واتمنى لكل الي في الموقف دا يقدروا يوفوا بالقسم
وانا اولهم
عشان اقسمت كتير
:D
تحيااتي
:)
ياة رقيقة اوى بجد وجيملة بجد
اوى
rosa
والله انا شكلي هصوم تلات ايام
بس دا لو حلفت اصلا
هو انا مجنونه لو حلفت ارجع في كلامي
بجد مبسوطه بوجودك واهلا وسهلا بيكي دائما يا عزيزتي
تحياتي
elgazaly
ربنا يخليك اوي
اوي اوي
نورتني ويارب دايما تكون موجود
تحياتي
It places fhoto of Madeleine in your bloggue
Missing Madeleine!
Madeleine, MeCann was abduted from Praia da Luz, Portugal on 03/03/07.
If you have any information about her whereabouts, please contact Crimestoppers on 0800555111 Please Help
جهينه الجميله
ربنا مايجيب خناقات ياقمريه
بصي انا شايفه ان طالما انتي اللي حتركبي العربيه يبقي انتي اللي حتحاليها مش لونها ايلون حيحلو بوجودك ياقمر
اهم حاجه بس تاخدي بالك من نفسك و تسوقي علي مهلك عشان خاطري
النور نورك و الله ياجميله و مدونتك انا بموت فيها اساسا و ربنا يوفقك و ينجحك دايما ياجميله
مساء شريف
ازيك يا جهينة؟ انا لما قرأت البوست حسيت بطعم جديد فى كلماتك
وعجبنى طعم التحدي فى تعبيراتك
ويبدو انك استقبلتى الغربة بنوع من القوة والصلابة ، وهذا يدل مدى تصميمك على اجتياز تلك المرحلة من حياتك
وختاما اقول انكى متألقة كعادتكى
خالص تحياتى
ودمتى فى حفظ الله
بقى اقسمتى انكى لن تعودى
اخص عليكى يا جى جى
ونهون عليكى يا ..انتى عارفه بقى الباقى
:)
يلا الكويت جابت الجديد القوى
اللى مستنينوه من زمان
يلا متزعليش من احمد هو بيغلس عليكى
اخويا بقى هنعمل ايه
:)
خلى بالك من نفسك
سلامات
جهينتى
ازيك انا جيت اسلم عليــــــــكى
هاتى بوسه وحشتينى يابنوته
بقولك ايه ما تدينى ميلك عايزة اكلمك
لو ينفع يعنى
وش مكسوف
يا سلااااااااام
حاجة قوية كدة و تفرح بجد
هوا دا فعلا قصيدة النثر
أينعم مفيش وزن بس في قافية داخلية
و الأحلى من كدة قوة الكلمات نفسها و الموسيقا الداخلية ليها
تحياتي
انا كان نفسي تكون الصورة من رسمك الخاص
عشان اجيلك الكويت مخصوص اهنيكى عليها
----------------
وثملت من نهر دموعى
----------------
لن اتكلم كثيرا
انتي تعرفين اكثر مني مدى روعتها
احيكي بجد
----------------
ايه اخبار الكويت الشقيقه :)
أه نسيت أقولك
شكرا على الكلام الجميل
أخجلتيني
كان المعتقلين في عهد جمال عبد الناصر ومعارضيه يدعون له ويقولون "اللهم أشفي عبد الناصر " بضم الألف وهي بمعني أهلكه
وعندما ذكرت في البيت
ستلعنك أدياني و ستشفي دوماً بأدماني
أعتقدت أنك بعد لعنة الأديان سيهلك بعدم أستطاعته ترك الحب الذي ضاع
علا فكرة انا زعلان منك مووووووووووووووت
الحقيني يا جهينة هموت ااااااااععععععع
لا حول ولا قوة الا بالله كان راجل كويس والله
لا بجد بقا
يعني هو عشان رحتي بقا الكويت خلاص يعني
ماشي يا ستي
مشهكلم ماشي ماشي
علا فكرة انا جبت حتى بي ام بلاستيك بس ايه بققا للواد عمر بركب فيها انا وهو
هههههههههههه
مشعايزين منك حاجة
روحي يا شيخة
بس ابقي تعالي تاني
لف وارجع تاني
هههههههههههههههه
طمنينا يا حاجة
معلقتش معلقتش هيه هيه هيه هيه
تحياتي الخالصة جدا جدا جدا
قويه جدا جدا يا جهينه
كل واحد انجرح لازم مر بالشعور دا قبل كدا
انتى عبرتى كويس كدا ومسكتى بخيط الحاله النفسيه للانسان دا بمعنى انه ف الاول بيقرر انه يبعد بعدها بيبتدى يحس برغبه ف الانتقام او ما يشابه
وبجد الشطرين دول فيهم الشفا
وسأضحك واحتسي من عينيك كأس الدموع
دموع تسكبها بعدما اسقيك خمر الخضوع
البوست مأثر فيا جامد وخلانى اقلب على نفسى المواجع..بس انا طاير م الفرحه لانك كتبتى حاجه جديده وشوفتى بقى يا ستى؟ كأنك لسه هنا ف مصر ولا وحشتينا
ولا حاجه..صح؟
:))
ربنا يحققلك كل امالك
وبالتوفيق دايما
أقسمت انكِ موهوبة
:)
تحياتي أختاة
وارجو ان تكوني بخير حال في الكويت
تم أفتتاح العدد الأول من مجلة نفسنا
نتمنى منكم زيارتنا
شريف فهمي
طلباتك اوامر
ان شاء الله اعدي واقول رائي
اهلا وسهلا بيك
تحياتي
david santos
if i know any thing i will help you
nice to see you again
thx
اجند حمرا
مساء الخيرات
واللبن الزبادي
مساء الانوار
كيف الحال عندك يا اختاه
والله انتي جميله وكلامك اجمل ةربنا يخليكي
وسعيده اني عرفتك بجد
ابقي طمنيني عليكي واعوعي تغيبي انا بقولك اهه
تحياتي يا قمر
كلام لوجيك
مساء شريف حظرتكم افندينا
والله ليك كلمات كدا فريده من نوعها
ربنا يخليك يا رب علي كلامك الجميل والف مليون شكر يا سيدي الفاضل
متنساش تدعيلي
تحياتي
رانيا
يا راااااااااااااااااااانيا
وحشاني يا راااااااااانيا
اخوكي خلاص في عداد الاحياء
انا ناويه اغتاله قريب عن طريق جماعه ارهابيه هنا موجوده في الكويت
اتعرفت عليهم كانوا جايين عندهم خراج وبيني وبينك انا بادلت
اعملهم سنانهم ويقتلوا اخوكي
يا بنتي ربنا يخليكي انتي عارفه مقدرش مرجعش
تبقي كارثه
ربنا يخليك ودايما منوراني
سلام مؤقت واشوفك علي خير
رينا
اهلا وسهلا
مش تقولي انك جايه علشان افرشلك المدونه بنج وشاش
خطوه عزيزه يا قمر
وخدي بوسه كبيره
الايميل موجود في البروفيل بتاعي و
وزياده في التاكيد هكتبهولك وتنوريني جدا جدا
dr.gohayna.149@hotmail.com
اهلا وسهلا بيكي اخت وعزيزه
مستنياكي تضفيني
تحياتي
محمد فوزي ال ربيع
يا سيدي ربنا يخليك
ولعلمك انا اساس مش باخد بالي من القافيه الداخليه
انا كتباه بشكل منمق دون النظر علي القافيه
علشان مكسرش الاحساس
وبعدين العفو ياسيدي دا اقل واجب والله
تحياتي ومتتأخرش تاني مره
احمد سلامه
بصراحه ومن غير كدب
لا اللوحه مش من رسمي
انا برسم حجات علي خفيف مش بالجمال دا يعني
لسه موصلتش للمرحله دي
بس برضه لازم تيجي الكويت امال هستني مين انا في المطار
ربنا يخليك
والكويت هنا كويسه بس حر اروي اوي
الواحد ببيعمل سونه كل يوم والله
ربنا يعين يارب
دعواتك
تحياتي ليك جدا
بينو
جزاك الله خير علي المعلومه
انا كان قصدي تشقي بفتح جميع الحروف
المعني العادي يعني
بس كدا انت اضفتلي الي القاموس بتاعي كلمه جديده
بجد جزالك الله الف خير
تحياتي
احمد طاهر
يا هلا يا مرحبا بالناس الي زعلانه
انا مقدرش علي زعلك وانت عارف
والله بس هو زنقه الشغل الاولي لغايه ما اثبت نفسي
وبعدين هدخل علي النت من الشغل بس انزل البرنامج وادخل عليه
وبعدين ازاي تجيب لابنك العربيه بدالي
مش كنت هجبهالك انا لعبه
عموما متفرقش في بيتها يا فرويد
قريب هكلمك والله
ادعيلي ياحمد
احمد
احمد
انت نمت ولا ايه
مش بترد ليه
مداح القمر
والله مقصد اقلب عليك المواجع ولا حاجه
بي الي حصل بقي
ربنا يسعدك وتكون دايما في سرور وهنا وسعاده وخير
الف مليون شكر علي كلامك يا مداح القمر
ومتبقاش تغيب كدا تاني
تحياتي ليك جدا
صاحب البوابه
ربنا يخليك
والله كلمتك كبيره عندي
انا الحمد لله بخير وكويسه طول ما انا متواصله معاكوا
تحياتي يا اخي
ربنا معاك
نفسنا
من عنيا
ان شاء الله يكون فيه زياره قريب
بس لازم حاجه ساقعه مع الافتتاح
تحياتي
يابت يا جى جى
سيبى الولد فى حاله
ده لسه كاتب كتابه النهرده
يلا عقبالك يا بنت
وحشتينى جدا
واحب اطمنك على اسرتك
ها
اى حركه هتتعمل فى اخويا اعرفى هتخلص على طول
طنط هاخدها رهينه
وهايدى فى الحفظ والصون
وياسمين هحط السيخ المحمى فى صرصور ودنها
نهى بقى بعد الامتحانات هشوف حالها
:)
اخويا قصاد الاسره
:)
يلا يا جى جى عاوز اشوفك اون لاين بس قبل 12
يلا سلاماتى وقبلاتى واحضانى
ايه دة ايه دة انتي يا بنتي عبرتي عن كل الي جوايا في كلامات صادقه بكل المقاييس جميله جداااااااااا وتعبيرك جميل ورقيق بجد انتي هايله
رانيا يا حلوه يا جميله
الف مليون مبروك لاخوكي وعقبال ما امشي في جوازتك يا بنتي
قولي امين
دا انا هطلع عينه
هو هياخدك بالساهل
بس اشوفه بس
ربنا يخليكي يا رانيا
انا كلمت طنط واحمد اخوكي عفيت عنه علشان مراته بس مش علشان تهديدك
احنا عالم مش بنخاف حضرتك
المهم يا بنت الحلال لما تكوني قاعده علي النت اديني رنتين ورا بعض علشان اعرف
بقولك ادعيلي والنبي يا رانيا
عندي مقابله مهمه يوم السبت لو تمت علي خير هتغير مسار حياتي تماما
ادعيلي يا رانيا بجد
اشوفك علي خير
الدمعه
ربنا يخليكي يا بنتي علي كل كلامك
بجد والله اتكسفت منك
الف شكر ليكي ودايما منوراني
تحياتي بجد
وااااااااااااااااااو
صراحة يا جهينة كتير كتير حلوة وحبيتها من قلبي كنت بقراها ورغم انها قاسية وقوية وكلها الم بس اشعرتني بسعادة ما بعرف ليش
وسأضحك واحتسي من عينيك كأس الدموع
دموع تسكبها بعدما اسقيك خمر الخضوع
وحبيت هالسطرين وحسيت انو انا بدي اعمل متلك شي يوم ليش برضو ما بعرف
بس بشكل عام حلوة كتير
وبحييك عليها
جهينه :
اى حبيب هذا من يتركك يا مرهفه الشعور لتعطمى قيود كل العصور ،
لو انا حبيبك لقلت لك ( اقسمت ) اقسمت عليك ان تفر لى .
اقسمت عليك ان تسمح لى ان تعطينى فرصه اخرى لاتعلم منكى المعانى ان اتفهم ان اكون معكى انسانى .
مبدعه يا جهينه دوى كلامك صم كلماتى اصابنى بالطنين فى عقلى لا استطيع الا ان اتذوق حلاوة كلماتك .
محمد فوزى
دارت الارقام وجه رقمى المحبوب عشان يقرب البعيد ويستدعى الغائب ويجدد العهود ويكرر الاسئله
كل دول محبين؟
ياترى بيتحس بيهم؟
من فينا يقبل الخضوع
ويرضى بالذل والدموع
اوفى بقسمك واخرجى من هذة المرحلة امامك الكثير
فى انتظارك الاجمل والاحلى
تحياتى
فكرتيني ب نزار
وعدتك ألا اعود و عدت
و ألا اموت اشتياقاً و مت
و عدت بألا و ألا و ألا
لقد كنت اكذب من شدة الصدق
و الحمد لله أني كذبت
تحياتي
حنان شلبي
حلت الانوار
اهلا وسهلا يا قمر
اوعي تعملي زي زيارب ما تعملي ابدا
لاني اساسا معملتش ولا اقدر اعمل الي كتابته
التجربه صعبه متمناش اني اتحط فيها في يوم ابدا
ولا اي جد تاني
تحياتي يا فمر ومنوراني دايما
متبقيش تغيبي
تحياتي
محمد فوزي
والله العظيم اخجلتني كلماتك
تعيبراتك رائعه تنفع بوست لوحده بجد
والاروع معرفتك اكيد
اي كلمه شكر مش هتعبر عن مدي امتناني ليك
ربنا يخليك يا محمد
الحمد لله مفيش عليك غرامه تاخير البوست دا
الف شكر علي وجودك وكلامك وتشريفك ليا
تحياتي جدا جدا
هارملس
اشرقت الانوار
وارتسمت البهجه والسرور علي كل الحروف في المدونه
وبالتبعيه علي صاحبه المدونه
وشكر خاص لكل الارقام بجد بحبها
الاحساس هو غريزه عند كل الناس
فيه الي يقدر يطوعه ليشعر بما هو مخبأ في الصدور
عن نفسي انا بحس بكل شيء مهما كان صامت وجامد
مهما كان معبر
حتي لو مجرد كلمات
حتي لو نبره صوت
نظره عين
حركه
التفاته
كل شيء
ومعرفش اذا كان دي ميزه في زمنا دا ولا عيب؟
ممكن تقولي؟
تامر نبيل
متخفش لو حلفت هوفي
بس الحمد لله موصلتش للمرحله دي
دا مجرد خيال علي الورق وبس
وليس تجربه بالمره
منورني يا تامر وقلقانه من البوست بتاعك الي جاي
ربنا يستر
تحياتي
رامي
يا رامي
صديقي العائد من الاضراب عن التدوين
واضح ان الزعيق جاب نتيجه
مش تقولي كان زمان زعقت مليون مره
نورت المدونه بعد غيبه اتمني متتكررش ابدا
انت قوي وانسان جدير بالاحترام
وزي ما فيه الوحش
فيه الكويس
متبصش للاسود
وبعدين نزار مره واحده
ربنا يخليك يا رامي
اياك تغيب تاني
تحياتي
أحببت روح التمرد و العصيان
بعد خضوع و إذعان
قوة الكلمات تضاهى حدة الشعور
جميل
اقسمت ان لا ابقي ابدا اسيره
لقبلات بارده تزرع في نفسي الف حيرة
لحضن يماثل قبرا ادفن فيه حيه بلا جريرة
محضر الإتهام
وسأضحك واحتسي من عينيك كأس الدموع
دموع تسكبها بعدما اسقيك خمر الخضوع
الحكم القاسى الذى يضاهى فى قسوته ... برودة الجرم القارصة
حلو
القهوجي
تشريفك وكلامك كله اكتر من رائع
وزي ما انت قولت
القوه وقسوه في التعبير
مش دايما يستحب الخضوع او الضعف في الحب وخصوصا في وقتنا
تحياتي لتشريفك مره تانيه
واهلا وسهلا بيك دائما
ههههههههه
مخصوم منى اية بقى
انا عديت اهو
أبصم فين يافندم ؟
كنت هاكتب حاجات كتير
بس من الكومنتس بتاعتك
عرفت انها حاله ابداع
مش موقف..من حبيب
كلامك جميل
واكبر دليل..ان الكل حس انه منك
برغم معرفتهم الكبيرة برقتك
اجمل تحياتى
وخليكى بالجو
ماما الحمد لله رجعت بالسلامه
وقالتلى على اللى احمد عمله فيكى فى التليفون
هههههههههههههههه
اتبهدلتى من غيرى ياجىجى
وعلى ايد اخويا
ههههههههه
لا بجد
اوعى تكونى زعلتى ماما قالتلى انه كان بيهزر معاكى
وانك كنتى واقعه من الضحك
هو احمد كده هزارو تقييييل
قوليلى بقى عملتى ايه فى يوم السبت اللى قولتيلى هيغير حياتك لو الموضوع مشى
طمنينى عليكى كده
وخدى بالك من نفسك
ومتزعليش من الناس اللى مش هممها الا الفلوس
امال هما متغربين وسيبين بلادهم وعلاقتهم عشان ايه
مهو عشان الفلوس
صعب يا جيهان تجمعى دلوقتى بين حاجتين وتاخدى كل الميزات
انتى مسافره وعارفه كده كويس
بس ان شاء الله ربنا يوفقك مع ناس طيبين زيك ويقدروا يخففوا عنك الغربه
يلا يا جميله ربنا معاكى وابقى طمننى
ومتنسيش تاخدى الشيكولاته من احمد
:)
سلامات والى اللقاء
انه صراخ يخرج من أعماق الظلام والصمت
نبيذ
مخطوم منك تلات وردات في البوكيه الي ببعتهولك كل اول شهر
حلو كدا يعني؟
تحياتي يا قمر
فان كوخ
انت عامل ايه واخبار السفر ايه ابقي طمني عليك يا سيدي
معلش انا مقصره معاك والله بس هروق واجي عندك اخد حاجه سخنه في مدونتك بس ياريت حتته كيك بالمره
ربنا يخليك علي كلامك
وطمني عليك متنساش
تحياتي
رانيا
يا رانيا
قلبي وربي غضبانين علي اخوكي
هو عارف اني مش هعرف ارد عليه علشان بخاف لايزعل لو ادتله كلمتين
وحياتك انتي يا غاليه انا ساكتاله علشان خاطرك
الله يكون في عون مراته
ربنا معاها
انا عارفه انه بيهزر وبيني وبينك انا كنت بضحك من غيظي حتي انا قولتله لو كنت قدامي كنت اديتك بوكس ريحك للابد
بس يله عند الله بقي الاجر والثواب
حمدلله علي سلامه مامتك
وانا بخير وهكلمك علي النت علشان وحشاني يا بنتي جدا جدا جدا
عبدلله خالد
مخرج مسرحي
يارب تبقي اكبر مخرج في الدنيا
ربنا يوفقك
واهلا وسهلا بيك عندي
تحياتي كتير لكلامك واتمني تنورني دايما
تحياتي
السلام عليكم
إسمحيلى بمرورى على مدونتك
بس القصيده حلوه بجد مش عارف بتظهر منطق القوه الناتج من الضعف
ولا الضعف وراء القوه
على العموم كلمات رائعه
تقبلى مرورى
جئتك ألقي السلام يا عزيزتي
اشكرك لردودك الرائعة في مدونتي
بالمناسبة
أضفتك عندي على الايميل
حزري ما هو ايميلي
:)
اعشق في الليل ضوء القمر
اهلا وسهلا بيك دائمل في مدونتي
البيت بيتك ادخل براحتك
اما بالنسبه للكلام
فكل واحد بيبص من منظور معين
فيه ناس شيفاها قوه مطلقه
وفيه حد شايفها ضعف مغلف بقوه
كل واحد وحسب رؤيته ليها
تحياتي ليك ونورني وجودك بجد
صاحب البوابه
العفو انا متأخره كتير في الردود والله
بس انت عارف
وبعدين انا ايميلي ينور والله
بس ماتسهلها عليا شويه وقلي ايميلك انهي واحد
اصل كل شويه بلاقي الناس الي عندي مغيره اساميهم وانا بيني وبينك الزهيمر باي بدري شويه عندي
دماغي بتفوت والله
خليك حلو وقلي حاجه اعرفك بيها
اميلي نور والله يا اخي الكريم
الف شكر علي وجودك واتمني دايما اشوفك
تحياتي
إسم مدونتك أعجبني لدرجة الموت أختي
أشكرك و في حفظ الرحمن
ايوه يا هانم
يا قهلا يا قهلا بالناس الكوايتة
وانا لسه هستني لما تثبتي نفسك يبقا ان شاء الله استني للنة اللب بعد بعد الجاية
هههههههههههههههههه
ولا يهمك يا جهينة انت فوق مستوى الشبهات قصدي الزعل يعني
يابنتي اتنين مزعلش منهم عمر وانا
الله امال انت فين هههههههههههه
ضحكت عليكي طلعتي من اللي بزعل منهم ههههه لا والله انا بهذر
المهم تكوني مرتاحة ومبسوطة هي في الاول كده بس وبعد كده بتعدي وهتنسينا كمان
اهي اهي اهىء اهىء
كده نستيني يا جهينة
روحي يا شيخة
اخبار الاكل ايه وبابا ربنا يستر
بس انا وثيق من الفوز يعني معاكي
لا تقلقي
تحياتي من اعلي بقعة على الحاسوب
الخالصة جدا جدا جدا
قال ازعل منها قال
يا راجل فتشني فتش
روحي يا شيخة قلبي وصوابعي غضبانيين عليكي ههههههههههه
:)
قاسي اوى البوست ده
مجنون
اهلا وسهلا بيك في مدونتي
وسعيده ان اسم مدونتي عجبك
يارب تنورني بزيارتك دايما
تحياتي
احمد طاهر
الحمد لله
عوضتهالك
خلي صوابعك راضيه بقي
انت عارف
مين الي هيعملي الاكل يعني؟
ربنا يخليك يا احمد
وبعدين انا عارفه انك مش ممكن تزعل مني ابدا
لا انا ولا عمر
هو كدا الصح
وعمر الغربه ما تنسيني الناس الي بحبهم وبعزهم ابدا
هنا بس فلوس والله يا احمد
الحياه جافه جدا
اما الاصحاب والناس والعشره الحلوه كلها في مصر سايباهم هناك ويارب ارجع الاقيهم ومينسونيش
تسلملي يا احمد
ودايما واقف معايا وجنبي
بس ابقي اتاخر شويه علشان المكان ضيق
انت عاف بقي الحر
ههههههههههه
اهزر شويه اشمعني انت يعني؟
تسلملي يا احمد وربنا يخليك ليا
وعملت زي ما قولتلي
اي خدمه
تحياتي من اعلي من العلي حته عندك في الحاسوب
نرفانا
معلش حظك جه معايا كدا
بوست قاسي
بس معلش تتعوض
اهلا وسهلا بيكي ويارب تنوريني تاني
تحياتي يا قمر
واحشاااااااني
ماشاء الله أكثر من رائعة
ربنا يباركلك
كلمات فوق الرائعة عزيزتي جهينة
جميل ان احنا نقف مع نفسنا ونقرر احنا عاوزين ايه ومش عاوزين ايه
ونتحدي كمان نفسنا
بوست رائع وكلمات تحفة الى الامام
تحياتي
تسلمى حبيبتى
النور نورك
لو محتاجه اى خدمة بمدونتك انا تحت امرك
جهينة جزانا الله وأياكم
أرجو أن يهون الله عليكي الغربة
ويحفظك
هنوده
وانت كمان والله وحشاني
انا كنت فاتحه الايميل امبارح وملقتقيش
معلش تتعوض يا قمر
طمنيني عليكي يا جميل
علاء
ربنا يبارك فيك
الف مليون شكر يا اخي العزيز
تحياتي ليك ولتشريفك ليا
يارب تنورني علي الدوام
ضوء القمر
عندك حق النظر الي الامام دائما
وعدم العوده الي الماضي هو اصوب شيء في الوجود
الف مليون شكر علي وجودك
ودائما اشوفك عندي
تحياتي كتيير اوي جدا
نرفانا
الله يخليكي دا من ذوقك والله
بجد مدونتك جميله جدا وشيك اوي كمان
تحياتي يا قمر
بينو
احلي حاجه في كلماتك الاحساس الجميل الي طالع منها
احساس بالايمان والتقوي يعيد للنفس الطمأنينه
ربنا يباركلك يارب في كل شيء ويسعدك ويهني ايامك
تحياتي ليك اخي الفاضل
السلام عليكم ورحمة الله وبركاته
جميل جدا الكلام واحساسه عالي اوي
ياتري ده بسبب تاثير الغربه
اذن
لا تضطرى للصيام ثلاثة أيام
تحياتى
خمسه فضفضه
وعليك السلام ورحمته الله وبركاته
نورتي والله
بتتأخري عليا كدا ليه؟
المهم يمكن الاحساس دا علشان الغربه
حسيت بضعفي في وقت معين فحبيت احوله لقوه واخرجها امام اي انسان
علي الورق وبس
تسلميلي يا قمر
تحياتي
عين ضيقه
انا لسه كنت عندك والله
ربنا يوفقك في امتحاناتك
واكيد مش هصوم تلات ايام
الحمد لله
نورتيني يا قمر
حلوة اوي القوة دي
وحلو او التمرد والعند
عجبتني جدا بجد
بجد رائعه
سمراء النيل
الف مليون حمدلله علي السلامه
عملتي ايه في الامتحانات ياقمر
يارب تكوني كويسه
الف شكر والله علي دخولك
اسعديني بوجودك مره تانيه يا قمر
هجيلك علشان اخد حلاوه النجاح ان شاء الله
تحياتي يا قمر
اقسمت
اقسمت
بأنني لن اعود
كلام رائع جدا
شاب عادي
ربنا يخليك يارب دا من ذوقك
تحياتي لنورك ووجودك
واتنمي اشوفك دايما عندي
تحياتي
انتي هتعدي تقسمي كده كتيييير
ولا ايه يعني
متنزلي بقا حاجة جديدة يا ستي
الله بقا
براحتك براحتك
انت عاملة مسابقة ال 200 كومنت ولا ايه
كفايه عليكي كده
ههههههههههه
كيفك والله شو حالك شو تسوي شو شو
احمد طاهر
عنياي يا سيدي
انت تأمر والله
البوست الجديد هيكون نازل بكره بأذن الله
1 في الشهر
يعني علشان القبض بقي وانت عارف
كل واحد داخل يعلق يتقل جيبه
من عنياي يا احمد
وانا الحمد لله منيحه
مشكور والله ماجسرت
شنو تبي بعد؟
اول مرة اشرف بدخول مدونتك
قصيدة صيبة
لكن اعتقد انك تملكى المزيد
تحياتى
وحشتني بوستاتك
هو لسه كتير على واحد في الشهر ده ؟؟
انتي طبعا هتنزلي تلات بوستات مع بعض صح ؟
يالله بقى
:)
أول مره أزورك يا جهينه ألاقيكي
مديها حلفانات
:)))
بس بجد ممكن البنت زي لما بتحب بقوه وتخلص بقوه لما بتتجرح بيكون النتيجه كلماتك
جميله أوي يا جهينه
سلامااااااااااات
كثيرا ما تكون الثوره على حد الظلم
كثيرا ما يكون الغضب على حد الالم
و عندها يموت كل شىء و يبقى الشعور بالثوره و الالم و الغضب و الرغبه فى اهدام المعبد على كل من فيه فلم يعد هناك مكان لنبض جديد فى القلوب و تكون النهايه المحتمه هى الرغبه فى الخلاص من كل القيود التى لا نتذكرها اللى عند النهايه عندما يزدل الستار على عرض من الالام و انهيار كل المعانى السابقه
تحياتى
يا جميل انتي فينك الجزء التاني نزل امبارح يا ريت تقريه و تديني رأيك
تسجيل متابعة
:)
البلوجر الظاهر هيبوظ من امبارح منزل بوست ومش عايز ينزل
نشوفلنا موقع تاني بدري بدري
الطائر الحزين
اهلا وسهلا
نورني دخولك والله
وانا الي اتشرفت بدخولك عندي ومعرفتي لمدونتك
الف شكر علي كلامك
واتمني تنورني دايما
تحياتي
احمد سلامه
انا بجد مبسوطه بمعرفتك دي اول حاجه
ثانيا مبسوطه علشان الي بكتبه وحشك
دي كبيره عندي جدا
ثالثا
انت تأمر يا سيدي
البوست نزل
بس هو واحد بس معلش
عبقال ما دماغي اشتغلت
وبيني وبينك حاسه انه مش حلو
لو بجد مش حلو قولي علشان بثق في رأيك ومش هزعل والله
هستناك
تحياتي يا احمد يا منورني بوجودك
ريري
يا اهلا وسهلا بيكي
وانتي دخلتي علي الحلفنات
وشكلي هصوم مليون يوم
اهلا وسهلا
وعندك حق
احنا بنمتلك حجات كتير بجد مش بتظهر غير وفي وقت معين
نورتيني واتمني علي طول اشوفك
تحياتي يا قمر
سريف غريب
مفيش حاجه اقولها علي كلامك
انت لخصت البوست بطريقه في منتهي الواقعيه
وبشكل اكتر من رائع
هو دا الي عايزه اقوله بالظبط
بجد بحيك علي دخولك وتفسيرك لكلامي الي اسعدني جدا
اتمني اشوفك دايما
تحياتي
نقطه ميه
عيوني
حاضر يا قمر
هزورك واشوف الجزء التاني
وهقولك
تسلميلي يا قمر
كراكيب عادل
هو ايه الي حصل؟
ماله البلوج بتاعك
انا كمان لما بدخل عندك
الجهاز بيفصل والله قولت دا من عندي
دخلت من الشغل فصل برضه
انت عامل نظام امني؟
كل دا علشان مخدش لوحه من عندك
ياه
انا بهزر
ان شاء الله تكون بسيطه
تسلملي متابعتك يا عادل
والبوست اهه نزل
تحياتي كتيير جد جدا
من ابو حليفه للسالميه
تحياتي
دائما متلقة... اختيار المفردات للتعبير عن المشاعر متميز....يضيف قوة للمشاعر و يؤجج الاحاسيس...
في رأيي ان الحزن دائما ما يطهر النفس و يسمو بالمشاعر...
تحياتي و دائما موفقة ان شاء الله...و شكرا علي ابداعاتك.
الربان
الف مليون شكر
اذا كان فيه حد فينا عنده اباع فهيكون انت يا صاحب العقل الرزين
تحياتي ليك كتير جدا وبجد منورني
الف مليون شكر
مساء الخير ؛
فقط حبيت اقول اني متابع بالقراءة لكل جديد
تحيات إسكندرانى في بلاد الله الواسعة
اسكندراني
ربنا يخليك علي متابعتك
والله بيسعدني وجودك جدا
ربنا يرجعك بلدك بالسلامه
تحياتي ليك
عزيزتي gohayna ؛
شكراً لحضرتك علي الشعور الطيب ...فقط حبيت أن أطمئنك بان هجرتي من المحروسة أبديه يعني زي المثل العامي مبيقول: "خلاص راحت عليٌ بقي
" .....
too late to comeback. My game is over, for all time. Have you got it?
اتمني لحضرتك إقامه سعيده في الغربه وربنا لايجعلها هجره ابديه
تحيات إسكندرانى في بلاد الله الواسعة
اسكندراني
قد ايه كلامك وجعني
هجره ابديه
عارف كلها احساس بالالم
ياااااااااااه
الظروف سعات بتدفعنا لطريق غيرب ونتفاجأبنتايجه بعدين
ربنا يكرمك وترجع حتي زياره لبلدك
ربنا يخليك يا عزيزي وصديقي في الغربة
Post a Comment